صيانة ال 40 الف للفيرنا بالشارع وكل سنة وانتا طيب يا غبور

[M.TONSY]

مبروك يا كورسير ولا عشاء لغبور هههههههههه

[acer]

المشاركة الأصلية كتبت بواسطة corsair احنا نخش في الموضوع علطول علشان منعطلكمش معايا اولا جيبت خرطوم زيت باور لان القديم عندي شقق ونشف وبقا بيسرب زيت كلفني 25 جنيه ثانيا جيبت زيت باور شيل من بنزينة شيل تمنه 28 جنيه ثالثا طقم بوجيهات 1 شمعه اصلي هيوانداي تمنه 55 جنيه رابعا فلتر هواء اصلي هيوانداي تمنه 35 جنيه خامسا فلتر بنزين اصلي هيوانداي تمنه 50 جنيه سادسا سير باور اصلي هيوانداي تمنه 25 جنيه لان القديم خلاص كان جاب اخره سابعا سير دينامو اصلي هيوانداي تمنه 45 جنيه لان القديم بردك جاب اخره طبعا كل الكلام ده جيبته من نافع بتاع مصر الجديدة ما عدا زيت الباور جيبته من بنزينة شيل المهم سئلت البنزينه عن حد شاطر يعملي الكلام ده دلوني علي واحد واقف في الشارع وحوليه مجموعة عربيات اشكال والوان المهم انا قلقت بس قولت نسلمها لله ونخلص الموضوع حظي الحلو وقع في ميكانيكي معاه فيرنا زي وده اللي طمني اكتر لان في اكثر من ميكانيكي واقف شغال المهم الاسطي احمد ابتدي يشتغل في العربية والحمد لله مخدتش في ايده ساعة بالكتير ودفعت 50 جنيه تركيب للكلام اللي فوق ده كله ولا عزاء للفقيد غبور ادعولي بقا اغير زيت الفتيس لحسن خلاص قربت اشحت جنب البنزينه

على فكرة ياباشا مهندس ممكن تغير زيت الفتيس فى محطه مصر للبترول اللى قبل حديقة الميرلاند اللى فى شارع السبق لانهم هما وموبيل اللى عندهم زيت فتيس الفيرنا وعقبال تغير سير الكاتينه برة غبور

المشاركة الأصلية كتبت بواسطة khaabas بس يا كبير ما كنت تغير سير الكاتينة والبلية بالمرة وخرطوم الباور نشف بسرعة ليه كده ونصيحة غير ميه الرادياتير ونضفه

لسه يا غالي علي 60 الف هغير سير الكاتينه ان شاء الله وبالنسبة لخرطوم الباور انا مش عارف ايه السبب الصراحه اللي يخليه يشقق ويسرب

وبالنسبة للريداتير انا نضفته وغيرت ميته من شهر تقريبا

المشاركة الأصلية كتبت بواسطة Neo206 مبروك التغير و ربنا يديك خيرها و يكفيك شرها و أردم على غبور

الله يخليك يا نيو وغبور انا رادم عليه بقالي سنة اهو

المشاركة الأصلية كتبت بواسطة rabet007 مبروووك يا باشا ربنا يبارك ليك فيها وياريت بقه عنوان نافع بتاع مصر الجديده لانه اسعاره كويسه وشكرا ليك بالنسبة للصيانه انا ان شاء الله هاعملها عند احمد كار ربنا يكرمه اتشرفت بحضرتك

ربنا يعزك يا غالي ونافع انتا لو نزلت الكوربه او شارع دمشق وسئلت عليه الف مين هيدلك عليها لانه مشهور جدا هناك

وربنا يوفقك لما فيه الخير وانا اللي اتشرفت بمعرفة حضرتك

المشاركة الأصلية كتبت بواسطة احمد على 1999 شكرا يا كورسير على نقلك المفيد للتجربة

تسلملي يا استاذنا ورئيسنا وعمنا استاذي الكبير احمد باشا

المشاركة الأصلية كتبت بواسطة tonsy1979 مبروك يا كورسير ولا عشاء لغبور هههههههههه

هههههههههههههههههههههه

ان شاء الله هنطفحه اللي كله علي قفنا السنين اللي فاتت ديه كلها يا تونسي باشا

المشاركة الأصلية كتبت بواسطة acer على فكرة ياباشا مهندس ممكن تغير زيت الفتيس فى محطه مصر للبترول اللى قبل حديقة الميرلاند اللى فى شارع السبق لانهم هما وموبيل اللى عندهم زيت فتيس الفيرنا وعقبال تغير سير الكاتينه برة غبور

تسلملي يا اسر باشا علي المعلومه الجميلة ديه وانا فعلا كنت محتار اغير زيت الفتيس فين وان شاء الله سير الكاتينه لو قلبي طاوعني هغيره بره التوكيل

[ENG.Bahaa Nagy]

مبروك ياكورسير وعقبال صيانه المليون .. ربنا يحفظهالك ويباركلك فيها

[سالم سلامه]

يارب تغيره ههههههههههههههههههههههههه هه