عضو جديد محتاج نصيحة

[maxxatta]

السبارك 53000 999 سىسى
الالتو ب48000 1000
بيكانتو 56000 1100
ماروتى 38000 800 سىسى
ال 50000a113 وال1300 سىسى
هو ده الكلام والاختيار لك بس

[allam87]

شكرا لاعضاء مصر موتورز المحترمين
_________________________ _______________________
اسد الله
mahmooud135
odaoda
fineart607
maxxatta
_________________________ _________________________ __

شكرا علي مروركم الكريم علي موضوعي ونصيحتي جزاكم الله عني كل خير

وبصراحة الحيرة زادت كتير فعلا قالولي زي ما قال احد الاعضاء الكرام عربية سفر خليك في 1300 سي سي فيما فوق وانا زي ما قلتلكم مش بفهم في العربيات اوي وقالولي كمان مفيش عربية كويسه 1300 سي سي فيما فوق بالسعر ده 50 الف جنيه طيعا نقصد العربيات الزيرو
طبعا مفيش الا الاسبرنزا الهاتشباك لكن زي ما سمعت في المنتديات الصيني زي البطيخه لقرعة لحمرا والمسأله مش مستاهله مخاطره يعني وتعب دماغ لخمس سنين قدام
ومشكلة المستعمل بالنسبه لي رغم اني لا افهم في العربيات لكن اتوقع ان نسبة الاعطال فيهم هاتكون اكيد اكتر من العربيات الزيرو وانا زي ما قلتلكم عاوز عربية تسترني خمي سنين او ست سنين بالكتير بعد كده مش عاوزها بس اهم حاجه الخمس ست سنين دولا تسترني بجد مش تبهدلني وتصليح وقرف وانا ان شاء الله هاحافظ عليها

[allam87]

mido_4up شكرا ليك يا باشا علي النصحية وعلي مرورك الكريم وان شاء الله نستفيد منك ويجعله ربنا في ميزان حسناتك ويكون ربنا في عونك ما دمت في عون اخيك

[allam87]

وفي عربية تاني برده صيني مواصفاتها قريبه من A113 ونفس السعر مش عارف بقي انهي احسن وانهي تسترني خمس سنين كده وهي جريت وول بيري ياتري لو في لينك لمقارنة محترمة ما بين الاسبرنزا 113 وجريت وول بيري

[مهند سالم]

مبدئيا خلينا في المضمون وننسى الصيني.
ثانيا ننسى تماما المستعمل مهما كانت حالته؛ لأن حضرتك لسة جديد، وكمان هتسافر كثير، والعربية إلا بتسافر كثير عايزة واحد يقدر يتابعها في الصيانة وقطع الغيار ، يعني تكون خبرته كويسة جدا.
ثالثا: قدامنا الجديد، وهنا عندك حلول، والاختيار لك:
إما سيارة ماتورها صغير لا تزيد عن 1100 سي سي، بس إمكانياتها حلوة. وهنا هيبقى قدامك أفضل اختيار البيكانتو، بس هتحط شوية زيادة عن الخمسين؛ لأن أقل فئة في البيكانتو بتعمل 61 ألف.
يا إما اللوجان ودي عربية جيدة 1600 سي سي، بس بتعمل 57 ونص.
ولو مش عايز تحط يبقى قدامك سوزوكي ماروتي أو ألتو، ودي عربيات ياباني تقفيل هندي متوسطة الجودة، ورفاهياتها على قدها.
يا إما عربية كبيرة وقوية 1600 سي سي بس فاضية بدون أي رفاهيات، وهي اللادا 2107، بس هتستحملك في السفر مع بعض الصيانة الدورية للعفشة، يعني حضرتك تربط عفشة كل 6 شهور.
بس ده كل شيء، واستخير ربنا سبحانه وتوكل عليه.