الغيار الرابع بيرجع للمور

[moorastar]

شكرا يا بشمهندس علي اهتمامك و ردك السريع . انا كدا وصلت مع اتنين ميكانيكي ان لازم الفتيس يتفك و يروح لحد بتاع فتيس
تعرف حد كويس اوديله الفتيس ؟؟؟
تعرف سعر الفتيس الاستيراد بكام او تليفون حد اسال عنده ؟؟

[eng/walaaeldeen]

السلام عليكم
معلش انا من محافظة المنيا لو انت قريب في واحد شاطر جدا وصنايعي هيرجعه ليك كأنه جديد انما في القاهره لا اعلم ان شاء الله حد من الزملاء يفيدك عني
وبالنسبه للثمن انزل الحرفيين واسأل وفاصل وقارن ستجد هناك محلات كثيره
والله المستعان

[elnagar175]

السلام عليكم الاخ اللى بيسأل عن الغيار الرابع بينط
بعد الكشف على القواعد وكبلات الغيارات مظبوطة يكشف على زيت الفتيس لان ممكن يكون لزوجة الزيت
او نوع الزيت غير صالح بعد التئكد من سلامة هؤلاء يحل الفتيس ويغير غويشة الرابع فقط والموضوع ساهل من صعب بنسبة للفنى بس يكون بروفشنل بعد تغير الغويشة هتلاقى الفتيس زى الفل ومش محتاجة فتيس اسيراد ولا حاجة وبقا طمنا علية والف سلامة

[moorastar]

ان شاء الله خير . انا متشكر علي ردك . لو تعرف حد بتاع فتيس كويس في القاهرة ياريت تقولي

[ahmed_eng2001]

كان عندى نفس المشكلة تقريبا .... الفتيس كان بينطر الغيار الثالث

لما فكيت الفتيس وجدت المشكلة فى البلية الامامية ( بلية الدرك ) و وجدت الغويشة سليمة
جرب كل حاجة قبل ما تفك الفتيس ... و لو فضلت المشكلة زى ما هى .... مفيش حل غير انك تفك الفتيس
من الناس الى سمعته كويسة صليبة بتاع الفتايس الى موجود فى شبرا