يا ريت تساعدوني في التاكد من سلامة اوراق السيارة عشان هشتري يوم الاحد

[khaled_mgsx]

يا جماعة بصراحة انا قعدت ادور و اعرف ازاي اامن نفسي من النصب
دلوقتي انا هشتري عربية لانسر ب 70000 الف
الراجل قالي العربية فيها توكيل واحد من خالي
و اانا هعملك توكيل ليك عشان الرخصة فيها سنة قالي لو عايز تسجل براحتك بس مصاريف التسجيل عليك
العربية مرور السلام
عشان اطمن ان العربية ورقها سليم بعمل استخراج شهادة بيانات من القسم اللي العربية تابعة ليه ؟؟ و شهادة مخالفات ؟؟
ثانيا الافضل اني اسجل ولا امشي بتوكيل ؟؟
ثالثا لو سجلت ايه الخطوات اللي هعملها عشان انقل الرخصة باسمي ؟
يا ريت حد يفهمني واحدة واحدة و خطوة خطوة عشان اهم حاجة اتاكد من سلامة اوراق العربية

و شكرا للمنتدى و الاعضاء الكرام

[khaled_mgsx]

هل ممكن اخد رقم الرخصة و اسال عليها ؟؟؟ في المرور ولا ايه ؟؟؟

[كمال....]

سجل بيانات السيارةمن الرخصة
روح وحدة المرور ورجعها مع الملف المرور
والاهم راجع على رقم الشاسية مع الرخصة مع ملف المرور
لان ساعات الرخصة تكون بتاعة عربية تانية شبية للسيارة الاولى
او عربيتن نفس النوع واللون والموديل واحدة برخصة والثانية مسروقة
رخصة الاولى تبيع الثانية
ررررراااجع على رقم الشاسية فى العربية ثم الرخصة ثم المرررروررر

[mmbader]

