من الاخر يا جماعة ... النترا 2012 ولا بلاش؟؟

[memodina1]

شكرا على كلامك المنطقى

[strong2008r]

المشاركة الأصلية كتبت بواسطة memodina1 لا اله الا الله يا استاذ الفرامل بتاعتها قوية جدا مش قوية بس لاة قوية جدا ومفيش حاجة اسمها ضعيفة بعد المية لانى دى فرامل قبل المية شغالة ممتاز وبعد 100 برضة ممتازة العربية على سرعة 100 بتقف فى 4 ثوان من الثانية 6 الى 10 ادى الدليل http://www.youtube.com/watch?v=bCh6JgbDop0 طبعا 4 ثوان قليل مش كتير ولعلمك لما تكون العربية ماشية على 150 وفرملت هتلاقيها فى ثانية جابت 100 وبعد ال100 فرمل هتلاقيها بتاخد وقت اكبر لحد 50 وجربها فى اى نوع عربية حتى 128 هتلاقى كلامى مضبوط على العموم انا اللى جربتها مش abs ومفرملتش بيها لحد الزحف لاة فرامل طريق عادية وكانت اكثر من ممتازة معلش العربية دى محترمة جدا وبرضة انتظر راى باقى الاعضاء

شكرا يا باشا علي الرد و الله طمنتني .. كدة الواحد يدفع فلوس و يشتري العربية و هوة مطمن

[strong2008r]

المشاركة الأصلية كتبت بواسطة mhkash انا كان لي رد على موضوع تاني فى المنتدي و هانقله لك هنا للافاده (انا كنت باسوق عربيه اقل بكتير من الانترا - ف دي تعتبر نقله جامده جدا جدا لي - كما انه لابد ان تكون موضوعي و عادل في تقييم الامور وربنا يوفقكم) ________ شوف حضرتك مسألة الشكر او الذم فى العربيه ده معيار غير حقيقي للحكم على العربيه بصفه عامه ممكن تلاقي اللى بيشكر فيها عندو اسباب منها 1 - عندو العربيه و فرحان بيها 2 عندو العربيه و مش عاوز يزعل نفسو 3 بيسوق عربيه تعبانه و اول ما ركبها انبهر بيها 4.................ز اما اللي بيشتم فى العربيه فعندو اسباب برضو 1- عندو العربيه بعد ما كان راكب عربيه اعلي 2- معندوش العربيه و مش طايل يجيبها و بيعمل زي التعلب لما بص لعنقود العنب على الشجره وقال --هه ده لسه اخضر 3- ............... مع الاعتذار للمؤيدين و المعارضين و احترامي الكامل لهم حضرتك الحكم الاساسي فى الموضوع بس فيه معايير تانيه ممكن تؤثر على قرارك وهي ان العربيه دي واخده جوايز كتير على مستوى العالم منها سيارة العام في امريكا سيارة العام في كندا وهناك مؤشرات اخري مثلا انتشار العربيه له مدلول كويس وعموما انصحك بصلاة الاستخاره والبعد كل البعد عن السرعه (موضوع الثبات ده بتتقيم بيه عربيات السباق مش عربيه ماشيه معظم الوقت فى شوارع مصر المزدحمه على سرعة 30 كيلو لو بتجري - اكرر معظم الوقت - معظم الوقت) وشكرا _________________________ تفتكروا حضراتكم ان عربيه واحده الجوائز دي تبقي عربيه اي كلام و هل تفتكروا ان حكاية ثابته و مش ثابته و فرامل و صوت ونه وزنه و رجه و الكلام اللى بيتقال ده - كلام منطقي - اعتقد لا 1000000 مره

شكرا يا باشا علي الكلام المنطقي دة

[aymanlaw]

لو حاببها توكل على الله وشتريها عربية غاية فى الجمال والروعة وناعمة يعنى مفيهاش شىء يتعيب ,بجد هى قنبلة الموسم من ناحية التصميم واعتقد هذا التصميم هوالى هيكون نهج لعربيات تانية فى السوق يعنى الجميع هيحولوا يقلدوها لأنها منفردة بشخصيتها --توكل على الله وربنا يكرمك بأذن الله

[Toyota Corolla]

العربية ديه عجبانى جدا و شايف انها تستاهل سعرها بس عدنى كام استفسار عليها ، أنا باشوف منها موديلات فيها فرامل أمامى و خلفى و موديلات فيها فرامل أمامى ليه بقى ؟؟؟ و قريت ان مفيهاش مرايات ضم لو ده صحيح يبقى عيب فى حقهم.