عايز اروح لمتخصص بيشتغل فصيانة كيا برايد 97

[عمرو عبد الخالق]

السلام عليكم جميعا

انا لسة شاري برايد 97 هاتش باك و العربية الحمد لله فبريكا
و صاجها تمام و لكنها محتاجة شغل كتير بعيد عن السمكرة وعايز اوديها لحد بيفهم و مضمون عشان يظبط العربية و كمان محتاج خبرتكم في اعطال البرايد

الشغل اللي العربية محتجاه هو كالتالي

1 - العفشة ( العربية مش موزونة اطلاقا )


2 - الميكانيكا ( الموتور سحبه تمام بس في صوت عالي شوية و كمان سعات مبتدورش علي طول و بتحتاج دوسة بنزين عشان تدور - و ده مش علي طول يعني سعات و سعات )


3 - التبريد ( ركبت للريدياتير ثرموستات ياباني بتاعة المازدا لان اللي كان فيها كان بايظ و ده بيخلي المروحة تشتغل و مؤشر الحرارة عند النص و يمكن اكتر - كده تمام و لا اغيره ؟ )

المهم يا شباب اني محتاج مساعدتكم تدلوني علي صنايعية مشهورين بشغلهم في الكيا القديم و يكونوا بيفهموا لان الميكانيكي
اللي بتعامل معاه بتاع كله و مبثقش فيه اطلاقا

ارجوا اني مكونش طولت عليكم , انا في انتظار مساعدتكم بأذن الله

السلام عليكم

[Osama-IT]

بص انا دخلت الموقع دا مخصوص علشان المشاركات بتاعت الناس بس تقريبا كده محدش فاضي يرد علي حد خالص انا لسه شاري عصفوره 99 ومحتاج برضه حد يقولي خبراته بس نصيحه دور في المواضيع القديمه هتلاقي خبرات حلوه اوي ود رقم الموبيل بتاعي لو محتاج حاجه 0100-6649564 لو لقيت حاجه حلوه ابعتهالي علي ميلي وانا لو لقيت حاجه هبعتلك

[عمرو عبد الخالق]

بيانات الميكانيكى اللى كنت بتعامل معاه وتليفوناته هو حافظ البرايد والكورى القديم عموماً زى اسمه وهما اتنين صنايعية فى ورشة واحدة واحد بيعمل شغل الميكانيكا والتانى العفشه

2 - الورشة الكورية لاصلاح السيارات (ميكانيكا - عفشة ) اصحابها اتنين كانوا شغالين فى التوكيل القديم
محمد حنفى - 0125634933
بطرس شنودة - 0101196221
العنوان : 4 ش عبد الحليم محمود متفرع من ناصية ش الحرية خلف فيلات 23 يوليو بعد فندق السلام جسر السويس - امام محطة كهرباء هليوبليس


وهتلاقى معلومات وورش اكتر فى الموضوع الخاص برابطة ملاك الكيا برايد

[عمرو عبد الخالق]

علي فكرة انا روحت الورشة الكورية و فعلا هما ناس محترمة جدا و بيفهموا و مريحين جدا في التعامل و ده لانهم خبرة و متمكنين من شغلهم