فصل الموبينة بالارضى

[maka]

المشاركة الأصلية كتبت بواسطة الايطالى الصغير اخى العزيز صاحب السؤال والله اعلم أقول لك من خلال تجربتى مع مفتاح فصل الموبينة الموبينة هى محول رافع للجهد يرفع جهد 12 فولت الى جهد عالى قد يصل الى 24 الف فولت وفى الالكترونى الى 50 ألف فولت تقريبا حسبما قرات وعرفت هى محول ولا اعتقد عمليا ان توصيل محول بأرضى يؤثر عليه من قريب ولا من بعيد وانا كنت عامل 3 مفاتيح فصل فى أماكن سرية بالعربية كلها على أرضى الموبينة وما فيش مشكلة ولكن ربما هنا فى المنتدى يكون فيه معلومة ما نعرفهاش سحب العربية عندى تمام والموبينة تمام وشغال ب 3 مفاتيح فصل ارضى للموبينة ونظرية لازم تفهمها فى مصر لما تسال ميكانيكى أو كهربائى حط فى اعتبارك ان معظمهم اتعلم من التجربة مش من كليه او معهد كلهم بيجربوا واغلبهم لا يعرف الفرق بين ال abs وكونيكتور الدشوعموما ركب المفتاح ولو على كلامه لو صحيح يعنى يبقى موبينة تتعب احسن ما العربية تتسرقوالقرار ليك

ما انا مش لازم علشان احميها اخربها , ما ممكن اعمل مفتاح الفصل على حاجة تانية و فى الاول و الاخر ربنا هو الحامى و هى محمية بفضله اولا و اخيرا

ما المحول علشان يشتغل و يمر تيار فيه لازم يكون فيه فرق جهد ده اولا , ثانيا ايه تفسيرك ان العربية تكون دايرة و تدى الموبينة ارضى تبطل ؟؟؟

ياريت لو حد يشرح لنا كيفية عمل موبينة السيارة

المشاركة الأصلية كتبت بواسطة samirayad

[maka]

http://masrmotors.com/vb/showthread.php?t=80867

الباشمهندس سمير موسوعة

[samirayad]

ثانيا ايه تفسيرك ان العربية تكون دايرة و تدى الموبينة ارضى تبطل ؟؟؟

3- ملف الأشعال ....البوبينا
عباره عن محول كهربى ....يقوم بتحويل جهد البطاريه المنخفض (12 فولت )
الى الجهد العالى الازم للأشعال ...وتتراوح عملية رفع الفولت داخل البوبينا من 15 - 25 ألف فولت كهربى
يتكون من رقائق من الحديد المطاوع ( القابل للمغنطه المؤقته ) ....حيث يتم لف ملفات الملف الثانوى للبوبينا ذو المقطع الدقيق للغايه حول هذا القلب ....وتكون ملفات الملف الثانوى مصنوعه من النحاس المعزول بماده عازله مناسبه لتحمل درجات الحراره الناتجه من مرور التيار العالى فى الشده داخل ملفات الملف الثانوى
فوق الملف الثانوى يقع الملف الأبتدائى ذو عدد اللفات القليله ومقطع السلك الكبير
حيث يصنع من سلك نحاسى أيضا ذو قطر أو مقطع أكبر
يوجد بداخل بعض ملفات الأشعال (البوبينا ) زيت بهدف تبريد الكويل بسبب تأثير الحراره الغير مرغوب فيها على ملفات الكويل ....وذلك حيث أن مرور التيار يولد حراره غير مرغوبه ...تؤثر على العزل الكهربى للملفات

أذا الحراره مش كويسه على البوبينا ....علشان كده بنلاحظ أن أكتر حاجه بتؤثر على آداء البوبينا هى الحراره
علشان كده بنحط فوطه مبلوله على البوبينا .....علشان نعرف العيب منها ولا لا ....
لما بنلاقى صعوبه فى الدواره والمكنه ساخنه
لأن معروف أن السخونه بترفع مقاومة الموصلات أو الملفات بصفه خاصه....ممايعنى مقاومه أكبر لمرور التيار ( حسب قانون أوم الكهربى )



لما بيحط أرضى للبوبينا ....بيلغى مرور التيار الكهربى فى ملفات الملف الإبتدائى

ومن هنا

لاتتم عملية التحويل الكهربى بين الأبتدائى والثانوى

وطبعا لو كانت أطرافها الكهربيه متوصله ( القادم لها من البطاريه أو الكونتاكت )

فهنا الخطأ وممكن يقلل عمر البوبينا

__________________

لأنه بشكل عام ( حتى لو لغينا تفكيرنا )

أى شىء نغير من طبيعته

بيكون معرض للخطر

[maka]

موسوعة من يومك يا هندسة , ربنا يفتح عليك و يزيدك من علمه

لما بيحط أرضى للبوبينا ....بيلغى مرور التيار الكهربى فى ملفات الملف الإبتدائى ومن هنا لاتتم عملية التحويل الكهربى بين الأبتدائى والثانوى وطبعا لو كانت أطرافها الكهربيه متوصله ( القادم لها من البطاريه أو الكونتاكت ) فهنا الخطأ وممكن يقلل عمر البوبينا

قصد حضرتك هنا اننا بنكون عملين شورت على الملف الابتدائى اللى هيودى لمرور تيار كبير فيه و يسخنه

[كمال....]

انا مركبة من 3سنين وملوش اى اضرار