تعديلات فيات (موضوع متجدد ) 132&131

[أيمن الروبي]

المشاركة الأصلية كتبت بواسطة محمدصلاح القاضى الله يخليك يا ايمن وربنا يجمعنا على خير تانى وياريت تجربها وتقولى ايه النتيجه ومش بس انت لوحدك ياريت اللى عنده ماتور 2 كامه يجربها ومش هيخسر حاجه هو مشوار واحد وهيحس بالفرق ع طول وانا معاكم وفى انتظار اى استفسار وايه رأيكم النهارده بقى عربيتى ضربت ساعة حراره المروحه ومش متشتغلش لا اول اشوفها تفضل شغاله طوالى ودا لاحظته وانا لسه بسخنها الصبح مفيش 10 دقايق ولقيت المروحه اشتغلت انا طبعا عارف عربيتى جداااااا فتحت الريداتير المياه لسه بارده فهمت ان الساعه اللى ضربت فصلت سلكها من تحت والمروحه فصلت وتخيلوا بقى انى امشى مشوار فى عز الحر الساعه 12 الظهر وامبير الحراره معداش ال70 كله دا بسبب الكاوتشه دى والعربيه كانت ماشيه مش افل من 2 ساعتين مشى والله لو جربتوها هتريحوا بالكم من الحراره خالص وانا كنت ناوى اعملها لايمن يوم ما كنت معاهم لكن انشغلنا فى عربيه احمد صادق ونسيت عربيه ايمن خالص لكن متعوضه يا ايمن ان شاء الله واقدر اخدمك فى حاجه

شكرا يا محمد ان شاء الله اعملها السبت واقولك النتيجه وعلي فكره انا جبت غطا ردياتير جديد قصير هشوف نتيجته ايه واقولك انت الترموستات اللي في الردياتير من تحت باظت عندك

[محمدصلاح القاضى]

المشاركة الأصلية كتبت بواسطة michohat هيا الصور دي من عربيتك؟ لاني عاوز استفسر عن شئ في اول صورة وهو حاجه ظاهره علي اليمين زي فلتر التكييف كده هل عربيتك مكيفه؟ ولا دي من تجهيزات الغاز مثلاً لاني ان شاء الله عاوز اكيف العربية

ايوه عربيتى مكيفه ودا فعلا جزء خاص بدورة التكييف
وبتركب فيه ساعة الفريون زى ما واضح فى الصوره ومن العين الزجاجيه اللى فوق تقدر تقيس كمية الغاز اللى فى الدوره

[محمدصلاح القاضى]

المشاركة الأصلية كتبت بواسطة aimooo شكرا يا محمد ان شاء الله اعملها السبت واقولك النتيجه وعلي فكره انا جبت غطا ردياتير جديد قصير هشوف نتيجته ايه واقولك انت الترموستات اللي في الردياتير من تحت باظت عندك

ازيكم يا جماعه ؟؟؟:BUTTER~18 3:

معلش يا ايمن اتأخرت عليك فى موضوع الغطا لكن كان بسبب انى كنت تعبان وضهرى كان متبهدل تانى
لكن النهارده قومت الصبح بدرى عشان اعمل لك المطلوب وكمان غيرت ساعه الرداتير بس جبتها اصليه من عند الرجال اللى قولتك عليه دا وصورتها هتلاقيها ضمن الصور

ودى صور غطيان الريداتير من اول ما جبت العربيه لحد دلوقتى

واكتشفت ان العربيه دا غطاها الفبريكه زوره 1.0 مش 0.9 زى اللى مركبه

ودا صورة غطا الفريقه بتاع العربيه وكان صنع ايطالى





ولكن باظ من فوق وجبت واحد اخوه بالظبط بس اسبانى ولكن بعد اسبوع بدأ ينقط من فوق ولحمته تانى لكن اللحام فك ودى صورته





ودا الاتنين جنب بعض






وبعدين اشتريت التركى الزباله الاسود دا والحمد لله طلع بايظ فى وقتها ولحمته برضه من فوق لكن لاحظت بعد فتره انه ساعات بيفضى الريداتير فى القربه او الريداتير ينقص والقربه زى ماهى فعرفت ان زوره مش مظبوط وكان 1.0 لكن مش عارف ليه كان مبوظ الدنيا






ودا زور الريداتير عشان تقارنه باللى عندك يا ايمن



واشتريت دا هو تيلاندى بس بسم الله ما شاء شغال تمام وزوه 0.9 وشغال كويس ودى صورته وانا حاليا بزود القربه كل تلات ايام ربع لتر مايه لكن الريداتير ع طول مليان
ودى صورته








ونزلت النهارده طنطا قبل الجمعه ورحت لراجل بتاع قطع الغيار واشتريت ساعه ايطالى بس شكلها بيقول انها محترمه من شكلها والكرتونه

ودا شكلها وتمنها 25 جنيه والحمد لله شغاله تمام وجبتها 87/92 يعنى تشتغل عند 92 وتفصل عند 87







وتحت امركم فى اى استفسار
وربنا يديم الموده والمحبه بينا ويجعل حبنا فى الله ولله
والسلام عليكم ورحمة الله وبركاته

[michohat]

المشاركة الأصلية كتبت بواسطة محمدصلاح القاضى ايوه عربيتى مكيفه ودا فعلا جزء خاص بدورة التكييف وبتركب فيه ساعة الفريون زى ما واضح فى الصوره ومن العين الزجاجيه اللى فوق تقدر تقيس كمية الغاز اللى فى الدوره

هل التكييف الاصلي ولا نوع تاني
والكفاءة بتاعته ايه لو هو الاصلي بتاع العربية

[محمدصلاح القاضى]

المشاركة الأصلية كتبت بواسطة michohat هل التكييف الاصلي ولا نوع تاني والكفاءة بتاعته ايه لو هو الاصلي بتاع العربية

فعلا الاصلى بتاع العربيه لكن الكمبورسر هو اللى اتغير بس

وعلى فكرا انا غيرت الكمبورسر بسبب غباء واحد صنايعى لكن قسما بالله الكمبورسر الاصلى كان بيخلى العربيه تلاجه بمعنى الكلمه كنت تحس انك راكب عربيه جديده والله
والكمبورسر اللى تم تغييره كان بينزل فى تلات عربيات هما

الفولفو والمرسيدس المكنه البيضا وال فيات 132 ال 2000 سى سى