#1
|
|||
|
|||
الماروتي بتاعتي بتحتضر والا ايه.......؟؟؟؟
السلام عليكم ورحمة الله وبركاته
الماروتي بتاعتي مش عارفة جت علي بداية المدارس وابتدت تخرف .. مش عارفة ايه اللي فيها بالظبط صوت الموتور عالي بتكييف ومن غير تكييف بقيت زي العربيات اللي موديل سنة 70 يعني تمشي في الشارع تلاقي الناس بتقول الصوت ده طالع منين السخونة .. العربية بتعمل حاجات غريبة .. من الأول المروحة كانت بتشتغل لما المؤشر بيكون علي النص وده كان الطبيعي .. دلوقتي"من غير تكييف" المروحة بتشتغل بعد النص بحاجة بسيطة والمشكلة انها ساعات بتعلق ومش بتشتغل .. مع التكييف طبعا المؤشر ما بيتعداش الثلت ده طول ما انا علي سرعة اقل من 70 اول ما بمشي بسرعة شوية علي 80 مثلا فترة صغيرة تبتدي تسخن ويوصل للنص ويعدي النص واهدي يرجع تاني .. ومرتين سخنت جدا واضطريت ركنت واستنيت لما بردت شوية وكملت اصوات غريبة بتطلع من تحت الدواسات لما بجي اطلع علي الأولاني بعد وقوف .. كركرة .. مع اصوات تانية في المطبات تزييق غريب لمبة الزيت شكلها اتحرقت مش بتنور خالص وبقيت اللمبات بتنور عادي ارجوكم حد يقولي ايه الحكاية .. هو انا ممكن اوديها التوكيل بعد ما ركبت التكييف ..؟؟ ولو ينفع ممكن يطلعولي العربية كلها باظت ويدفعوني اد تمنها ....؟؟؟ معلش علي الاطالة لكن فعلا انا كل يوم بمشي بيها ببقي خايفة يحصل حاجة جديدة وبمشي جنب الحيط طول الطريق
__________________
الدنيا زمن قليل و عمرك فيها قليل من قليل و ما بقي من عمرك فيها قليل من قليل من قليل. فأكثر الخير و العطاء تحول القليل إلى كثير. إبذل الحب تسعد و تسعد من حولك. رحلة للسعادة |
#2
|
||||
|
||||
رد: الماروتي بتاعتي بتحتضر والا ايه.......؟؟؟؟
متقلقيش العربيه هتتصلح وتبقي زي الفل وترجع احسن من الاول وربنا يصلح ليكي حالها وتجري بيها وتحصلي العربيات الـ BMW بس طبعا هتحصليها اول ما الاشاره تقف هههههههههههههه |
#3
|
|||
|
|||
رد: الماروتي بتاعتي بتحتضر والا ايه.......؟؟؟؟
رينا يبارك فيك يا حبيب الناس علي الاهتمام والرد الوافي .. ربنا يجزيك عنا خير ويجعله في ميزان حسناتك
بالنسبة للشداد بتاع البنزين انت تقصد الشفاط بصراحة انا فعلا نسياه كذا مرة مشدود بس انا كنت بقفله هو ممكن يكون علق فعلا بالنسبة لمية الريدياتير انا بشوفها علي طول وساعات بزودها من القربة .. وكنت مش بحط الا مية خضرا بس مع الأسف قعدوا يتريأوا علي بقيت بزود مية عادية .. هو انا دلوقت ممكن اروح البنزينة اخليهم يغيروا دورة المية ويحطولي مية خضرا واستمر عليها بعد كده الزيت انا بحط موبيل 1 كل 8000 ك " هو ده بتاع الموتور والا ده حاجة تانية" الأصوات فيه أصوات بتطلع في الملفات اليو تيرن الجامدة قوي بس مش زي الصوت اللي بيطلع من الدبرياج عند الغيار الأول وبصراحة انا بحب المطبات والبلاعات جدا يعني والحمد لله مفيش بلاعة فيكي يا مصر الا لما اخدتها وخصوصا في سنة اولي سواقة وكمان انا بمشي في طرق داخلية كتير عشان اتفادي الزحمة انا ان شاء الله هجرب اسأل في التوكيل واشوف لو غاليين قوي معلش حضرتك شاكرا تقولي علي مكان شراء الحاجات دي وميكانيكي ثقة اروحله ويجعله عامر
__________________
الدنيا زمن قليل و عمرك فيها قليل من قليل و ما بقي من عمرك فيها قليل من قليل من قليل. فأكثر الخير و العطاء تحول القليل إلى كثير. إبذل الحب تسعد و تسعد من حولك. رحلة للسعادة |
