زيارتى لسوق المصرية للسيارات للسيارات المستعملة

[ekramyhamdin]

السلام عليكم
ده تقرير عن زيارتى لسوق المصرية للسيارات أمس الجمعة
-المكان على طريق الإسماعيلية الصحراوى (يوجد علامات إرشادية بعد مدخل مدينة العبور) خليك مع العلامات لحد ما تعمل U Turn وترجع فى إتجاه القاهره تانى.
- عند مدخل المكان الموجود فيه السوق _مش فاكر إسمه إيه ptmnlo123per1127- يوجد مسجد صغير.
-يوجد رسم دخول 5 جنيه على السيارة.
-تدخل من البوابة وتاخد فى وشك علطول لا يمين ولا شمال (حتلاقى على شمالك فيلا مبنيه على ربوه عاليه متنساش تقول ما شاء الله لا قوة إلا بالله)
-تفضل ماشى مع العلامات الإرشادية لحد م تلاقى سور حجرى خد شمال.
-تمشى شوية تلاقى على يمينك بوابة كبيرة عليها طقم شباب لابسين فانلات بمبى ptmnlo123per154 وكام واحد مجانس معاهم لاسلكى ولابسين أبيض ptmnlo123per122.
-جالنا شاب بمبى وقالنا إنتو حاجزين ptmnlo123per155 قولناله لأ قال ما ينفعش تدخلوا لازم حجز ptmnlo123per123 قلتله إيه بقه مصير الخمسه جند اللى إنتو أخدتوهم ptmnlo123per195 صاحبى اللى معايه طلع ناصح قاله إن إحنا حندخل العربيات فى زيروptmnlo123per112 قام صاحبنا جرى عمل تليفون ودخلونا علطولptmnlo123per171.
-قبل ما ندخل خدوا مننا الرخص وإدونا رقم.
-على فكره إحنا كان معانا عربيتين بحالة الزيرو صنى 2008 وإلنترا 2008.
- تدخل جوة تلاقى ممر طويل وعلى يمينك وشمالك مظلات تحتها عربيات زيرو.
-جوة شوية تبدأ تلاقى المستعمل وفيه عربيات للإنتقال الداخلى شبه عربيات الجولف كده.
- ركنا تحت مظله وجالنا واحد بمبى وقال لنا إكتبوا بيانات العربية فى ورقة علشان المهندس ييجى يشوفهم قلناله مفيش نموزج نملاه قال لأ ptmnlo123per172.
- العربية لازم تكون موديل 2000 على الأقل.
- المهم خد الورق وجه المهندس شاف العربيات وطبعاً لا طلب تقرير التوكيل زى ما مكتوب فى الإعلان ولا حاجه وقا لنا إنتو عايزين كام فى العربيات ptmnlo123per160.
- قلناله إنت المفروض اللى تقيمهم؟
-قال طب عايزين تعملوا إيه تبيعو بس ولا تدخلو فى زيرو؟
-قلناله هو نظام السوق هنا إيه؟
-طلع النظام كالأتى:
- لو حتدخل فى زيرو بيقيم العربية بتاعتك ويحسبلك الفرق اللى حتدفعه وتبقى عربيتك بتاعته يعرضها لحسابه بالسعر اللى هوه عايزه.
- لو حتبيع عربيتك بس بتبقى منك للى بيشترى وإنتا وشطارتك وبيخدوا 1.5% سمسره من البائع و 1.5% من المشترى.
يتبع إن شاء الله

[ekramyhamdin]

السلام عليكم
- المهم علشان العربيات حالتها زيرو ولقطةptmnlo123per154 قام الراجل مودينا للى أكبر منه وكان مدير فرع مصر الجديده.
- دخل معانا فى حوارات كتير وعرفنا إنهم مش بيقسطوا تقسيط مباشر ولازم عن طريق بنك ومن البنوك اللى بيتعاملوا معاها بنك أبو ظبى وده على حد علمى بنك إسلامى.
- المدير إستئذن علشان يعمل كام تليفون قبل ما يدينا سعر فى العربيتين (كانوا حيموتوا على الصنى).
- قعدنا نتفرج على الزيرو على ما يخلص تليفوناته وما سيبناش عربيه إلا وركبناها ptmnlo123per154 باسات وجيتا وشارك وسوبارو وسيتى و........
- بعد ثلث ساعه جالنا وقال الأسعار.
- فصلوا الصنى من 73 إلى 75 ألف والإلنترا من 75 إلى 78 ألف (وحسينا إن وقت الجد ممكن المبلغ يزيد)ptmnlo123per171
- المهم المدير قال فكروا ولو مشوار السوق بعيد عنكم تعالوا فرع مصر الجديده اللى هو مديره.
- قلنا بقه نخلع منهم وناخد لفه جوه المعرض ودى ملاحظاتى:
- يوجد تجار جوه المعرض ptmnlo123per195.
- السيارات المعروضه لا تزيد عن 25 سيارة (إحنا كنا هناك من الساعة 1.5 إلى 4 عصراً
- السيارات التابعة للمصرية حوالى 5 سيارت لانوس 2005 و مازدا 3 و سيراتو 2000 (حالتها تعبانه موووووووووت وكانت ب29 ألف. وتقريبا سيتروين كارنافال ب49.5 ألف (عربية عائلية)
يتبع إن شاء الله

[Semsem999999]

مشكور بجد على التقرير ده وفي انتظار الباقي

[هيثم شاهين]

شكرا يا اكرامى

[ekramyhamdin]

السلام عليكم
تصحيح السياره اللى ب29 الف كانت سيريون 2000 وليست سيراتو