مروحة الردياتير اتسرقت

[magdy_c_c]

و الله العظيم اللى بيحصل ده كلام فارغ
و الناس مابقاش عندها لا زمة و لا ضمير
و الله اللى بيسرق مسمار ده مهما كانت تفاهته ممكن يتسبب فى قلب عربية أو مقتل من بداخلها
أنا مرة زمان من حوالى أربع سنين عربيتى عطلت و أنا راجع من سفر طويل المهم عافرت و جبتها لحد البلد عندنا و سبتها بعيد عن البيت شويتين
المهم الصبح جبت ميكانيكى و دورت العربية و مشيت ، المفاجأة و أنا بامون العربية فى البنزينة
لقيت واحد شاب حلو كده يعنى قام داخل بسرعة عاوز يمون قبلى فضربت فرملة فجأة ، بعد الفرملة لقيت الكاوتش اليمين اللى قدام بيجرى فى البنزينة و العربية على الأرض !!!
حمدت ربنا أن الشاب الحلو ده جه فى الوقت المناسب علشان أضرب فرامل فجأة و كتشف ان العجل بتاع العربية كله ( الأربع عجلات مسروق منهم المسامير !!!) تخيلوا بيسرقوا أى حاجة فى العربيات علشان أصلى ان شاء الله حتى مسامير ربط الإطارات !!!
يبقى ان شاء الله بعد كده كل اللى معاه عربية ياخدها يطلعها الشقة معاه
ما هو مش معقول كل يوم الصبح الواحد يقعد يلف على مسامير الأربع عجلات كمان
و الله الواحد خايف بعد كدة يقوم يلاقى العربية مسروق منها الكاوتشات أصلا ً و مرفوعة على طوب و لا براميل و لا يسرقوا الشاسيه
يلا هيصة بقى
ربنا يستر على مصر

[فهمى]

المشاركة الأصلية كتبت بواسطة mahmoud adel fouad شكرا يا جماعة على الردود... أنا جبت المروحة من عند فرج اللى فى امبابة ب 150 جنيه وركبتها والحمدلله العربية رجعت زى الاول

انا معايا ax من 18 سنه ومسقط رأسى أمبابه مأعرفش ان فيها حد بيبيع قطع غيار ستروين الا دلوقت ؟ ياريت عنوانه بالتفصيل وان أمكن تليفونه وهو أستيراد ولا جديد ؟

[miam0502788391]

المشاركة الأصلية كتبت بواسطة magdy_c_c و الله الواحد خايف بعد كدة يقوم يلاقى العربية مسروق منها الكاوتشات أصلا ً و مرفوعة على طوب و لا براميل

هو حضرتك بتقول فيها
حصلت مع واحد صاحبى ابوه معاه لانسر بومة سوبر سبورت , صحى الصبح لقى فردة كاوتش بالجنط مسروقة وتقريبا الحرامى كان ناوى يفك الاربع عجلات بس الظروف مسمحتش
وفى الآخر ابو صاحبى راح اشتراه مستعمل علشان يكون اصلى زى اللى المسروق

[amir elgamal]

ههههههههههههههه شكله فعلا ماعندوش مروحه
الناس اتجننت ولا ايه
حسبى الله ونعم الوكيل