رد: عربيتى الكوردوبا .. حبيبتى .. تعديلى اناااااااا
شكرا ليكوا ولذوقكم .. اسف جدا على التاخير فى الرد . بس كان عندى ظروف فى الشغل ...
كل شغل التعديلات دة من تصميمى انا . انا اللى اشتريت الليدات من التوفيقيه وهيه رخيصه جدا .
بالنسبه لتعديل الفوانيس الاماميه . الفانوس بيتباع جاهز بيبقى فيه شريط ليد تلجى بعرض الفانوس كله وعدسه للواطى وهوة سعرة 1600 جنيه للطقم . انا فتحت وش الفانوس وذودت عليه رينج ابيض حولين العدسه وليد ابيض حولين النور العالى ...
بالنسبه لتعديل الاكصدام الامامى حطيت سلك نيكل نضيف مكان الشبكه والهوايه اللى تحت . و جيبت اتنين شبورة احمر وخليت بتاع الفايبر يقفل عليهم كويس و حطيت اتنين ليد بتاع المرسيدس فى وش الاكصدام ...
وذودت شنب فايبر يمين و شمال الاكصدام ..
بالنسبه للاكصدام الخلفى جيبت برضه اتنين شبورة احمر و خليت بتاع الفايبر فتحلهم مكان على مقاسهم بالظبط . وجيبت اتنين ليد ازرق وخليت بتاع الفايبر فتح على جوانب الاكصدام وركبتهم من ورا العجل و قفلت عليهم من ادام بالسلك .
و ركبت شنب فايبر بتاع ماذدا 3 يمين و شمال ...
دى تعديلاتى البسيطه وهيه مش غاليه خااااااااااالص . بس اهم حاجه نضافه شغل الفايبر و شغل دماغك انت و ذوقك ..
بالنسبه للتكلفه .. رينج الفانوس الامامى الاتنين ب 15 جنيه
ليد الفانوس الامامى ب 5 جنيه
فوانيس الشبورة امامى و خلفى . الواحد ب 10 جنيه
الليد الازرق على فى جنب الاكصدام ب 5 جنيه الواحد
واى استفسار انا تحت امركم جميعا .. كان الله فى عون العبد ما دام العبد فى عون اخيه ...
التعديل الأخير تم بواسطة ahmed_x545 ; 31-05-2013 الساعة 11:30 PM
|
31-05-2013, 11:22 PM
