أشتري رينو سكالا ولا لأ

[elmahdy29]

المشاركة الأصلية كتبت بواسطة ziohausam السلام عليكم يا شباب الفترة دي بدور على عربية. عوامل الأمان عندي مهمة جدا. ملفتش عربية فيها 2 ايرباج وabs وعلامة كبيرة (رينو) وبالسعر ده غير ال سكالا. بس أهم حاجة في عوامل الأمان هي الثبات ع السرعات العالية. بسأل على 5 حاجات: 1- حد يقدر يفتيني في ثباتها على السرعات العالية 2- قطع غيارها متوفرة ولا لأ؟ 3- هي موجود منها 2011, ده يعمل أي مشاكل في توكيلها أو ضمانها؟ 4- هي عفشتها متعبة زي الصني ولا أحسن ولا أوحش؟ 5- حدي يعرف ليه مبينزلش منها جديد؟ وليه سعرها أقل من الصني السوبر صالون بأكتر من 6 ألاف؟ ده مقلقني محسسني ان ممكن يكون فيه مشكلة في العربية نفسها والباقي ال 2011 في السوق بيخلصوه بسعر قليل. لو حد عنده افادة ف الموضوع ده ياريت وبشكل عام, مين معاه العربية ويقوللي رأيه فيها بصراحة ولو فيها مشاكل أو حاجة ولكم جزيل الشكر

السيارة هي هي النيسان الصني بس تقفيل خارجي
هي الملاحظ فيها طبعا فيها حاجات اكتر..( زي الطارة المالتي ) وكمان فرشها احلى وشكلها احلى
وقطع غيارها هي هي النيسان... ماعدا الفوانيس... وهي متوفرة بسعر كويس في توكيل رينو
انا اخويا جايب واحد بقاله اسبوعين... بس مقدرش اقولك تقييم نهائي الا لما تمشي على الاقل 3000 كم
بس هي تحفه في ركوبتها ... هاتلاقيها هي والصني عند سمير ريان جمب بعض... شوف لما تقعد السكالا وتقفل الباب... وشوف النيسان... فرق كبير... برضه انت عارف المصري
وسعرها ده عشان هي موديل 2011 فالعربيه نزلت سنه في الجمارك... وده بيخفضها حوالي 10 او 15 % انا مش فاكر بالزبط.... لانها مش موديل السنه
ومبارك ان شاء الله ياباشا

[moslem2]

توكل على الله السياره هى الافضل فى فئتها بالسعر ده

[alaahashem]

انا عندى لوجان 2011 ممتازه . اكيد سكالا هى الاخرى ممتازه زى اللوجان واحسن واقوى لانها فئه اعلى منها اما بالنسبه لسعرها وسعر نيسان ان السيارتين قريبين من بعض فى كل حاجه شكلا وموضوعا لان شركه رينو تمتلك جزء من شركه نيسان بس انا اعرف ان اسكالا اقوى واحسن من النيسان المصرى . اتاكد من اللى عنده السياره احسن هيفيدك اكتر منى لانه رايه هيكون عن تجربه.