أصحاب المعارض بتشتم فى الm11

[ahmedramadanrashad]

ألف مبروك
وأهنيك علي أختيارك
ربنا يباركلك فيها ويديك خيرها ويكفيك شرها
M11معايا من مارس 2011 وبسم الله ماشاء الله
وعرفت قيمتها أكتر لما سافرت السعودية والعربيات هنا بقي مقولكش
كنت بافكر أبيع وعرضتها فعلا بس لما هنا ركبت كل العربيات اللي ممكن تتخيلها فعلا عرفت أنها عربية محترمة
أفضل من الفيرنا واللانوس واللوجان والأكسنت بلا جدال
حتي الفيرنا بتاعتنا اللي خربت الدنيا في مبيعاتها
هي أكسنت بس شكل قبل الحالي وبيتم تسويقها في مصر بأسم الفيرنا عشان يشغلو الشكل ده مع الاكسنت الجديد في نفس الوقت مع العلم انها مفيش منها جديد بره من 2009 تقريبا يعني عربية مشطبة تماما
المهم انت أخترت عربية محترمة حافظ عليها ومتخليش حد يقولك كنت جبت كذا ولا كذا صدقني العربية دي في الفئة السعرية دي أفضل 100 مرة من الأفيو اللي أغلي منها بـ 10 الاف
العربية تحس بيها أكتر علي طرق السفر ثابتة علي الأرض 180 و 190 مفيش أي مشكلة أستخدام بنزين أفتكر وصلت بيها في مرحلة بالقيادة الأقتصادية بدون حرق شوف الرقم ومتتخضش 6.7 لتر في 100 كيلو
والكماليات اللي فيها فعلا بتفرق وبتحسسك بالراحة والرفاهية
مش عايز أطول عليك بس أي أستفسار تحت أمرك
وألف مبرووك عليك

[katoba]

الف مبروك مقدما ياباشا وربنا يديك خيرها ويكفيك شرها , انا معايا من 2011 وماشاء الله عربية محترمة وصاجها متين وسيبك من الى يقولك بدوس بايدى تدخل لجوا والكلام دة لانه مش صحيح عن تجربة فى حادثين بعيد عنك وعن السامعين وبشهادة السمكرى الى اشتغل فيها وصدقنى مع احترامى للكل تتفوق على الافيو واللانوس والفيرنا الى مع اصحابى وقرايبي من حيث الثبات والصاج والاوبشن والوسع الداخلى كمان نسبيا وشياكة الصالون والاضاءة والفرامل وارتفاعها عن الارض

[Mr.Mohamed2020]

ربنا يباركلنا فيها جميعا
تسلموا يا جماعة لتعبكم معايا

[alkhawaga]

يا ترى استلمت العربيه ولا لسه؟

[Mr.Mohamed2020]

للمرة الثانية يخلفوا الميعاد معايا ومش استلم السيارة وبكل برود الرد " السيارة مش موجودة يا فندم " لما هى مش موجودة بتقولولنا هتنزل 1/3 ليه والا هو كلام وخلاص + ايه لازمة الاعلانات المستمرة على الصفحة على الفيس بوك وهى مش موجودة
حاجة تجيب الضغط
انا زهقت وبفكر اغير رأيى واشوف حاجة متوافرة