مساعدة فى اختيار لمبة اضاءة قوية

[حسام البورسعيدى]

ممكن تركب لمبتين 200 / 120 المانى وسعرهم حوالى 55 جنيه وتعمل كتاوت تقويه ودى هتكلفك حوالى 100 جنية كتاوت و سلوك ومصنعيه .. انا مجربها فى عربية دايو سيلو وحسنت النور بنسبه معقوله .. بس ده الحل الشعبى .. مش عارف بقى ايه نظام اللمبات الماركات والهالوجين وكده .. ومش عاوز اقولك على حاجه من غير ما اكون جربتها ...

الزينون حلو بس لو هتجيب ماركه عاليه المانى مثلا لكن الصينى ابو 300 جنية ده انا لا اعترف بيه .. وبيبوظ على طول ......

[borio1704]

الأهم من تقوية اللمبات هو توجيه الإضاءة بشكل صحيح

في الحالة دي ... الإضاءة العادية (لمبة 50-60 وات) ممكن تبقى كفاية

أنا كنت مركب في عربيتي لمبات 90-100... وكانت كافية جدا... بس كان النور متوجه صح.

نصيحة... اشتري لمبات رخيصة الأول واظبط نور العربية صح، ولو لقيته مش كفاية ابقى اشتري الأغلى والأقوى



...

[د محمد المنصورة]

جزاكم الله كل خير

الوقتى انا من المنصورة

ونزلت سالت امبارح فى شارع بنك مصر على تونجسرام 140 \ 100 الراجل شكر فيها كتير وقللى معدتش بتنزل من التوكيل بتاعها والراللى برده مش بتنزل

بس قللى فيه فيلبس اكستريم الاتنين ب 120

واللى زى تونجسرام قللى فيه اوسرام اللى زيها الوقتى 240 باين وسعرها 55

بس انا الوقتى عاوز نور يبان على النور الاصفر اللى فى الطرق السريعة لانى لما بكون ماشى كانى مش مركب حاجة خالص وانا عندى كتاوت يعنى مش هركب

واما شفت تونجسرام عجبتنى اوى فى النورالاصفر وسعرها كان كويس

مش مهم السعر لو فرق على اد ماهو مهم ان النور يكون ابيض ومنور الطرق الصفران ويكون اتساعه اكتر ومدى مسافات كويسة

سؤال تانى كشافات الشبورة فيها انواع حلوة واللا اى حاجة تمشى

انا عربيتى اكسنت 99

معلى بقه على التعب

[borio1704]

المشاركة الأصلية كتبت بواسطة د محمد المنصورة جزاكم الله كل خير الوقتى انا من المنصورة ونزلت سالت امبارح فى شارع بنك مصر على تونجسرام 140 \ 100 الراجل شكر فيها كتير وقللى معدتش بتنزل من التوكيل بتاعها والراللى برده مش بتنزل بس قللى فيه فيلبس اكستريم الاتنين ب 120 واللى زى تونجسرام قللى فيه اوسرام اللى زيها الوقتى 240 باين وسعرها 55 بس انا الوقتى عاوز نور يبان على النور الاصفر اللى فى الطرق السريعة لانى لما بكون ماشى كانى مش مركب حاجة خالص وانا عندى كتاوت يعنى مش هركب واما شفت تونجسرام عجبتنى اوى فى النورالاصفر وسعرها كان كويس مش مهم السعر لو فرق على اد ماهو مهم ان النور يكون ابيض ومنور الطرق الصفران ويكون اتساعه اكتر ومدى مسافات كويسة سؤال تانى كشافات الشبورة فيها انواع حلوة واللا اى حاجة تمشى انا عربيتى اكسنت 99 معلى بقه على التعب

مهما اشتريت لمبات قوية... ولا ليهم تأثير من غير التوجيه الصحيح

اللمبات عند حضرتك منورة في السما... فوق... مش تحت على الطريق


...

[Vanditta]

انا مع رأى الاستاذ borio1704 ان ممكن يكون العيب فى توجية النور
وممكن يكون العاكس اللى فى الفوانيس القديمة اللى كانت عند حضرتك ماكانش بيؤدى دورة صح