مشكلة نور السيراتو 2010 ونور التابلوه

[د/أحمد عصام]

السلام عليكم اولا
عندي مشكلة في الكيا سيراتو 2010 عاملة 32000 كيلو عندي نور العربية بيرعش لما اقف بالعربية ولما بدوس على الرعاش بتاع العالي بتروح الرعشة لفترة قصيرة وترجع الرعشة تاني وبلاقي نور التابلوة بيرعش معاها بس العربية مبيحصلش فيها حاجة هو النور بيرعش بس ولما بدوس بنزين بتروح الرعشة ايضا واول ما اقف ترجع تاني ممكن اعرف اية المشكلة واية الحل

[محمد فيصل]

عليك وعلى مركز الصيانة للكشف فى التوكيل السيارة لا تزال فى الضمان
سيارتك لا تزال جديدة
لا داعى من عبث الصانعية واهل الفتوى
ان شاء الله بسيطة

[ls1090]

المشاركة الأصلية كتبت بواسطة د/أحمد عصام السلام عليكم اولا عندي مشكلة في الكيا سيراتو 2010 عاملة 32000 كيلو عندي نور العربية بيرعش لما اقف بالعربية ولما بدوس على الرعاش بتاع العالي بتروح الرعشة لفترة قصيرة وترجع الرعشة تاني وبلاقي نور التابلوة بيرعش معاها بس العربية مبيحصلش فيها حاجة هو النور بيرعش بس ولما بدوس بنزين بتروح الرعشة ايضا واول ما اقف ترجع تاني ممكن اعرف اية المشكلة واية الحل

فى المشكلة فى الكهرباء يعنى البطارية او فى شحن الدينامو وفى الغالب فى الدينامو لانك بتقول لما بتزود ينزين والمشكلة مش كتاوت لان نور التابلون بيتاثر
النصحية لو العربية وكيل هتروح التوكيل لان الضمان بيغطى البطارية 40الف
والدينامو ولو خليجى هتشوف مركز خدمة كويس والعربية تتصلح قدام عينك والتكلفة عليك

[د/أحمد عصام]

شكرا على الردود لو حد عندة اقتراحات تانية ياريت يعرفنا بيها
للرفع up

[alaadeen55]

السلام عليكم
انا عندى نفس المشكلة بس النور بتاع التابلوة ونور الفوانيس كلة بيرعش بدوس بنزين او مش بدوسالعربية واقفة او ماشية مع العلم ان العربية عاملة 20 الف كم بس وهى خليجى فرحت اسال كهربائى قال لى غغير البطارية فغيرتها وجبت واحدة جديدة امبارح وبردو الرعشة موجودة انا خايف الرعشة دى تبوظ حاجات فى العربية ارجو الافادة
شكرا