الحمد لله استلمت لانوس 2013 استفسار عن الريموت بتاع الانذار

[asom_6]

المشاركة الأصلية كتبت بواسطة simsim1996 دول ياباشا الريموتات الفرط من عند عبر البلاد اللى خلف سوق القنال سعر الريموت 50 جم الناس هناك زى العسل وعندهم ورشة وكان عايز يبرمجه لى بس انا ماروحتش بالعربيه هاحاول ابرمجهم انا ولو ماعرفت هاروح له تانى وامرى لله

برمجة ريموتات الوولف سهلة جداُ .... والعربية مش متأمنه أفتح باب من الأبواب وبعدين أفتح وأقفل الكونتاكت خمس مرات ورا بعض وسيبه مفتوح الجهاز هيديك صوت واللمبة بتاعت الانذار هتنور ... كده أنت جاهز للتكويد دوس بقى على اى زرار فى كل ريموت والجهاز هيديك صوت انه قبل الريموت ... بس لازم تعمل كده مع كل الريموتات مش بس الريموت الجديد لأن برمجة الريموت بتمسح شفرة القديم وبيبرمج من الأول لغاية أربع ريموتات .. وأقفل الكونتاكت وخلاص .....

[بلاشانت]

المشاركة الأصلية كتبت بواسطة asom_6 برمجة ريموتات الوولف سهلة جداُ .... والعربية مش متأمنه أفتح باب من الأبواب وبعدين أفتح وأقفل الكونتاكت خمس مرات ورا بعض وسيبه مفتوح الجهاز هيديك صوت واللمبة بتاعت الانذار هتنور ... كده أنت جاهز للتكويد دوس بقى على اى زرار فى كل ريموت والجهاز هيديك صوت انه قبل الريموت ... بس لازم تعمل كده مع كل الريموتات مش بس الريموت الجديد لأن برمجة الريموت بتمسح شفرة القديم وبيبرمج من الأول لغاية أربع ريموتات .. وأقفل الكونتاكت وخلاص .....

كلامك مظبوط لكن فى بعض اجهزه الانذار وولف برضو بيبقى معاها زرار مخفى لازم تستخدمه اثناء التكويد فلابد من مراجعه كتاب التعليمات الاول

[simsim1996]

المشاركة الأصلية كتبت بواسطة بلاشانت طيب مكنت اخترت اشكال تانيه هما عندهم تابلوه على الحيطه فيها تشكيله كبيره من الريموتات وهتسالهم على الى ينفع مغ جهازك بدل مكلهم كده شكل واحد والصراحه منصور منقى ارخم شكل ريموت فى الوولف

والله ياباشا يومها انا كنت مستعجل وخارج من الشغل ورايح من غير العربيه الساعه 3 الظهر وانت عارف بقى المنطقه هناك عامله ازاى وكمية التراب اللى فى الشارع مش عارف جايبينها منين فمصدقت قلت له عايز ريموت زى ده راح بعت الولد الصغير يجيبه وما روحتش معاه
عموما انا ناوى اجيب جهاز انذار تانى من ابو شاشه بس هاسأل فى التوكيل الاول اذا كانوا هايرضوا يركبوه والا لأ علشان ما اخرجش من الضمان

عندى مشكله فى لمبات الاستوب الخلفيه والعين على طول حتى لما اشيل رجلى من على الفرامل وما يطفوش الا بعد ما ارفع دواسة الفرامل سنه كده لفوق برجلى هاروح علشان يظبطوهالى

[simsim1996]

المشاركة الأصلية كتبت بواسطة asom_6 برمجة ريموتات الوولف سهلة جداُ .... والعربية مش متأمنه أفتح باب من الأبواب وبعدين أفتح وأقفل الكونتاكت خمس مرات ورا بعض وسيبه مفتوح الجهاز هيديك صوت واللمبة بتاعت الانذار هتنور ... كده أنت جاهز للتكويد دوس بقى على اى زرار فى كل ريموت والجهاز هيديك صوت انه قبل الريموت ... بس لازم تعمل كده مع كل الريموتات مش بس الريموت الجديد لأن برمجة الريموت بتمسح شفرة القديم وبيبرمج من الأول لغاية أربع ريموتات .. وأقفل الكونتاكت وخلاص .....

هاجرب واقول لكم على النتيجه

[simsim1996]

المشاركة الأصلية كتبت بواسطة بلاشانت كلامك مظبوط لكن فى بعض اجهزه الانذار وولف برضو بيبقى معاها زرار مخفى لازم تستخدمه اثناء التكويد فلابد من مراجعه كتاب التعليمات الاول

ايوه تمام الكتالوج متكلمين على الزرار ده واننا لازم ندوس عليه بدبوس او مفك رفيع بس المشكله انى مش عارف الجهاز راكب فين قلبت عليه الدنيا قدام مالقيتش غير البوق بتاع السرينه بس
واتصلت بيهم مارضيوش يقولوا لى هو راكب فين وقالوا لى هات العربيه وتعالى شرفنا هانعملهولك فى 5 دقايق تقريبا شكوا فيا انى عايز اسرق العربيه