بخصوص الغاء الجمارك

[sherifabden]

المشاركة الأصلية كتبت بواسطة M.TONSY ياريت نبقى زى ليبيا و لا السعودية مفيش جمارك خالص والناس هناك عايشة

والنبي بلاش ليبيا دي
انا قعدت فيها 6 سنين واتعقدت
والله الواحد هناك يببقا عنده بالعربيتن والتلاتة
وبتتباع بالتراب
وعلى فكرة العربيات في ليبيا ارخص من السعودية بكتيييير جدا
يعني السيراتو في السعودية بتعمل 65 الف دينار سعودي
وفي ليبيا بتعمل 20 الف دينار ليبي
اه والله 20 الف دينار
والواحد لو العربية عايزة تغير زيت او فلتر بيرميها ويجيب عربية جديدة تانية
ناس عايشة يا عم الحج

[firstknight_eg]

المشاركة الأصلية كتبت بواسطة ELSHEPY الكلام ده غير صحيح بالمره ولا يوجد له اصل من الصحه اما الكلام الصحيح ومكتوب الان بملحق الاهرام بتاريخ 24 اغسطس 2012 الصفحه الثانيه وعلى لسان مدير الجمارك المصريه احمد فرج سعودي تقدر جمارك سيات اببزا موديل 2012 سعة محركها 1600 سي سي با 80 الف جنيه حيث تخضع السيارة للفئة 40% سيف وارد و 15% ضريبة مبيعات و 3% رسم تنمية تقدر الرسوم الجمركية على مرسيدس c180 سعة محركها 1800 سي سي با 560 الف جنيه حيث تخضع للفئة 135% سيف وارد و 30% ضريبة مبيعات و 5% رسم تنمية تقدر جمرك رينو ميجان 2012 سعة محركها 1600 سي سي با 80 الف جنيه حيث تخضع السيارة لفئة 40% سيف وارد و 3% ضريبة مبيعات و 3% رسم تنمية جميع السيارات السابقة اوربية وحتى الان لن يتم تطبيق الاتفاقيه اما السبب فهوا الرشاوي و الضغوط من قبل الوكلاﺀ حتى يظل الإحتكار ساري وتستطيع التأكد من كلامي بمراجعة عدد الاهرام الصادر صباح اليوم لعنة الله على كل محتكر سلعه او خدمه يحتاجها الناس

الراجل اللي بيتكلم في الاهرام مبيتكلمش علي حالات معينة بيتكلم في العموم، ولازم يعرف بلد المنشأ قبل ما يقدر يحدد الضريبة، يعني لو سألته علي اللوجان 1600 هيقولك نفس الكلام بتاع 40 % ، عشان هو ما يعرفش بلد المنشأ ايه، اللي جاية من المغرب عليها اعفاء، انما اللي جاية من رومانيا ما علهاش، لازم السؤال يبقي محدد ان بلد المنشأ الاتحاد الاوروبي وتحت 1600 سي سي.

[ELSHEPY]

المشاركة الأصلية كتبت بواسطة firstknight_eg الراجل اللي بيتكلم في الاهرام مبيتكلمش علي حالات معينة بيتكلم في العموم، ولازم يعرف بلد المنشأ قبل ما يقدر يحدد الضريبة، يعني لو سألته علي اللوجان 1600 هيقولك نفس الكلام بتاع 40 % ، عشان هو ما يعرفش بلد المنشأ ايه، اللي جاية من المغرب عليها اعفاء، انما اللي جاية من رومانيا ما علهاش، لازم السؤال يبقي محدد ان بلد المنشأ الاتحاد الاوروبي وتحت 1600 سي سي.

الراجل الي بيتكلم في الاهرام هوا مدير الجمارك عاوز تقنعني انه مايعرفش ان بلد المنشأ للعربيات ده اوربي الموضوع واضح الراجل بيتكلم على كل العربيات بما فيها الاوربي وللعلام سألت على جمرك عربية اوبل المانية (اوربية مش المانية القمح) فكانت الصدمة 40% جمارك

[Mido Madrid]

يعنى من الاخر يجماعه محدش بيشتغل فى الجمارك او يعرف حد بيشتغل فيها يقول الكلام ده صح ولا عشان نتاكد بما اننا مختلفين

[sensitivets]

طيب يا جماعة بالله عليكم انا كنت عامل موضوع عن استقدام سيارتي التيما 2008 اوتوماتيك من الامارات لمصر ومش عارف الجمارك كام وحادفع ايه ياريت حد يفدني اعمل ايه ابيعها هنا ولا انزل بيها مصر وحتبقي اوفرلي بعد الجمارك ياريت حد يرد عليا