زيادة أسعار البنزين والسولار تنتظر موافقة «مرسى»

[Oussama]

المشاركة الأصلية كتبت بواسطة رفيق انا الى حرد عليك المرادى واسئل وانتا تعرف انك غلطان السعودية وبلاد الخليج البنزين فيها بتراب الفلوس ومية الشرب هناك اغلى من البنزين علشان مفيهاش حرمية عاوزين يسرقوا بحجة الغاء الدعم

دول الخليج معندهمش اقتصاد غير البترول ... احنا الاقتصاد بتاعنا طول عمره زراعى

غير كده فى اتفاقية دول مجلس التعاون الخليجى .... يعنى زى ما انت قولت المية اغلى من البنزين

يكلف الدعم الحكومي في السعودية لسعر وقود السيارات (البنزين) مبالغ ضخمة سنوية، حيث تزيد تكلفة هذا الدعم عن 30 مليار ريال سنويا

و احنا بنحاول نلم 10 مليار فى الميزانية لدعم البنزين !!!!!

[sehsss]

المشاركة الأصلية كتبت بواسطة Hisham.Elgazzar مهو لما البنزين هيغلى مش هتلاقى زحمة فى الطريق على الأقل يبقى فيه اهتمام فى نضافة وسلامة الطرق وبعدين البترول بيغلى فى كل دول العالم انت عارف لتر البنزين بكام جنيه إسترلينى فى انجلترا ؟؟ تقريبا 7 جنيه = 70 جنيه مصرى :pod_of_gold :

دا على أساس إن المستوى المعيشي والمرتبات في مصر زي انجلترا، ازاي بس الكلام ده هو الموظف في مصر بيقبض زي الموظف في انجلترا،، لما نوصل لمستواهم المعيشي يخلوا لتر البنزين بـ10 جنيهات

[ahmed_zamalek7]

المشاركة الأصلية كتبت بواسطة Oussama بصراحة يا جماعة هو ده العدل .... واحد جايب عربية ب 80 الف و بيفولها ب 70 جنية ؟؟ طاب ازاى كده عدل و واحد جايب عربية موديل 80 متكملش15الف و بيفولها ب 40 جنية و الله انا بشوف مواقف من الناس اللى معاها موديلات عربيات حديثة بجد تقول عليهم دولت كفار مش مسلمين بجد انا فرحان بالزيادة ديت علشان كل حاجة علشان ملقيش عربية ملهاش لزمة و احد بس اللى ركبها و يقف يسد بيها الشارع و يعطل الناس و منظرة و خلاص انا من مؤيدين القرار و اى حد يبقى شايف غير كده يبقى مش مصرى و لا حاسس ب الناس الافقر منة

هو حضرتك احساسى بالناس الافقر منى انى اغلى البنزين انت كده بتذيد من فقره عشان الاسعار كلها هتعلى
كمان بدل ما انا كنت بركب عربيه بوفر ليه مكان فى المواصلات العامه انا هاخدها منه يعنى هقرفه اكتر مهو قرفان
الا بقى لو مش فارقه معاك الذياده فى فى الاسعار وحضرتك ماشاء الله غنى ؟

[Oussama]

المشاركة الأصلية كتبت بواسطة ahmed_zamalek7 هو حضرتك احساسى بالناس الافقر منى انى اغلى البنزين انت كده بتذيد من فقره عشان الاسعار كلها هتعلى كمان بدل ما انا كنت بركب عربيه بوفر ليه مكان فى المواصلات العامه انا هاخدها منه يعنى هقرفه اكتر مهو قرفان الا بقى لو مش فارقه معاك الذياده فى فى الاسعار وحضرتك ماشاء الله غنى ؟

انا كان كلامى مفهوم .. انا عمرى ما اغلط فى اى حد فقير

انا قولت ان المفروط كل واحد مننا يحس بالافقر منة لو حتى درجة واحدة

و ده كان مثال لحد عربية جديدة و استهلما لبنزين غير نوع عربية استهلاكها لبنزين اقل منها

[جمال عبدة]

المشاركة الأصلية كتبت بواسطة Hisham.Elgazzar وانا ضد غلاء البنزين طبعا لأنى الحمدلله من محدودى الدخل زيك تمام تحياتى واحترامى

يااخواني ماهي دي سياسة الاخوان ف البلد عايزين محدش يقعد ف مصر غير الاخوان البلد فلست مفيش فلوس وهم مش بيدورا الا علي مصلحتهم الشخصية يعنيالي عندة عربية ياحول اللة بعد كدة هايشحت يعني هيلاحق علي مصاريف البيت والعيال ومدارسهم ولا العربية الي عايز يمونها بااااااد كدة هي ناقصة ياخوانا يعني علشان امون عربيتي مثلا خمسين لتر ف 285 قرش لو 92 يبقي ادفع 142.5 يخلصوا في وقفة اشارة من وقفاتنا المتكررة واااة بقي لو الطريق مقطوع زي الي بيقطعوة اليومين دول وبقت علي فكرة عادة عند المصرين لو واحد دخل الحمام ومش عارف يعمل حمام يروح يقطع الطريق ياخوانا الناس مخنوقة ومش ناقصة خانقة تانية ف زيادة البنزين ولا السولار وزيادة الاجرة علي الغلابة حراام عليكم بقي ارحموونا ------ونقول اية معندناش بنسمع لية عمااااار يامصر لية؟