ممكن أعرف الفرق بين الدايو اللانوس والنوبيرا ؟

[tktktk]

المشاركة الأصلية كتبت بواسطة Injection والله اللى يريح حضرتك, اللانسر عربية جميلة وبتستحمل كفاية أنها يابانى وثابتة وأعطالها قليلة بس قطع غيارها أغلى من اللانوس وثمنها مستعمل غالى قوى. اللانوس الجديدة كماليتها حلوة وهتعيش معاك بأذن الله, ولما بتفتح بقها بعد عمر طويل يدوبك 100 أو 200 جنيه يقفلوه , وأحسن حاجة فيها أنها منتشرة والناس والميكانيكية حافظنها وقطع غيارها رخيصة ومتوافرة, حضرتك هتجيب لانوس جديدة من التوكيل ب 10000 جنيه أقل من لانسر مستعمل, وكده بصراحة المقارنة بتميل ناحية اللانوس. بس دى عربية حضرتك, شوف أنهى واحدة فى الأثنين أنت مستريحلها وتوكل على الله.

تسلم على ردك الشامل

انا بس خايف من الدايو اللانوس من ناحيه السفر وكده - وانا اخرى كسفر القاهره - أسكندريه

فمش عارف ان كانت هتتعب من مسافه زى دى ومش هعرف ادوس بنزين اوى

عشان عدم الثبات اللى بسمعوه ولالا

[Injection]

مفيش حاجة أسمها عربية تتعب, واللانوس فعلا مش ثابتة على سرعات عالية, بس اللانسر تعتبر زيها تماما من ناحية الموضوع ده وخاصة أن الانسر دفع أمامى زى اللانوس وهما الأثنين يعتبروا فى فئة واحدة لو شلنا فرق السعر.
وعدم الثبات حله جنوط أعرض من الأصلى وتبقى المشكلة خلصت بالنسبة لمعظم العربيات (جنوط العربيات الجديدة رفيع بغباء علشان يزود الراحة من المطبات وخلافه).
و الموضوع زى ماكنا بناخد فى الأقتصاد موضوع تضحية, كل عربية ليها مميزاتها وعيوبها, المهم الشارى عايز من العربية أيه ومستعد يضحى بأيه فى سبيل ده.
شوف حضرتك التقارير اللى فى المنتدى عن اللانسر واللانوس وشوف أنهى واحدة مناسبة لحضرتك ومتستعجلش وخد وقتك علشان الأستعجال وحش ودور بتأنى.
وربنا يوفقك للعربية المناسبة.

[medo162]

ايه رأيكم فى الدايو الانوس موديل 96 بس خليجى هل فعلا عفشتها عفشة نوبيرا ولا نفس عفشه الانوس ولو كانت فعلا عفشه النوبيرا فى الانوس ده يكون كويس ولا لأ وايه رأيكم فى هذا الموديل عموما

[hosar]

بصراحة مفيش مجال للمقارنة بين اللنوس و النوبيرا محسوبة للنوبيرا على طول و بتعص شديد انا درس الاتنين قبل ما اشتريها و بصراحة فرق السما من العما

[foolh_old_man2010]

ارشح لك اللانوس لأن انا معى التاكسى الابيض وقطع الغيار ارخص مثل الفيات