#4
|
||||
|
||||
رد: الماروتي بتاعتي بتحتضر والا ايه.......؟؟؟؟
اختي ام عبدالله شاكر ليكي دعائكي لي فأن لم اقدم لكي الا الواجب علي تقديمه فزكاة العلم اخرجه
لازم الواحد طالما يعرف معلومه لازم يقولها للناس علشان ربنا يزوده في العلم اجابه علي تسائلتك فصوت التقطقه في الملفات فده معناه عيب في الكبالن وده تقريبا سعره 60 جنيه للكوبلن الواحد اما صوت الطقطقه في الطلعه ممكن يكون عيب في المقصات او في الوصلات اللي بيت الفتيس والكوبلن وممكن متكونش محتاجه تتغير ممكن تكون محتاجه تربيط للعفشه فقط بالنسبه لزيت موبيل 1 فده ممتاز للعربيه لكن ده ادائه نستفاد منه اكبر استفاده في العربيات الحديثه اللي تمنها معدي 75000 مش العربيه التعبانه ده هههههههههههههههه لكن هيشتغل علي الماروتي برده وواضح من كلامك انك بتجيبي زيت ال10000 كيلو وبتغيريه علي 8000 لكن ممكن تغيريه علي 10000 متخفيش لان الشركه اللي عملته هيا اللي بتقول ده ل10000 كيلو والشركه كمان عامله حد أمان يعني الزيت ده ممكن يتغير علي اكتر من كده لكن اي زيت ينفع للماروتي لكن لازم نراعي منسوب الزيت وكل فتره نبص علي مقاس الزيت لازم عند تغييره مكونش فوق العلامه الحد الاقص ومقلش عن علامه الحد الادني ولو لقيناه قل شويه عن العلامه وقرب من علامة الحد الادني ممكن نزوده شويه لحد ما يوصل للمنسوب الازم وطبعا عند الكشف عن الزيت لازم نشوف لزوجته اخبارها ايه لو اللزوجه قلت فلازم نغيره قريب وخلي بالك اللزوجه بتقل لما العربيه تشخن كتير عن الحد اللزم لان زياده الحراره بتعمل علي فك الروابط الكميائيه بين جزيئات الزيت فيخلي لزوجة الزيت تقل وميمسكش في بعضه اما عن اماكن شراء قطع غيار الماروتي فده من مكان اسمه التوفيقيه في القاهره فيه حوالي 3او اربع محلات بتبيع قطع غيار وكماليات السيارات الياباني وطبعا الماروتي المفروض انها ياباني يعني هتلاقيها عند محلات العربيات التويوتا والسوزوكي ومثلها فيه مكان تاني بيبيع كل قطع الغيار ااكتر من التوفيقيه كان فيه حاجات مبلقهاش في التوفيقيه ولقيتها هناك في شارع احمد حلمي بعد موقف احمد حلمي وقبل نفق احمد بدوي <IFRAME height=350 marginHeight=0 src="http://maps.google.com/maps?f=q&source=s_q&hl=ar &geocode=&q=30.065874,31. 249806&sll=30.066123,31.2 49537&sspn=0.00104,0.0034 22&ie=UTF8&ll=30.065903,3 1.249868&spn=0.00832,0.02 738&z=14&output=embed" frameBorder=0 width=425 marginWidth=0 scrolling=no></IFRAME> وده مكانهم علي الخريطه من موقع جوجل ماب هتلاقي هناك كل حاجه للعربيه اي حاجه هتلاقيها وانا في الخدمه لو احتاجتي اي استفسار |
#5
|
|||
|
|||
رد: الماروتي بتاعتي بتحتضر والا ايه.......؟؟؟؟
جزاك الله كل الخير يا حبيب الناس .. انا فعلا متهيألي ان العفشة عايزة تتربط ان شاء الله في الاجازة دي احاول انجز واشوف أغلب الحاجات دي أغيرها واصلحها
ازادك الله من علمه ونفع بك الأخرين وأحب الناس الي الله انفعهم لعباده
__________________
الدنيا زمن قليل و عمرك فيها قليل من قليل و ما بقي من عمرك فيها قليل من قليل من قليل. فأكثر الخير و العطاء تحول القليل إلى كثير. إبذل الحب تسعد و تسعد من حولك. رحلة للسعادة |
|
|