بسم الله الرحمن الرحيم
الف مبروك السيارة الجديدة وربنا ياتيك خيرها ويكفيك شرها ان شاء الله
فى ظل الظروف السيئة التى نعيش فيها من سرقت سيارات وخلافة فانصحك انك تعمل عقد مسجل فى الشهر العقارى على طول وتنقل ملكية فى المرور لان ده بياكد سلامة اوراق السيارة ومش عشان نوفر 300 جنية ( السنة الباقية بالرخصة ) اكون قاعد قلقان لمدة سنة على سلامة ورق السيارة وانت بتحى 70000 قيمة العربية بقيمة العقد المسجل ( حوالى 1000 جنية واو اكثر حسب الموديل وبلد الصنع وقدرة الماتور ) فبنصحك ترخص السيارة باسمك والخطوات هى ( متزهقش منى لان دى الى حصل معايا من 6 شهور وانا برخص عربيتى )
1- البائع هيعملك عقد مسجل فى الشهر العقارى والمصاريف على المشترى + البائع هيحضرك شهادة مخالفات عن السيارة فقط ( الرخصة مادام سارية مينفعش تاخذ شهادة بيانات من المرور والله واعلم فى الموضوع ده ) وحاول تاخد صور بطاقات الرقم القومى الخاصة بصاحب السيارة والتوكيل الاول وصورة بطاقة الشخص الذى سيبيع لك
2- تاخد الاوراق السابقة ( لا تنسى تصويرهم اكثر من نسخة وبالذات العقد المسجل والتوكيل الاول و الرقم القومى الخاص بك لانك ممكن تحتاجهم فى المرور الى انت تابع ليه والمرور القديم الخاص بالسيارة والاهم ان تحتفظ لنفسك بنسخة من كل اوراق السيارة للرجوع اليها وقت الحاجة ) وقم بالذهاب الى المرور التابع له محل سكنك واشترى نماذج التجديد والترخيص حسب عدد السنوات التى سترخص بها ( سنة أو ثلاث سنوات للرخصة ) قم بكتابة البيانات الخاصة بك والخاصة بالسيارة الجديدة
3- اتجه الى عامل رفع البصمة وخد بصمة الماتور ورقم الشاشية على النموذج المعد لذلك ولا تحاول فك النمر دلوقتى لانك هتتحرك بالسيارة
4- اذهب للمهندس الفحص وقم بفحص السيارة وسيقوم المهندس هنا بكتابة بيانات السيارة خلف نموذج الفحص ويطلب منك ختمها من قائد الوحدة اولا ثم التحرك الى المرور التابع له السيارة والذهاب الى شباك ( مطابقة بصمة ) سيقوم الموظف باحضار ملف السيارة ومطابقة رقم الساسية ورقم الماتور الموجودين على نموذج الفحص الجديد مع الموجود فى الملف ويكتب البيانات سليمة وبعد ذلك اذهب واختمها من قائد الوحدة ايضا قبل الرجوع الى المرور الى انت تابع ليه ( حصلت امامى ان الموظف الخاص بالشباك رفض مطابقة البصمة لعدم وجود ختم النسر الخا ص بالمرور الجديد )
4 -ارجع الى المرور الى انت تابع ليه واذهب الى المهندس سيقوم بتوجيهة الى شباك داخل وحدة المرور يسمى استعلام امنى وده بيتاكد ان السيارة غير مبلغ بسرقتها وبيكتب الموظف كده وبيختم وارجع للمهندس واختم نموذج الفحص ( حاول تصوره وش وظهر بعد امضاء المهندس لان ده اثبات الن الاوراق سليمة ) وبكدة تكون اتاكدت ان السيارة سليمة ان شاء الله وهنا بقى فك النمر وخليهم معاك عشان تتوجه بيهم للشباك عند تقديم الورق
5- توجهة الى شركة التامين وسدد التامين الاجبارى على حسب عدد سنوات الترخيص
6- توجه الى شباك بيع طفايات الحريق وافحص الطفاية لو ممرش عليها خمس سنوات تقريبا او هتشترى واحدة جديدة بحوالى 125 جنية وهيختم على نموذج فحص الطفاية
7- قم بشراء ملف جديد من شباك التصوير حتى لا ترجع اليه لان موظف الشباك هيطلبة منك
8- توجه الى شباك نقل الملكية وخد دورك وقدم الورق وادفع قيمة الضريبة وهياخد منك النمر القديمة ويعطى السيارة نمر جديدة ويعمللك الرخصة او يعملك تصريح لمدة 6 شهور لحين ورود الملف الخاصة بالسيارة
9- بعد استلام التصريح او الرخصة راجع بياناتك كويس جدا وكذلك راجع بيانات السيارة من رقم شاشيبة ورقم ماتور وسنة الصنع واللون ( ممكن يكون فى اخطاء وحدث ذلك مع اخى ) ثم توجه الى شباك النمر واستلم النمر الجديدة ومساميرهم والف مبروك واسف جدا على الاطالى واى سؤال انا تحت امرك

[khaled_mgsx]

