أول سيارة مصرية سترى النور فى منتصف شهر 7 القادم

[YahiaAshraf]

المشاركة الأصلية كتبت بواسطة AbOnOrA قال يا مصدق الاخوان في وعوده الوهميه ... يا مصدق إعلان اللاصقه السحريه

من فضلك يا ابو نورا بلاش نتكلم على الاخوان

انا عامل موضوع عن سيارة مصرية


ايه بقى اللى دخل الاخوان فى الموضوع : WEIGHT~173::W EIGHT~173:

أنا قولتلك يا ابو نورا سواء على الفيس او هنا فى المنتدى

انى مش هشارك فى اى مواضيع سياسية او تتعلق بالاخوان


ليه بقى كده ؟؟

: 01AD96~139:

[tham1010]

السيارة اللى بيتكلموا عليها سيارة عسكرية مش سيارة ركوب. هنعمل ايه بمحرك 4000 سى سى او 6000 سى سى فى شوارعنا الزفت اللى العربية فيها بتتخنق من الزحمة. ودى هنحطلها بنزين منين والحكومة بتوحوح من الديون وعاوزة تعطى البنزين للى اقل من 1600 سى سى.. وحتى ولو فرضنا دة صح. هل تعتقدوا يا بشر ان فى سنة اللى هى مدة حكم مرسى الفكرة والتجارب والتصنيع حصل. فقط علشان يعملوا مناقصة ويستوردوا المكينات اللى صنعت Ipad او هتصنع السيارة محتاج الحكاية اكثر من سنة فى الروتين الحكومة...كل اللى انتم بتشفوه سواء Ipad او السيارة المزعومة هو شغل النظام السابق. دة لو كنا فى امريكا وبيعملوا عربية جديدة كنت اخدت اكثر من 3 سنين تصميم وتجريب ومعاملات السلامة والامان وخلافة................

[امحم1987]

من مواطن مصري لاخوة المصري
ينفع اقلك انت كذاب عيب مينفعش
فبلاش الكلام الي ميدخلش العقل ده
فعلا في مخترع مصري عمل سيارة اسمها نانو ايجبت وبالسعر ده بس مش بالمواصفات دي
حوال تتاكد من كلامك قبل متقوله عشان متسمعش كلام مش كويس من حد

[YahiaAshraf]

المشاركة الأصلية كتبت بواسطة امحم1987 من مواطن مصري لاخوة المصري ينفع اقلك انت كذاب عيب مينفعش فبلاش الكلام الي ميدخلش العقل ده فعلا في مخترع مصري عمل سيارة اسمها نانو ايجبت وبالسعر ده بس مش بالمواصفات دي حوال تتاكد من كلامك قبل متقوله عشان متسمعش كلام مش كويس من حد

طب نصيحه بقى لوجه الله

لو داخل علشان تدينى كلمتين ملهومش اى 30 لازمة فانا مش هنزل لهذا الاسلوب المتدنى من الكلام
ولكن هقولك يلا مع السلامة ومش عايزك فى موضوعى و ميشرفنيش انك تدخل اصلا موضوعى

عايز ترد يبقى ترد باحترام ايه عيب و كداب واسمع كلام مش كويس يعنى بتهددنى ولا ايه

احنا فين قاعدين على قهوة ولا ايه ؟

طب ما اطلبلك شيشة احسن بالمره

مش عاجبك الموضوع متردش أحسن


عايز ترد يبقى باحترام و أهلا و سهلا



لا حول ولا قوة الا بالله

استغفر الله العظيم يارب من الناس اللى بنصطبح بيها دى كل يوم
: WEIGHT~173::1 10105~127::11 0105~127::110 105~127:

[YahiaAshraf]

تنبيه لكل واحد ناوى يدخل يقولى كلمتين اى كلام يتفضل مع السلامه بره الموضوع

بدل ما تعرض نفسك للكلام

المحترم على عينى و على راسى حتى لو كان معترض على الموضوع باحترام برده على عينى و على راسى

لكن اعتراض بقلة ادب مش هسمح