|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#1
|
||||
|
||||
صيانة ال5000 فى العامريه وياريت كل ملاك العربيه يدخلوا للاهميه القصوى
السلام عليكم
الحمد لله عملت صيانة ال 5000 انهارده فى العامريه رغم ان سموحه اقرب بس روحت العامريه علشان اسمع انه افضل المهم دخلت التوكيل والناس كلها محترمه بصراحه وجاتلى واحده موزه وسالتنى عن تاريخ استلام العربيه وهل توجد ملاحظات على العربيه وابلغتها الاتى سخونة الدواسات حدفه يمين تعلية الدبرياج رجلاش الفرامل ضبط رشاشات المياه صوت صفارة هواء بعد سرعة 80 زنة فى الدواسه البنزين وبعدين اعدت تلف حوالين العربيه وتفحصها وفتحت الشنطه ولافيت جركن ميه خضراء حطه فيها ولاقيتها بصتلى باستغراب وشخطت فيا وشدتنى شده جامده جدا وقالتلى انت بتحط ميه خضراء فى العربيه اولتيلها ايوه قلاتلى غلط انا اولت بس انا عملت مصيبه سوده وقالتلى دية بيتحطلها ميه حمراء ائولها ياشيخه دية خضراء تقولى لا حمراء .. خضراء تقولى حمراء لدرجة مابقيتشى عارف ايه هى الحمرا اللى بتتكلم عليها اساسا من اللغبطه المهم قالتلى متعملش حاجه تانيه من نفسك احنا هنا بنظبط سوايل العربيه كلها وطالما مفيش حاجه نزلت عن الmin متعملشى حاجه من عندك ولو عاوز تغسل الماتور حتدفع 30 جنيه بس والصيانه كلها مجانيه قولتلها سمعا و طاعه لانها بصراحه لازم يتسمع كلامها بدون مناقشه وخدوا العربيه خبوها جوه وطلعوها بعد حوالى 3 ساعات ونص وكان شكلها خاسس بصراحه من اللى اتعمل فيها وقالولى كل اللى طلبته اتعمل ماعد صوت الهواء لان السمكرى موجود من الاحد للاربع وزنة الدواسه دية طبيعى فيها ومطلوب 120 جنيه طيب ليه ياجماعه يقولى علشان ظبط الزوايا طيب هو ظبط الزوايا مش تبع الصيانه قالى لا طبعا وللاسف لو كنت عملته بره كان كبيره 30 جنيه [OVERLINE]المهم بقه واللى غاظنى ونرفزنى[/OVERLINE] انى قولت اسال على بعض اسعار قطع الغيار و وللاسف الورقه مش معايا دلؤتى ولكن فى العربيه وكانت كالاتى على حسب ما افتكرت فانوس امامى 630 كبوت 1300 باب 1400 اكصدام امامى 850 اكصدام خلفى 650 طقم كاتينه 480 طقم سيور 140 فلتر زيت 45 فلتر هواء 75 بوجيهات 130 رفرف 520 تيل 270 مساعد 330 طنابير 300 وكده ياجماعه الفانوس مثلا زاد من 450 الى 650 يعنى حوالى 50 % زياده طيب يجى ازاي الكلام ده وايضا باقى الاسعار زادت جامد مش المفروض ان كل ما العربيه تنتشر وتقدم اسعارها تقل مش تزيد انا فاكر لما كنت بشتريها الاسعار كانت اقل من كده كتير وكمان قولت ان شاء الله ترخص مع الوقت مش تزيد لازم ناخد موقف ايجابى واحد الاعضاء من اللى بيكون بيعرف يكتب خطابات كويسه يكتبلنا صيغه موحده ونبعت شكوى للتوكيل ونفهمهم ان غلو قطع الغيار بيطفش الناس من العربيه ولو لقوا حوالى 300 او 400 ايميل وصلهم اكيد حيبدؤا يغير تفكيرهم شويه لان فعلا فىناس كان نفسها فى العربيه وخافت منها بسبب قطع الغيار واخيرا بصراحه العربيه اتحسنت جدا لما خدتها منهم والفرامل تعتبر الان احسن فرامل عربيه ركبتها فى حياتى وعلى الشعره فعلا وعملوا كل المطلوب بمنتهى الذوق والادب بس لازم يكون لينا وقفه بجد فى موضوع قطع الغيار ياما ناخد العربيات ونعمل اعتصام عندهم ونسد الباب بتاعهم ومنخليش حد يدخل عندهم خالص |
#2
|
||||
|
||||
رد: صيانة ال5000 فى العامريه وياريت كل ملاك العربيه يدخلوا للاهميه القصوى
انت عامل مشاكل لية يا مصطفي وايه موضوع الموزه دي - عموما انا بروح سموحة وكنت من اوائل الناس اللي عملو فية صيانة وعلي فكره هما نفس الناس اللي كانت شغالة في العامرية بس نقلو منهم شويه سموحة بس للاسف معندهمش تظبيط زوايا المهم الموزة عندها حق لانهم في كل صيانة بيكشفوا عن كل حاجة في العربية من سوائل لانوار وكل الوصلات الكهربائية فياريت منعكش احنا في العربية علي كفنا مدام كل حاجة بينكشف عليها
__________________
فى كل شارع فى بلادى صوت الحريه بينادى Ashraf Kerima
|
#3
|
||||
|
||||
رد: صيانة ال5000 فى العامريه وياريت كل ملاك العربيه يدخلوا للاهميه القصوى
والله ياباشا موضوع قطع الغيار صدمنى اناقولت حترخص ابص الاقيها زادت
والموزه دية حتخلينى اعمل الصيانه فى العامريه دايما رغم انها ابعد |
#4
|
|||
|
|||
رد: صيانة ال5000 فى العامريه وياريت كل ملاك العربيه يدخلوا للاهميه القصوى
- الحاجة التانية انا مش عارف التوكيل اخد منك فلوس ليه عند صيانة 5000 كم لانى عملت الصيانة داخل توكيل العبور بدون اي مبالغ وكمان قاموا بغسل السيارة من الداخل والخارج وكمان الموتور وكانوا قمة فى الذوق والاخلاق واستلمت السيارة عروسة |
#5
|
||||
|
||||
رد: صيانة ال5000 فى العامريه وياريت كل ملاك العربيه يدخلوا للاهميه القصوى
هما فعلا قالوا ان مشكلة الكبوت هى اللى عاوزه سمكره وحاجه بسيطه بس مش موجود السمكرى انهارده
اما الفلوس كانت 30 فوم لغسيل الماتور و80 جنيه ظبط زوايا والباقى ضريبه |
|
|