سعر موتور فيرنا 1600 استيراد للاهميه

[هيثم سامى]

السلام عليكم ورحمه الله وبركاته
أزيكم ياجماعه عاملين ايه انا عايز اسألكم عن سعر موتور الفيرنا 1600 استيراد بكام وايه افضل مكان اجيب منه الموتور وايه رايكم لو حبيت احط موتور 1500 كتوفير مادى يعنى هيكون كويس ولا بلاش احسن ياريت تدلونى لانى انا محتاس ومش عارف اعمل ايه ولا عارف سعره ولا عارف افضل مكان اجيب منو وشكرا ليكم

[memodina1]

متابع بس متهيقلى بلاش 1500 عشان كمبيوتر العربية والله اعلم انا بخمن

[حسام البورسعيدى]

بص يا باشا .. موتور الفيرنا الـ 1600 غالى شويه .. سعره فى بورسعيد فى حدود 3000 الى 3500 من غير فتيس ...

عاوز بديل مضمون .. موتور النترا (افانتى) 1997 1500CC و 16 صباب 2 كامه وده موتور قوى وسعره فى حدود 2000 جنية .. وممكن بنفس السعر تجيب موتور 2000 CC بتاع النترا 97 برضو وده بنفس السعر تقريبا .. بس هتجيبه بكنتروله واعتقد اغلب الظن فتيس الفيرنا يركب عادى عليه .. ودايما المواتير دى بتيجى بافراج 1600 CC يعنى هترخص 1600 .. وفى برضو موتور 1800 CC برضو بتاع النترا 97 ونفس القصه برضو ..
انا انصحك بموتور من دول اوفر من موتور الفيرنا وفى نفس الوقت مواتير اقوى ..

[هيثم سامى]

شكرا يجماعه على الردود بس فى مشاهدات كتير بس الردود قليله اكيد محدش عندو معلومه عن سعر الموتور 1600 وافضل مكان ققدر اجيب منو وكمان انا عايز اعرف ازاى اعرف ان الموتور الى انا هشتريه كويس ولا لا ياريت الى يعرف يرد عليا وشكرا ليكم جميعا الى رد والى معندوش معلومه ومردش

[حسام البورسعيدى]

هو سعره زى ما قلتلك كده يا استاذ هيثم .. حوالى 3000 الى 3500 .. وسبب انه غالى كده اكنه مشترك بين كذا موديل زى الفيرنا والماتريكس والجيتز واعتقد الالنترا القديمة ..

وطبعا بسبب انتشار الفيرنا وشغلها تاكسى وكده خلى الموتور ده عليه طلب ..

انا قلتلك بدائل اوفر وفى نفس الوقت بنفس كفائه الموتور ده او اعلى كمان ...



يا ريت برضو تنتظر ردود الاعضاء وتاخد رأيهم .....