نصائح لمستخدمى البروتون ساجا الجدد والتجربه بعد 40الف كم

[sayed1977]

اللة ينور عليك ياابو صلاح
واعزرنى انا حاليا برة مصر علشان كدة مش عارف اكلمك
بس اول ما ارجع ارض الوطن حكلمك علشان استفسر منك على بعض الاشياء

[tifa_1979]

ان متفق انك لازم تقرا وكمان تعرض موضوع فى كل قسم علشان تعرف مميزات وعيوب كل عربية وتاخذ القرار بعد اقتناع ورائى كمان توسع دائرة الاختيار باكثر من عربيتن.

[hazem_khidr]

الف الف مبروك العربيه و ربنا يديك خيرها و يحميك من شرها
شكرا علي النصائح الهامه و التي تلزم اي مشتر لسياره جديده و ليس بروتون فقط.
لكن لي سؤال عن متوسط استهلاك الوقود كام؟؟

[احمد سعيد عفيفى]

جزاك الله خيراً على النصائح الغالية واسال مجرب ولى سؤال بخصوص استهلاك البنزين ، السيارة موديل كام ونوع المحرك وسعته ، والمسافة المقطوعة بالصفيحة أو لتر /100كم
ولك جزيل الشكر

[SALAHHAKIM]

السلام عليكم
الاستاذ حازم
الاستاذ احمد سعيد
شكرا لتشريفكم الموضوع
موديل السياره 2010 . سعه المحرك 1332 سم مكعب عزم 120 نيوتن على المتر وبقوه 70 ك وات
تجميع من 0 الى 100 كم ساعه فى 12 ثانيه
المسافه المقطوعه بالصفيحه ؟
انا نفسى مش عارف حاجه غريبه جدا شويه العربيه موفره فى الاستهلاك وشويه انت راكب جييب .
انما على العموم بروتون ساجا عربيه 1300 بس انت حاسس انها 1600 مشاء الله
والاستهلاك بردو عربيه 1600 مش 1300 خالص
ارقام فعليه 7 لتر لكل 100 كم بسرعه 90 مع عدم تحميل السياره وتشغيل التكيف
انما العربيه فى الزحمه والتكييف والركاب توصل ل10 لتر
اما الاهم من كل ده ان التانك 35 +5 لتر ده بيضاعف الاحساس بدخولك محطه البنزين كتير
بس . لو اعتبر ان ده عيب فى السجا فى حاجات تانيه بتعوض ده . امان = اير باج + شاسيه75%من الفولاذ تقفيل فى منتهى الامتياز دعمات اسفل التابلوه وفى الابواب وفى الشنطه - ثبات =باور خفييف فى الثبات تقيل جدا جدا فى السرعه (ميزه غير عاديه ) جنوط سبور 14 كاويتش جود يير 185 -رافاهيه = تكييف بارد ساخن + راديو سى دى كلاريون مخرج كهرباء 12فولت حامل اكواب للخمس ركاب
فوج لايت امامى وخلفى سينسور بارك سنتر 2زجاج كهرباء تعديل ارتفاع المقعد والمقود اتنين مفتاح ريموت انذار +ايموبلايزر لاستحاله سرقه السياره من الداخل والخارج الابالمفتاح الاصلى
اتساع غير عادى فى السياره من الداخال ( قعده مريحه جدا جدا لكل الركاب ) مرتفعه عن الارض ( مطبات مصر مش حتوصل لها ) الفرش الداخلى فوق الممتاز خامات جيده جدا التابلوه شبه تابلوه برغم انى شيفه من خامه بلاستيك اى كلام انما احسن من عربيات اغلى منها بكتييير
العربيه من الاخر اعجاز وتخليك تفكر معموله ازاى كده مثال الموتور كبير فى الحوض والتابلوه حجمه كبير جدا والشنطه واسعه ؟ الاتساع الداخلى ده جه ازاى ازاى ؟ عموما
متصدقش كلامى صدق عينيك روح معرض اركب لانوس او فيرنا واركب ساجا وانت تصدق
مع احترامى الشديد لموتور الفيرنا عشان كانت معيا بس السجا اطول من الفيرنا ب2سم انما حاول انت تقارن فى الاتساع الدخلى ...............
بعد كل ده بكام 65 الف وحتى بعد الزياده حتبقى ب70 الف
والاهم عربيه بتطلع من اى عربيه 1600 فى السرعه فى منتهى السهوله عدى الفيرنا بالعافيه
(فعلا بطلع من الفيرنا بالعافيه ) بس بطلع يعنى بعد كل ده تلاى العربيه سحراك وتخليك تقول فيها شعر وكل حاجه .....................
انا عاشق العربيه دى ويارب كل المصانع فى مصر والعالم تقتضى ببروتون ولاد 25 سنه خبره بس واسف للاطاله .....(بسم الله ماشاء الله ولا حول ولاقوة الا بالله )