المشاركة الأصلية كتبت بواسطة mmbader بسم الله الرحمن الرحيم الف مبروك السيارة الجديدة وربنا ياتيك خيرها ويكفيك شرها ان شاء الله فى ظل الظروف السيئة التى نعيش فيها من سرقت سيارات وخلافة فانصحك انك تعمل عقد مسجل فى الشهر العقارى على طول وتنقل ملكية فى المرور لان ده بياكد سلامة اوراق السيارة ومش عشان نوفر 300 جنية ( السنة الباقية بالرخصة ) اكون قاعد قلقان لمدة سنة على سلامة ورق السيارة وانت بتحى 70000 قيمة العربية بقيمة العقد المسجل ( حوالى 1000 جنية واو اكثر حسب الموديل وبلد الصنع وقدرة الماتور ) فبنصحك ترخص السيارة باسمك والخطوات هى ( متزهقش منى لان دى الى حصل معايا من 6 شهور وانا برخص عربيتى ) 1- البائع هيعملك عقد مسجل فى الشهر العقارى والمصاريف على المشترى + البائع هيحضرك شهادة مخالفات عن السيارة فقط ( الرخصة مادام سارية مينفعش تاخذ شهادة بيانات من المرور والله واعلم فى الموضوع ده ) وحاول تاخد صور بطاقات الرقم القومى الخاصة بصاحب السيارة والتوكيل الاول وصورة بطاقة الشخص الذى سيبيع لك 2- تاخد الاوراق السابقة ( لا تنسى تصويرهم اكثر من نسخة وبالذات العقد المسجل والتوكيل الاول و الرقم القومى الخاص بك لانك ممكن تحتاجهم فى المرور الى انت تابع ليه والمرور القديم الخاص بالسيارة والاهم ان تحتفظ لنفسك بنسخة من كل اوراق السيارة للرجوع اليها وقت الحاجة ) وقم بالذهاب الى المرور التابع له محل سكنك واشترى نماذج التجديد والترخيص حسب عدد السنوات التى سترخص بها ( سنة أو ثلاث سنوات للرخصة ) قم بكتابة البيانات الخاصة بك والخاصة بالسيارة الجديدة 3- اتجه الى عامل رفع البصمة وخد بصمة الماتور ورقم الشاشية على النموذج المعد لذلك ولا تحاول فك النمر دلوقتى لانك هتتحرك بالسيارة 4- اذهب للمهندس الفحص وقم بفحص السيارة وسيقوم المهندس هنا بكتابة بيانات السيارة خلف نموذج الفحص ويطلب منك ختمها من قائد الوحدة اولا ثم التحرك الى المرور التابع له السيارة والذهاب الى شباك ( مطابقة بصمة ) سيقوم الموظف باحضار ملف السيارة ومطابقة رقم الساسية ورقم الماتور الموجودين على نموذج الفحص الجديد مع الموجود فى الملف ويكتب البيانات سليمة وبعد ذلك اذهب واختمها من قائد الوحدة ايضا قبل الرجوع الى المرور الى انت تابع ليه ( حصلت امامى ان الموظف الخاص بالشباك رفض مطابقة البصمة لعدم وجود ختم النسر الخا ص بالمرور الجديد ) 4 -ارجع الى المرور الى انت تابع ليه واذهب الى المهندس سيقوم بتوجيهة الى شباك داخل وحدة المرور يسمى استعلام امنى وده بيتاكد ان السيارة غير مبلغ بسرقتها وبيكتب الموظف كده وبيختم وارجع للمهندس واختم نموذج الفحص ( حاول تصوره وش وظهر بعد امضاء المهندس لان ده اثبات الن الاوراق سليمة ) وبكدة تكون اتاكدت ان السيارة سليمة ان شاء الله وهنا بقى فك النمر وخليهم معاك عشان تتوجه بيهم للشباك عند تقديم الورق 5- توجهة الى شركة التامين وسدد التامين الاجبارى على حسب عدد سنوات الترخيص 6- توجه الى شباك بيع طفايات الحريق وافحص الطفاية لو ممرش عليها خمس سنوات تقريبا او هتشترى واحدة جديدة بحوالى 125 جنية وهيختم على نموذج فحص الطفاية 7- قم بشراء ملف جديد من شباك التصوير حتى لا ترجع اليه لان موظف الشباك هيطلبة منك 8- توجه الى شباك نقل الملكية وخد دورك وقدم الورق وادفع قيمة الضريبة وهياخد منك النمر القديمة ويعطى السيارة نمر جديدة ويعمللك الرخصة او يعملك تصريح لمدة 6 شهور لحين ورود الملف الخاصة بالسيارة 9- بعد استلام التصريح او الرخصة راجع بياناتك كويس جدا وكذلك راجع بيانات السيارة من رقم شاشيبة ورقم ماتور وسنة الصنع واللون ( ممكن يكون فى اخطاء وحدث ذلك مع اخى ) ثم توجه الى شباك النمر واستلم النمر الجديدة ومساميرهم والف مبروك واسف جدا على الاطالى واى سؤال انا تحت امرك

تسلم ايدك يا باشا
في حاجة يعني انا ايه اللي يخليني اطمن ان العربية ليها ملف في المرور شهادة المخالفات و اتاكد منين ان شهادة المخالفات سليمة ؟؟
ثانيا التسجيل ؟؟
و الفلوس بتدفع في الشهر العقاري وقت التسجيل انا كدة صح ؟؟