رايكم يهمني... هل تتفوق البورش علي اللانسر ؟؟؟

[alymonir]

المشاركة الأصلية كتبت بواسطة corsair احنا حسدناك ولا ايه يا حورس في حد يسيب البورش ويروح للنسر في حد يبقي راكب مرسيدس ويبدلها بتوكتوك اكيد انتا شارب شاي بالياسمين يا عم حورس اتغطي كويس وانتا نايم علشان كابوس الانسر ده ميجلكش تاني

معلش لتدخلي يا جماعة في الموضوع دة :
بس الراجل دة عايش في الكويت
طب يعني إيه ؟؟؟؟
أولا : بتنزل عنهم عربيات بمواصفات تانية خالص غير اللي عندنا في مصر دة غير العربيات اللي مابتنزلش مصر أصلا
ثانيا : تفاضل أسعار السيارات مش بيعتمد على الجمرك ولا سعة الموتور زي عندنا يعني ممكن تلاقي الفروق بسيطة في السعر
ثالثا : الراجل شكله عايز يجدد و مش عايز يدفع كتير
رابعا : اللي يعرف مواصفات السيارة اللي قال عليها دي و يعرف يقارن بينها و بين البورش ممكن يفيده بمعلومة

مشكورييين

[bmkbmk]

اللانسر ايفو دى يا شباب بتاعت الراليات
دفع رباعى مستمر و 290 حصان ....
للتوضيح فقط

[luckyman]

فعلا اللانسر سيارة سباق صلبة ومتينة وخارقة يمكن ان تنافس فى صعيد التسارع من صفر الى 100 فيرارى بحد ذاتها وربما تحتاج لجهد كبير جدا وخارق لتخرجها عن السيطرة وتصنف ضمن فئة سيارات ذات اداء عالى مثل الشيفرولية الكورفيت والفيرارى مودينا ومارنيللو والبورش بوكستر وهى توازى تماما السوبارو امبريزا wrx
لكن على صعيد اخر بورش كايان او اى موديل اخر انت تتكلم على ذو نكهة وطابع وتاريخ لا يضاهى انها البورش اى الصفقة الرابحة انها سيارة دفع رباعى لا يغلب عليها اساليب سيارات البرارى الاخرى تستطيع ان تقدم لك الاسلوب المتنوع وتحافظ على سير متماسك وبشكل رائع حتى فى السرعات القصوى بعكس سيارات الدفع الرباعى الاخرى كما ان اسلوب قيادة اى سيارة بورش لا يمكن ان تضاهى اى سيارة اخرى وهى متعددة البراعات والمواهب تذهب بك حيثما شئت ومتى شئت وكيفما شئت وقلائل جدا السيارات الاخرى التى تقدم لك هذة المميزات خاصة وانت تملك قمرة فخمة المانية
ومع كامل تقديرى للانسر الايفولويشن فهى من الخارج مجرد سيارة سيدان عادية لكن ذات اداء خارق مبهر كما انها لا ترضى بان تكون سيارة بر ومدن ولا ترضى بالسلوك المهذب معها فهى سيارة متعطشة للسيارة ولا تشعر بقدراتها الفائقة الا ربما فى مضمار فورميلا وان او مدرج مطار انما بداخل المدن لن يقدرها الا قله بعس الكايان التى تلفت الانتباه والرؤس لمن يقدرون هذة البورشة التى تزداد جمالا رغم مرور السنون فالبورشة سيارة اصيله تتطور ولا تتغير بعكس سيارات كثيرة الاجيال المتلاحقة منها لا علاقة بالاجيال السابقة وهو ما تفتقدة السيارات اليابانية برغم اعتماديتها الا انها جميعا تفتقد للشخصية المميزة انظر الى مقدمة البورش التى تتمتع بمقدمة واثقة بصراحة من وجهة نظرى مع البورش هى سيارة ذات قيادة شامله حتى لو كانت على وشك عملية تجديد قريبة فلا داعى للقلق ودمت بخير شكرا

[bmkbmk]

المشاركة الأصلية كتبت بواسطة luckyman فعلا اللانسر سيارة سباق صلبة ومتينة وخارقة يمكن ان تنافس فى صعيد التسارع من صفر الى 100 فيرارى بحد ذاتها وربما تحتاج لجهد كبير جدا وخارق لتخرجها عن السيطرة وتصنف ضمن فئة سيارات ذات اداء عالى مثل الشيفرولية الكورفيت والفيرارى مودينا ومارنيللو والبورش بوكستر وهى توازى تماما السوبارو امبريزا wrx لكن على صعيد اخر بورش كايان او اى موديل اخر انت تتكلم على ذو نكهة وطابع وتاريخ لا يضاهى انها البورش اى الصفقة الرابحة انها سيارة دفع رباعى لا يغلب عليها اساليب سيارات البرارى الاخرى تستطيع ان تقدم لك الاسلوب المتنوع وتحافظ على سير متماسك وبشكل رائع حتى فى السرعات القصوى بعكس سيارات الدفع الرباعى الاخرى كما ان اسلوب قيادة اى سيارة بورش لا يمكن ان تضاهى اى سيارة اخرى وهى متعددة البراعات والمواهب تذهب بك حيثما شئت ومتى شئت وكيفما شئت وقلائل جدا السيارات الاخرى التى تقدم لك هذة المميزات خاصة وانت تملك قمرة فخمة المانية ومع كامل تقديرى للانسر الايفولويشن فهى من الخارج مجرد سيارة سيدان عادية لكن ذات اداء خارق مبهر كما انها لا ترضى بان تكون سيارة بر ومدن ولا ترضى بالسلوك المهذب معها فهى سيارة متعطشة للسيارة ولا تشعر بقدراتها الفائقة الا ربما فى مضمار فورميلا وان او مدرج مطار انما بداخل المدن لن يقدرها الا قله بعس الكايان التى تلفت الانتباه والرؤس لمن يقدرون هذة البورشة التى تزداد جمالا رغم مرور السنون فالبورشة سيارة اصيله تتطور ولا تتغير بعكس سيارات كثيرة الاجيال المتلاحقة منها لا علاقة بالاجيال السابقة وهو ما تفتقدة السيارات اليابانية برغم اعتماديتها الا انها جميعا تفتقد للشخصية المميزة انظر الى مقدمة البورش التى تتمتع بمقدمة واثقة بصراحة من وجهة نظرى مع البورش هى سيارة ذات قيادة شامله حتى لو كانت على وشك عملية تجديد قريبة فلا داعى للقلق ودمت بخير شكرا

كلامك مزيكا والله يا باشا .. تسلم دماغك و معلوماتك

[horas3000]

شكرا جزيلا لكل اللي ردوا
و شكر خاص ل luckyman علي الكلام الجميل ده

انا بس عايز اوضح اني بتكلم عن اللانسر ايفو 10 مش العادية
الايفو 10 بتنزل بمتور 2000 سي سي تيربو 290 حصان و بتحقق 0-100 في 4.8 ثوان
يعني وحش كاسر

دي صور عشان الكل يبقي معايا

اللانسر ايفو 10







الكايين الحالية (عربيتي)







الكايين الجديدة (اس المشاكل)