أنا عايز نصايح كتيرة PLZ

[Dr. Bolbolan]

المشاركة الأصلية كتبت بواسطة احمد على 1999 ان عن نفسى بعد ما بيخلص غسيل الشاسيه فى الاخر بالميه بادخل انا و معايا WD40 و برشة على الجلب و المناطق الى انا حاسس انها ممكن تصدى ( خدوش ، مناطق لحامات ، مناطق مزنوقة ) لان ال WD40 بيطرد الميه برضه و كمان مزيت للجلب بس للتسهيل رش الجاز ان شاء الله مش هيعمل مشاكل و ان امكن قبل غسيل الشاسيه الانتظار حتى يبرد الشاكمان و الفرامل قليلا لاطالة عمرهم

كلام جميل ! بس خللى بالك ال WD40 لو جه فى عينك .....مش كويس ! ابقى البس نظارة سيفتى !

كمان هو سريع الاشتعال جدآ فلا تقترب من أى مصدر حرارى عالى مباشرة بعد الاستعمال !

Dr. Bolbolan ptmnlo123per1147

[احمد على 1999]

المشاركة الأصلية كتبت بواسطة Dr. Bolbolan كلام جميل ! بس خللى بالك ال WD40 لو جه فى عينك .....مش كويس ! ابقى البس نظارة سيفتى ! كمان هو سريع الاشتعال جدآ فلا تقترب من أى مصدر حرارى عالى مباشرة بعد الاستعمال ! Dr. Bolbolan ptmnlo123per1147

شكرا على المعلومة المفيدة انا مكنتش عارف انه سريع الاشتعال

[احمد على 1999]

برضه عايز اضيف للنصايح
عند الادارة دوس على الدبرياج علشان تخف الحمل شوية من على المارش و البطارية فتطول عمرهم
التكييف
1- لا تشغل التكييف و العربية لسة مسخنتش علشان ما يبقاش حمل على الماتور و هو لسة بارد
2- امشى بيها شوية و بعدين شغله
3- شغلة او افصله فى اى لحظة يكون فيها ال rpm قليل ( و انت واقف ، و انت مهدى علشان مطب ، فى بداية اى نقلة ) يعنى متكنش قارص على الماتور ( حارق على النقلة و تشغله او تفصله ) لان كده بيحصل تعشييق او فصل فجائى للكمبرسور و ياثر عليه مع الزمن
4- مع العلم ان اللانوس لو انت مشغل التكييف و انت ماشى و حرقت جامد على النقلة ( دست بنزين على الاخر ) كمبيوتر العربيه حيستجيب للطلب المفاجىء للقدرة و حيفصل التكييف لغاية ما تشيل رجلك شوية من على البنزين حيشغله تانى اوتوماتيك و دى ميزة جبارة
5- تقريبا حد قلك قبل كده ان انت لازم فى الشتاء على الاقل تشغله 10 دقائق ( متفرقه او على بعض ) مره كل عشرة ايام علشان تحافظ على الكمبرسور
6- فى وضعين لدورة هواء التابلوه وضع يجيب هواء من بره و وضع يقلب الهواء الى جوه بس الوضع الثانى يبرد اقوى بس ممكن لو الرطوبة عالية يشبر الزجاج فبقى انقل على الوضع الخارجى
7- لكن دائما لما تركن السيارة بالذات لو حيجى عليها شمس لازم تحط وضع الهواية على الوضع الهواء الخارجى علشان تقدى فرصة للهواء انه يتمدد ( حصلت فى عربيات لما يسيبوه على وضع التقليب الداخلى و العربية مركونه فى الشمس الزجاج يطق بسرطان او ينطر البرابريز من مكانه لان ضغط الهواء بيزيد و مش لاقى مكان يتمدد فيه فيكسر اضعف حاجه )

[Dr. Bolbolan]

حاج أحمد ! نصائحك ممتازه وتصلح لآى سياره مش اللانوس فقط !

طبعآ أنا والحمدلله عارفها كلها عن تجربه وليس عن دراسه ! بس سعيد ان فيه حد بيجمع

المعلومات دى و يعطيها فى برشامه لصديق ليستفيد منها !

بس أضيف معلومه صغيره ان عند الوقوف فى الاشارات لمده طويله ! يا تحط الفتيس على الوضع

المور ( بيريح الموتور و يقلل استهلاك البنزين ) يا تطفى المكنه اذا كان ممكن تدويرها تانى بسهوله !

كمان لو واقف فى مطلع أو منزل بدون تدوير ! لا تكتفى بترك السياره معشقه ولكن استعمل فرامل اليد

لكى تحافظ على الفتيس !

Dr. Bolbolan

[sasa_eng]

جزاكم الله كل خير نصائح جميلة جداً