مش عارف العيب فين ستروين AX

[sawy22]

المشاركة الأصلية كتبت بواسطة pointer السخونه 98 % ثرموثتات كوعه الريدراتير او سيستم التسخين في بداء الاداره وعطلانه عندك علي الدوره الصغيره لو التسخين عندك اوتوماتك راجع السستم لو عندك شغاط او خانق راجع عليه الدينموجه مصادفه مش اكتر كلام حازم بك و احمد بيك يرفع له القيعه شكرا

اشكرك وعيد سعيد عليكم جميعا وهجرب ان شا الله كل النصائح بتاعتكم وهبلغكم اول باول ايه اللي حصل

[sawy22]

شكرا جدا جدا جدا لتقديركم جميعا و الحمد لله عرفت فين المشكله وحبيت اعرفهلكم المشكله طلعت ان لما كان الدينموا عندي ضعيف فكانت كل حاجه في كفاءة العربيه مش واخده حقها ولما تم تصليحه ابتدت تظهر القصه دي ليه بقي لان الاخ الفاضل اللي كنت مشتري منه العربيه كان مركب ساعه بتاعت عربيه فيات فطبعا المروحه مش بتشتغل غير لما العربيه بيتعدي ال 80 واشكركم مرة تانيه لانكم بجد واحب اقولكم اني بسبب الراجل اللي كان معاه العربيه قبلي خلاص قربت ياالله يسامحه

وبسبب القصه دي انا قررت اعمل موضوع عن ديرة التبريد في العربيات وبالفعل ابتديت اجمع معلومات بس بظبط معاها الصور وجاري الرفع

[Muhammad A]

الحمد لله
ربنا يحسن لك سوقتها

[sawy22]

المشاركة الأصلية كتبت بواسطة Muhammad A الحمد لله ربنا يحسن لك سوقتها

شكرا ليك وربنا يكفينا غضب الحرارة

http://masrmotors.com/vb/showthread.php?t=71443
: 01FDAB~189:

[aymangalal]

المشاركة الأصلية كتبت بواسطة sawy22 بس انا اللي اعرفه من ميكانيكي ان الدرجه الطبيعيه للحرارة عند ال 70 او بالكتير 80 لاكن هي معديتش ال 90

متوسط الحرارة اثناء التسخين والتبريد تعتمد على قدرة التيرموستات (70/80) او (80/90)

المشاركة الأصلية كتبت بواسطة sawy22 بس لاقيت مفاجاة تانيه المروحه مش بتشتغل بانتظام وفجاءة سكتت خالص

من اهم عوامل الحرارة وارتفاعها هو عدم انتظام التبريد والمروحة هى العامل الاساسى فى التبريد ولذلك عند عدم عملها بانتظام او توقفها يؤدى ذلك لارتفاع درجة الحرارة وربما تصل الحرارة لاكثر من 100 درجة اى مرحلة الخطر

المشاركة الأصلية كتبت بواسطة sawy22 شكرا جدا جدا جدا لتقديركم جميعا و الحمد لله عرفت فين المشكله وحبيت اعرفهلكم المشكله طلعت ان لما كان الدينموا عندي ضعيف فكانت كل حاجه في كفاءة العربيه مش واخده حقها ولما تم تصليحه ابتدت تظهر القصه دي ليه بقي لان الاخ الفاضل اللي كنت مشتري منه العربيه كان مركب ساعه بتاعت عربيه فيات فطبعا المروحه مش بتشتغل غير لما العربيه بيتعدي ال 80 واشكركم مرة تانيه لانكم بجد واحب اقولكم اني بسبب الراجل اللي كان معاه العربيه قبلي خلاص قربت ياالله يسامحه وبسبب القصه دي انا قررت اعمل موضوع عن ديرة التبريد في العربيات وبالفعل ابتديت اجمع معلومات بس بظبط معاها الصور وجاري الرفع

الحمد لله انك عرفت السبب الحقيقى للمشكلة وملحوظة صغيرة كده
الساعة اللى حضرتك ذكرتها اعتقد انها التيرموستات وخصوصا بتاع الفيات العالى اللى هو 80/90 ولكن يفضل التيرموستات الواطى 70/80 لانه بيشغل المروحة بدرى ويفصل بدرى تشتغل عند 80 وتفصل عن 70 تقريبا وده الافضل
ولو قدرت تعمل مفتاح للمروحة احتياطى(فى حالة لا قدر الله حصل اى مشكلة زى اللى واجهتها والمروحة وقفت او التيرموستات اتحرق هايبقى عندك مفتاح احتياطى تشغل بيه المروحة مباشرة) انا عملت كده عندى
وربنا يمفيك ويكفينا شر الحرارة
على فكرة كلامك صح جدا لما قولت ان مع تظبيط الدينامو كل حاجه خدت حقها فى الكهرباء والكفاءة اصبحت افضل
حافظ على المستوى الافضل باستمرار