العربية مش بترضى تدور

[حبيب الناس]

كلام الاخ احمد علي كله سليم 100% واللي فهمته من كلام حضرتك ان زوجك فك العمه والعربيه اشتغلت لو انتي محتاجه العربيه اوي في يوم او يومين ممكن تشيلي العمه خالص وتمشي بالعربيه مفهاش مشاكل وكده ممكن اكيد فلتر الهواء مسدود ممكن توديه لبتاع الكاوتش ينظفه بالهواء .
ممك تكون المشكله في الموبينه تكون ضعفت وده صعب شويه وده حلها تفتحي لكونتاك وتسيبيه حوالي 20 ثانيه او نص دقيقه وتدوري ازا دارت تبقي الموبيينه تعبت واو ممكن تكون المشكله بوجيهات متسخه وع محاولات الدوارة المتكررره بتدور
في كل الحلات لازم فني يكشف علي العربيه لخبرتك الضعيفه في البحث عن مشاكل السيارات
واخيرا اشكرك علي ثقتك الغاليه بالمنتدي ويا رب نكون افدناكي

[tham1010]

هى عربية الوالد الفيات 124 كانت بتعمل نفس الفصل ده مرتين. يعنى مش تدور الصبح إلا بعد محاولات مضنية ولما تدور أول اليوم تفضل شغالة عادى طول اليوم. يعنى تركها لفتره سواد الليل تبرشم ومش تشتغل الصبح. المهم بالكشف فى المرة الأول أتضح ان البنزين كان متسخ والفلتر بتاع البنزين كان عاوز يتغير وهذا سبب شئ من الإتساخ فى الكربراتير فكان البنزين لا يصل بسرعة للماتور حتى تستهلك البطارية قبل وصول البنزين.. فكان أحيانا كثيرة يضغط دواسة البنزين كذا مرة قبل التدوير ويترك السيارة فترة نصف ساعة وكانت فى احيان كثيرة بتقوم..

فى مرة ثانية كان السبب هو الدينموا الذى لم يكن يشحن البطارية بكمية كافية فكان طول مدة الترك للسيارة يسرب الكهرباء من السيارة. كما اكتشف الميكانيكى ان السيارة ملمسة ارضى (( مش فاهم يعنى ايه))

الحقيقة التكنولوجيا مفيش احسن منها فى السيارات...

[prof2007]

Wkiss5:

[محمد السيد 78]

فى احتمال بس بيحصل واحد فى المليون:
ان تكون العمة شفطت كيس او قطعة من الورق واتحشر جواها قبل الفلتر وبالتالى بيقلل كمية الهواء اللى داخلة على الموتور وعشان كده لما العمة بتتفك بتدور بسرعة

[مستجدة]

السلام عليكم
فى البداية بشكر كل من اهتم و دخل الموضوع .
فيه عندى مشكلة و مش عارفة ايه بصراحة لأن العربية مش بترضى تدور و بعد معافرة عشوائية بتدور .
اسال اللى دورها هى ايه كانت مشكلتها يقولى " فعلا مش عارف "
او يخمن تخمين منطقى بس بيختلف كل مرة عن الثانية .

باختصار العربية ماروتى 2011 عاملة حوالى 11 الف كيلو .
بتدور عادى جدا و بمنتهى السهولة بس ممكن مرة واحدة مترضاش تدور نهائى و كل مرة السيناريو بيختلف .

عشان متوهكوش هبدأ بالموقفين المتشابهين
مرة دارت و بطلت و جيت ادورها تانى مرضيتش ابدا و الناس اتلمت و زقوها للبنزينه اللى عطلت جنبها .
الراجل فى البنزينه جرب لقاها فاصلة كهرباء جرب يشيل السلك اللى بيربط بين البوبينه و الاسبراتير رجعت الكهرباء و دارت
قالى " البوبينه بتهرب كهرباء " روحى لكهربائى

مرة تانية مرضيتش تدور جبت لها مكانيكى
اول ما جه يدورها قالى انا عرفت مشكلتها
قعد يلعب برضه فى قصة الكهرباء
و دورها قالى " المقاومة بتاعتها ضعيفة عايزه كهربائى يغير لها المقاومة او يخلى البوبينه الكترونية تقريبا ( طبعا و لا فاهمة اى حاجة من الكلام ده )"
فى المرتين دول فيه حاجات مشتركة
أولا : و انا ببطلها قبل ما انزل من العربية بتترج رجه كده .
ثانيا : بروح مشوار صغير خمس دقائق و ارجع احاول ادورها
تفضل متدورش و تعمل صوت زى ما تكون العربية دايرة و انت بتحاول تدورها
ثالثا : أنها مش بتدور الا لما حد يقعد يلعب فى سلوك الكهرباء و يفك و يركب .


