الفيرنا بعد 140

[mohamedsalahelden]

المشاركة الأصلية كتبت بواسطة corsair ده عيب الجنوط المصري يا زعيم اللي نازله في الفيرنا نفس الكلام عندي فيبرايشن بعد ال 130 بس بتخف بعد ال 170 يمكن علشان العربية مبتلمسش الارض في السرعه ديه ههههههههه بس بجد مهما تعمل مش هتعرف تلغي منها العيب ده مفيش قدمنا غير التجنيط

بس التجنيط هيطلعك بره الضمان

[memodina1]

المشاركة الأصلية كتبت بواسطة ENG.Bahaa Nagy كلام جميل اوى ياميمو .. بس تعرف خرط الطنابير هيخفف م الحوار ده ولا لا؟ لان ليا واحد صاحبى ركب عربيتى وقاللى الطنابير عاوزه تتخرط . مع العلم ان العربيه بقت من اول ال100 بتترج وعند ال120 كانى راكب غساله زى ماصاحب الموضوع بيقول والله لو راحت ياميمو ليكون ليك هديه احلى من بتاعت كورسير

من غير هدية يا باشا ولا حاجة كفاية زوقك بس انا اتكلمت عن الخرط قبل كدة فى موضوع كامل وعموما الخرط للطنابير لو انت ماشى على سرعة 100 مثلا ودوست فرامل براحة مش جامد براحة كانك بتهدى ولقيت انى العربية بتترعش بيقى اكيد تخرط الطنابير
طريقة الخرط مهمة جدا اولا لازم تخرط الجنبين
ثانيا لازم يخرط على مستوى اقل من 1 مم ويكون اقل سرعة على المخرطة يعنى لما يخرط فى ناس تعملها فى خمس دقايق كدة غلط لاة خليها على المكنة وخلية يهدى السن على الطنبورة ويخرط بهدوء ممكن الواحدة تاخد بتاع نصف ساعة الجنبين
اما لو معاك فلوس احسن اشترى جديد ولكن الخراطة تنفع انا بقولك لو معاك
وطبعا لابد من تغيير التيل الى الاصلى يا معلم الاصلى الاصلى الاصلى من التوكيل لونة اخضر 340 او بنى بتاع الاكسنت القديمة عامل 160 حسب ميزانيتك
بس اهم شئ انة اصلى
هتلاقى لما تدوس فرامل العربية ثابتة مفهاش رجة الغسالة ولا التبلوة بيرعش ولا الكبوت الامامى بيرعش
لكن لو الفرامل قافشة هتفضل قافشة لانى الفرامل الامامية بتترجلش اتوماتيك يعنى مهما التيل يخلط هو بيضيق معاة
فدى لازم تعملها تجربة اللى قلتها فوق امشى حوالى كيلو واظغط فرامل جامد وارجع ارفع العربية من تحت الماتور من عند صدر العربية هتلاقى حدوة عشان تربط فيها حبل لو حصل ومحتاج حد يشدك ارفع من عند الحدوة دى بكوريك محترم مش بتاع العربية
ولما ترفع دوس فرامل لاخر الدواسة وسيب وحرك العجلة لو اتحركت عادى يبقى خلاص جرب التانية لو اتحرك عادى بمجرد تزقها بايد واحدة يبقى خلاص تنزل
رصص العجل وظبطة جرب وقولى عملت اية وعلى فكرة لو قافشة صدقنى ب 50 جنية وديها التوكيل ويحلولك موضوع القفش انا انصحك باللى فى السويس لانى جرب كلة

المشاركة الأصلية كتبت بواسطة tonsy1979 انا فهمت قصدك من تشحيم الفرامل بس الافضل لما البستم يقفش ان يتم تغير الكاوتش الاويل سيل بتاعه لانه بيكون نشف وده هو السبب والتشحيم بيكون حل مؤقت وبيرجع تانى يقفش بعد فترة بسيطة

معلش انت تقصد الكاوتش الاويل سيل اللى هو مدور ومحطوط حوالين البستم هو دا ولو لا يبقى مكانة فين وياريت لو يقولى ممكن اجيبة منين لانى قلت علية للتوكيل اللى هو حوالين البستم مدور كدة وقالى مفيش منة اصلى كلة تقليد والاصلى لو تعبان احسن من الصينى الجديد فقولى كدة وفهمنى لو سمحت

