حد يقولي اعمل ايه؟؟بجد محتار وخايف

[luckyman]

المشاركة الأصلية كتبت بواسطة ah_boba_ly زي ايه مثلا احب اعرف رايكوو؟؟حاجه تحير بجد مع اني عارف اني مهما قعدت افكر واقارن وادور هجيب عربيه وبعدين اندم واقول التانيه كانت احسن وهكذا......(هيا الدنيا كدا)ptmnlo123per144

لا طبعا لو تندم يبقى اكبر غلط لانك تندم على قرار خطأ اتخذتة انما قرار استبعاد الليون هو قرار صحيح وجيد وانت بهذا لا تهدر اموالك وهذا ليس لعيب فى السيارة او مأخذ عليها انما السيارة نادرة ان لم تكن معدومة وبالتالى كل هذا يؤثر على اسثمارك قطع غيار باهظة محدش عارف يصون او يصلح لابسط الاشياء محدش بيشتغل فيها او ممكن يتعلم عليها ولو لقيت اساسا قطع الغيار تكون مرتفعة بشكل غير مبرر ولما الشكل يستبدل بالجيل الاحدث فى اغلب الاحوال التوكيل يتخلص من القطع القديمة كاستوك فى المخازن والوكيل يقع علية عاتق كبير حيث انة لم يحقق اى نتائج تذكر وصالات عرض محدودة ان لم تكن محصورة فى صالة او اتنين الخ
قراراك صائب لا يمكن ان تندم علية لو قررت انك تقتنى مثل الليون يبقى قرار توريط الذات
اذهب الى مكان اخر او اقلب صفحة الليون من حساباتك وشكرا لك
طبعا اقرب شىء لليون ممكن تكون السكودا وان كانت الليون اكثر شبابية وشكرا

[mohamed ibiza]

الليون كسيارة ممتازة الي ابعد الحدود

اعادة البيع في اي عربية بتخسر اكيد لانك عمرك ما هتاخد نفس اللي دفعته فيها

لكن في الليون اعادة البيع مش ضايعه بس هي اقل من مثيلاتها ليس لعيب فيها بس لان العربية هاتش باك و انت عارف مفهوم الهاتش باك عند الشعب المصري انه عربية ضيقه بالرغم من انها واسعه ! لانها مبنية علي نفس قاعدة عجلات الجيتا و الاوكتافيا

يعني لو جبت الليون و استعملتها مثلا سنة و حبيت تبيعها هتتباع في رينج 110-120 الف لو حالتها كويسه و مفيش حوادث ولا الكلام ده

بالنسبة لقطع الغيار

اولا قطع غيار الليون بالكامل متوافره في التوكيل كل حاجتها عندهم و علي فكرة لو قارنت اسعار قطع غيارها باسعار قطع غيار السيفيك و الكورولا اللي هما ياباني مش الماني و الليون فيها حاجات اكتر منهم و غير كده عربية سبور هتلاقي حاجات في السيفيك و الكورولا تفوق اسعار الليون

خدمة التوكيل في الصيانة و الاصلاح ممتازة بس ساعات في جداول الصيانات بتاعتهم بيغيروا طنابير و حاجات بتبقي معداش عليها او وقت و مازالت بحالة الفابريقه و ده انا مش بأيده و طبعا انت لو مش عايز تغيرهم تقولهم ميتغيروش لان حاجة الفابريقة متتعوضش

غير كده متنساش ان دلوقتي فيه ليون بفتيس dsg و الفتيس ده مش موجود في اي عربية غير في فولكس و سيات داخل مصر و الفتيس ده بيعمل علي زيادة التسارع جدا و التقليل من استهلاك البنزين

غير انها بتنزل بالفتيس ده فا هي بتنزل باوبشنز ممتازة زي الجنوط 16 سبور سيات اوريجينال و فتحة السقف و المساعد الالكتروني و البلو توث و حساسات الضوء و المطر و المساحات المختفيه في القوائم و التكييف التاتش و غيره و غيره

عشان تجيب جولف فيها الحاجات دي كلها شوف هتجيبها بكام

معلومة اخيرة

قطع الميكانيكا (ليون-جولف-اوكتافيا-جيتا) مشتركة مع بعضها في حاجات كتير و العربيات دي حاجتها موجوده برا عادي اللي ممكن يبقي صعب تلاقيه في الليون برا هو الفوانيس لكن هما موجودين عادي في التوكيل و لو دورت برا شوية هتجبهم و التوكيل مش بيتخلص من قطع غيار الموديل القديم انا عربيتي ابيزا موديل 94 و مازالت قطع غيارها متوافره بالتوكيل و انا سألت علي كذا حاجة بنفسي و لقتها عندهم !!


الدفعات اللي نزلت من الليون الموديل بتاع 2009 خلصت قبل ما الموديل الحالي اللي هو فيس ليفت لموديل 2009 لكن بفتيس مختلف و تصميم فيه اختلاف بسيط اوي خلصت قبل ما 2010 تنزل بكتير و 2010 نفسها اتحجز منها كتير و اتسلمت و شفت منها كتير في الشوارع و عشان حته عدم الانتشار الجبار .. سيات و فولكس .. مش اي حد بيشتريهم اللي بيحبهم و غاويهم هو اللي بيشتريهم لذلك عمرك ما هتلاقي الليون تنتشر زي اللانسر مثلا او الهيونداي لان هي عربية فعلا ليها طعم خاص و مش اي حد بيقدره

لو مكانك مش هتردد اني اجيبها و مش هتندم انك جبتها

[ah_boba_ly]

شكرا لردك الجميل والمطول..انا فعلا حابب شكلها اوي اوي وهروح اشوفها بكره على الطبيعه لانها مش كانت موجوده عند الوكيل وجت امبارح...بس سؤال كمان معلش هوا شكلها دا هيتغير امتى؟؟وموديل 2011 بينزل امتى؟؟


وشكرااااااااااااااااااااا ااااا

[mohamed ibiza]

حتي الان مفيش اخبار عن موديل جديد و الفيس ليفت اللي نزل من كام شهر و بالمحركات الجديدة لازم هياخد وقت شوية مش هينزلوا بعده موديل جديد علي طول

[mohamednageh]

الناس بتريح دماغها وبتدور علي السهل نفس فكرة الموبيلات اكتر حاجة نوكيا