استشارة عاجلة افيدوني بالله عليكم في سيارة 132

[fine_design]

السلام عليكم و رحمة ا لله و بركاته ،

اخواني الكرام ، دي تعتبر اول مشاركة ليا في الموقع هنا ، و عندي استشارة مهمة قوي في سيارة 132 ،،
الموضوع باختصار اني حاخد من شخص عزيز عليا عربية 132 تعتبر تخليص حق يعني ، بس العربية دي اولا بايشة بمعنى الكلمة من البارومة ، و حالتها كرب كرب كرب ، و الموتور عايز عامرة او عايز موتور استيراد بالفتيس ، السيارة 132 موديل 74 1600 سي سي ، المهم محتااجة اصلاحات كتيييييييييييييير قوي و تقريبا كل حاجة فيها حتتغير من كاربراتير لتانك البنزين ، كله كله للرفارف للكبوت للعفشة ، يعني انا حاطتلها حوالي 12 الف جنيه تصليح و كدة ، بين سمكرة و دوكو و تظبيط ميكانيكا و كدة و غيره .
المهم بقى ، هل بعد ما اعمل فيها تغيير كل ده و بعد تظبيتها لان حالتها سيئة فوق الوصف ، هل حتكون كويسة و لا لا ؟ و هل الفلوس الي هحطها فيها دي حرام اني احطها فيها و احسنلي احطها في عربية تانية حالتها افضل و تكون محتاجة شوية تظبيطات و للعلم انا امكانياتي المادية مش عالية قوي ؟ افيدوووووووووني بالله عليكم

[knight_night]

والله يا باشا يبقى حرام عليك دا على حسب كلامك ما فيش حاجه فى العربية سليمة يعنى انت هتشترى صاج
تفتكر انت بعد ما تظبطها وتعمل فيها كل اللازم دا هتجيبلك سعر كويس يوم ما هتجيب هتجيب 16 الف والله اعلم ايه اللى ممكن يظهر تانى فى العربية لما تيجى تجددها وتعملها الصيانات المطلوبة فكر كويس الاول واعمل صلاة استخارة وان شاء الله ربنا يقدملك اللى فيه الخير

[احمد على 1999]

انا رأيي كده برضه
يعني خليه هو يبعها و يديك الفلوس افيدلك

[fine_design]

اولا يا جماعة ربنا يباركلكم على سرعة الرد ، بس فيه نقطة ، هل العربية بعد ما اجددها حتبقى كويسة ، و لا مش حتبقى كويسة ؟

[احمد على 1999]

طالما في شاسيه سليييييم الباقي مقدور عليه بالفلوس و تبقي رائعة بس ادفع و متبعيش بعد التجديد عشان خسارة