[star2008]

بص يغالى اهم شي انك رصص صح و الكونتش يبقى عريض عشان الثبات ومش تقلق دى حاجة سهلة ومش معقدة وربنا يسترها معاك ومعانا ويكفينا شر الطريق

[lost2008]

المشاركة الأصلية كتبت بواسطة memodina1 الله يكرمك يا عمدة ركز معايا وانا افهمك براحة كان عندى العجلة الشمال ناشفة من ساعة ماا جبت العربية واليمين عادى يعنى اكمنى دى اول عربية ليا مكنتش اعرف انها الاتنين قفشين شوية والشمال عنيفة جدا قعدت اروح واجى ويشحم البساتم ويغسل ويغير تيل وبرضة واحدة قفشة اوى والتانية عادية شوية المهم رحت التوكيل اللى فى السويس والله انصحك بيهم والمهندس اللى هناك عارفنى شخصيا قالى لازم تشوف بنفسك اللى هقولة عشان ممكن متصدقنيش وعلى فكرة اعملها وشوف هتلاقى كلامى صح مية المية رفع العجل الاتنين دور العربية وجاب اول وخلى واحد يدوس بنزين على الاول جامد لحد 5 اربىام هتلاقى العربية بتترج بسيط جدا عشان مش ثابتة على الارض لاحظ بقى لما توصل لحد 4 اربى ام اللى هو سرعة فوق 120 على الخامس مش معنى كدة انة جاب 120 على الاول لاة بس بمعنى انة وصل الماتور لجهد كبير على الاول لحد 4 اربى ام اللى لو جبنا الاربى ام على 4 فى الخامس تساوى سرعة فوق 120 المهم لقيت العجلة اللى قافشة اوى دى بتهتز جامد جدا جدا بمعنى الكلمة والتعبير قام قلى دا عشان التيل ماسك سنة ودا فى معظم الفيرنا عشان كدة تلاحظ السخونة دايما فى الفيرنا فى العجل بس هو مطلعش البساتم ولا غير زيت هو فك الفرامل خرج التيل ونظف مسمار الغفير اللى واصل الخزنة اللى جواها البساتم مش المسمار اللى بيفك منة الفرامل لاة المسمار التانى اللى ماسكها ورش جوة الخرم اللى بيدخل فية مسمار الغفير دا ورش على البستم وحوالينة بسبراى غير wd40 جرب الموضوع بتاع رفع العربية دا وشوف والاول اصلا شوف العجل عندك بيجرى معاك العجلتين بيجرى بسرعة عادى لما ترفع وتزقة بايدك ولا اية عشان لو بيتزق عاد جدا يبقى انت بعيد عن الكلام دا ودا اللى حصل هناك ان شاء الله هتلاقى الرجة راحت جرب وشوف بس انصحك بالتوكيل اللى فى السويس هو قريب جدا من القاهرة ساعة وشوية وتكون هناك لو حبيت التلفون قولى ادهولك ملحوظة دا بخلاف انة لازم يكون انت مرصص كويس

فعلا انا عندى الجنط الشمال لما بيكون دافى و اقدر احط ايدى عليه من غير متلسع بيكون الجنط اليمين سخن جدا لدرجة انى بتلسع و ده من ساعة مشتريت العربية زيرو من 3 سنين

[memodina1]

المشاركة الأصلية كتبت بواسطة lost2008 فعلا انا عندى الجنط الشمال لما بيكون دافى و اقدر احط ايدى عليه من غير متلسع بيكون الجنط اليمين سخن جدا لدرجة انى بتلسع و ده من ساعة مشتريت العربية زيرو من 3 سنين

يبقى لازم تعمل اللى قولتلك علية وصدقنى مش هتخسر حاجة واكيد انت عندك زى تنميلة كدة فى الدريكسيون
ممكن سوال للناس اللى معاها فيرنا وانت ماشى على سرعة 60 وعلى التالت مثلا وسبت ايدك نهائى من الدريكسيون بتلاقى الدريكسون بيروح شمال ويمين بنسبة بسيطة اوى كدة يعنى يروح شمال ويجى يمين بس بسيط جدا مش لدرجة انى بيحود الاتجاة لاة ماشى مستقيم برضة حد عندة الموضوع دا