|
|||||||
| رينو ميجان Mégane The Renault Mégane is a small family car produced by the French automaker Renault since 1995. It is offered in 3- and 5-door hatchback, saloon, coupé, convertible and estate bodystyles. The Renault Scénic (launched 1996) is the first modern compact MPV to be built in Europe |
 |
|
|
أدوات الموضوع |
|
#66
28-03-2010, 06:44 PM
|
|||
|
|||
رد: سؤال لملاك الميجان، ليه بتبيعوها برخص التراب
انا مقتنع 100 % بكلام الاخ بايو واحب انى اضيف انها مش بس الرينو ديه السيتروين والبيجو
يا جماعه والله العظيم العربيات الفرنساوى منتشرة فى فرنسا ومصر بس فى الخليج وباقى دول العالم محدش بيعبرها الا اللى الفاضى ومعاه فلوس لاكن كأداء والله العربيات الكورى فى الخليج مفضلة عنها انا بحس ان اللى بيشترى فرنساوى مبيلحقش يستمتع بالعربية من كتر ما حيوديها للتوكيل 
|
|
#68
16-04-2010, 02:29 PM
|
||||
|
||||
|
رد: سؤال لملاك الميجان، ليه بتبيعوها برخص التراب
السلام عليكم و رحمة الله و بركاته أنا كنت فعلا بشاور عقلى أشترى الرينو ميجان و كنت بدور على واحدة كسر زيرة نظيفة, بس بالشكل ده هفكر ألف مرة قبل ما أعدى جنب أى عربية رينو ميجان و على فكرة أنا افتكرت حاجة فعلا شوفتها من حوالى 4-5 سنين لما كنت مرة ماشى فى وسط البلد فى القاهرة و لقيت واحدة بنت راكبة عربية رينو ميجان و واقفة فى اشارة مرور, تقريبا كان فى طلعت حرب و لقيت الرفرف الأمامى شمال مشروخ نصين بالطول, فقلت فى عقل بالى , ايه الاهمال ده, ده الواحد لما رفرف العربية بيتخبط بيروح يسمكره و البنت دى رفرف عربيتها مشروخ بالطول نصين و هى ولا هى هنا و ماشية عادى, بس لما قربت من العربية و دققت, لقيت أن الرفرف مش صاج, لقيته فيبر , زى الاكصدامات بتاع العربيات الجديدة يعنى. فقلت , لا حول ولا قوة الا بالله أنا افتكرت الواقعة دى بس دلوقتى لما قريت الموضوع ده عن الرينو ميجان. ربنا ييسر لنا أمرنا , أنا شكلى كده هغير خططى و أفكر زى زماااااان فى الأوبل فكترا موديل 2003 - 1600 سى سى, لأن بشوف منها عربيات نظيفة ب 70 و ب 72 ألف جنيه. MERCEDES S430
__________________
MERCEDES E-class  بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
|
#70
04-05-2010, 04:30 AM
|
||||
|
||||
|
رد: سؤال لملاك الميجان، ليه بتبيعوها برخص التراب
انا للاسف لما قريت كلامكم هنا اخدت موقف من الميجان لكن كنت رايح اصلح عربيتى فى الحرفيين وفوجئت فى نفس الورشة العربية اللى قبلى ميجان
وسالته بسذاجة هيا دى عربية ميجان فقال ايوه فقلت طيب ودى بتتصلح هنا ازى مفروض دى تتصلح فى التوكيل بس محدش يعرف يظبطها غيره فبص لى بطريقة تقول انه حس انى جاى من كوكب تانى وقال مين قال الكلام ده قلت له سمعت مرضيتش اقول انى قريته هنا قال كله ياباشا بيتصلح وعلى فكرة العربية موديل 2007 تقريبا بعدها باسبوع المفتاح الاحتياطى بتاع عربيتى النيسان الصنى ضاع فروحت التوكيل اطلع واحد جديد وسمعت سعر من الغيظ نسيته بعد م خرجت من عندهم المهم روحت لواحد بتاع مفاتيح جنبنا فى الزيتون فعمل مفتاح للعربية وبضرب عينى وانا واقف ادام المحل لقيت الميجان فسالته العربية دى تبعكو فقال ايوه فسالت / عايزين تبيعوها فقال / ايوه فقلت بس دى فيها عيب خطير فقال ايه قلت له انها بتتصلح فى التوكيل بس فقال ياعم انا مش هبيعلك العربية دى بس لو عندك 20 عربية ميجان عطلانين اصلحهوملك بفضل الله عند واحد حبيبى و ثانيا انا اشترى منك اى عربية عايز تبيعها واعرقك فيها كمان (هيدينى عمولتى يعنى) قلتله كام قال 5 بواكى طيب ولو جبتلك عربية حالتها كويسه فقال لحد 2008 45 الف فحسبتها بسرعة وقلت ياولاد الحرامية بتستغلو اشاعة طلعت فى البلد والناس صدقتها علشان تبخسو تمن العربية يعنى هيدفع 45 الف ويدينى 5 ادى 50 الف وهيبيعها مش اقل من 60 او 70 يعنى المسالة اشاعة وطلعت و كلنا مشينا وراها من غير سؤال اهل الذكر اللى هما هنا اهل الخبرة انا حبيت انبه اصحاب الميجان اللى هنا لانى كان من الممكن استغلال الاشاعة واغرائهم ببيع سياراتهم طمعا فى مكسبى الشخصى لكن تذكرت قول الله تعالى /فأما الزبد فيذهب جفاء واما ماينفع الناس فيمكث فى الارض / لعل دعوة بظهر الغيب من اصحاب الميجان تكون سببا فى دخولى الجنة اللهم اجعل هذا العمل ابتغاء وجهك اللهم امين
|
|
| الكلمات الدليلية |
| رينو ميجان, ميجان |
|
|
