إضاءة دايو ماتيز؟

[Beautiful mind]

الدايو ماتيز بتاعتي الإضاءة بتاعتها ضعبفة جداً وأنا ماشي علي الأستراد الدنيا ببقي ضلمة وانا نشغل العالي مابشوفش قدامي اتنين متر ... يا تري ايه الحل؟
مع العلم إن المقابلين بيقلولي طفي النور ... بستغرب جداً إذا كان انا مش شايفه

[ahmedsherif1990]

يبقى النور مش كاشف الطريق قدامك و طالع فوق او واخد زاوية يمين او شمال كل اللى هتحتاجه توجه النور بتاعك ع الطريق بس روح لاى كهربائى باليل احسن عشان تبقى الرؤية اوضح

[pharma]

دى مشكلة عموما فى اضاءة الماتيز .أنا كان عندي كدة غيرت نوع اللمبة العالية ونزلتها لتحت وبقت احسن شوية.

[elmo7areb]

الموضوع دة اسمه رجلاش النور قبل ما تشتري لمبه جديدة عاوزك تعمل التالى

خد العربية فى حته ضلمه مقابل جدار وقيس من الجدار حوالى 7 متر وشغل النور الواطي وشوف النور واصل لغاية فين يعنى المفروض يكون بمحاذاة الفانوس بالضبط او ان ارتفاع الفانوس عن الارض بيساوي الى على الجدار وتاخد معاك مفتاح رقم 8 وتفتح الكبوت هتلاقى فى مسمار 8 فى ظهر الكشاف ابدا لف فية لتحت لغاية ما تلاقى على الجدار النور بينزل تحت شوية بشوية واطلع جرب وشوف الاخبار ولو محتاج ترجلش تاني عادي

انا لسة عامل الموضوع دة من ساعتين بدون كهربائي

[hamaad]

ممكن النور يكون ضعيف لانه الفانوس يكون متسخا جدا وبيكون موجه لناخية اخرى غير الطريق وحاجة تانية وممكن لو حضرتك عاوز تزود الاضاءاة ركب نور شبورة وحيبقى فيه اختلاف كبير وحاجة تالتة غير لمض بتاعة الكشاف الرئيسى