ده سيناريو كده متشابه عشان حتى لو مش هو ده السبب حد يفهمنى
فيه علاقة بين رجت العربية و انها مش بتدور ؟
و برضه المشكلة ديه حصلت لما اتلخبطت و دورت العربية بدل ما ابطلها .
ايه الضرر اللى ممكن يحصل لما يحصل كده ؟
و ايه معنى الرجه ديه
و يا ترى " انها بتهرب كهرباء " هى نفس " مشكلة المقاومة ضعيفة " ؟
و الصوت اللى بسمعه و انا بحاول ادور و اللى بيشبه صوت لما تدور العربية و هى دايرة ده معناه ايه
و لو فضلت احاول ادور بعد الصوت ده من غير ما ارجع المفتاح ايه اللى ممكن يحصل
و لو مشكلة كهرباء كده تبقى مشكلة مش ديما بتظهر .

و دلوقتى هوضح لكم كل السيناريوهات اللى حصلت فى مرات انها متدورش
اول ما جت كنت بدورها عادى
افتح الشفاط و ادور تدور عالطول
بعد ال 10 الالاف ركنتها كذا يوم و جيت ادورها معرفتش
واحد قعد يلعب فى سلوك الكهرباء دارت
** المرة اللى بعدها مرضيتش تدور وقفت سواق تاكسى
دورها و قالى اصلها كانت شرقانه
رحت مشوار و دارت عادى
نزلت اشترى حاجة و رجعت بعد ساعة
مش رضيت تدور نهائى و اتصلت بزوجى قعد يعافر فيها و فكها حته حته تقريبا
( بحكم انه غاوى فك و تركيب ) و قالى انا فعلا مش عارف هى مش راضية تدور ليه

( ده بعد ما شيك على الكهرباء و القصص ديه كلها )
بعد كده قالى هو الابلاتين لادع لما تروحى تعملى صيانى ال 10 الالاف غيريه بس انا هعلى لك الكهرباء .

و مشيت العربية كويس جدا
مرة بس مرضيتش جه برضه واحد قعد يفك السلوك من الاسبراتير و يركبها تانى فوصلت كهرباء و دارت .

بس بعد ما ودتها التوكيل و غيروا طقم الكهرباء و ظبطوا الكهرباء و هى مغلبانى .

بس اول مرة كان بقالى يومين مش دورتها و اتصلت بسواق ابنى اللى بيوصله المدرسة

قعد يعافر فيها
و يضغط بنزين و يسيب و يجيب غيار لغاية اما دارت من غير ما يفتح الكابوت .
( يعنى صعب تكون كانت قاطعة كهرباء و رجعت تانى )

يوم تانى رحت بيها كذا مشوار
و ركنتها قدام البيت رجعت
جيت اركبها بعد ساعتين مش دارت
قعدت احاول و اعافر زى ما السواق عمل
دارات
بطلتها و جيت ادورها تانى دارت
جيت ادورها بعد شوية
دارت و بطلت و مرضيتش نهائى تدور
فى جيت السواق برضه دورها بالمعافرة من غير ما يفتح الكابوت و لا يجى جنب الكهرباء .
دلوقتى بقيت عشان ادورها دوسة بنزين و لما تلقط اديها دوسة جامدة لأنها لما بتبطل مش بتدور تانى بعد ما كنت بدورها بالشفاط .


مش عارفة هى فيها كذا مشكلة عشان كده مش بتدور كل مرة بنفس الطريقة و لا ايه .
و ممكن تكون المشكلة فيا مش بعرف ادورها .
بس اقصى معلوماتى انها ممكن تشرق .
انما اعمل غلطة تخليها تقطع كهرباء .

الرجاء الافادة .