ليه اللى بيحصل ده ؟؟

[خالد الجوكر]

السلام عليكم اولاً

ثانياً انا عايز اعرف فى ايه ف عربيتى بالظبط

العربيه كنت ف فرح من كام يوم عملت الواجب وطلع ........

المهم ف اخر الفرح ختمتها معايا مع ان كنت مركب معايا شويه حتت حلوين تبع العروسه

لقيت مؤشر الحراره على جداً وجاب اخره لفوق انا ماشى بقول هزودها خلاص انا يعتبر وصلت

لقيت العربيه وقفت وحلفت يمين تلاته مهيه دايره

اقول يا ستى ربنا يخليكى دورى شكلنا وحش تقولى لااااااااع

طب يرضيكى كده تقولى مليش فيه مش دايره

قولت عنك مدورتى وركنتها واعتزرت للبنات ونزلو وكملو مشى الساعه 12 بليل ( صعبو عليا اوى )

اتصلت بالشله وقولت ألحقونى جانى واحد بعد نص ساعه او ساعه الا ربع وانا واقف وفاتح السقف ومتوغوش عليها

المهم جه بالميكانيكى قالى دور كده

اجرب مفيش قال استنا . استنيت

طلع طرف سلك الموبينه من الاسبراتير ولمسه بحديد مع المارش وحطه وقال دور تانى

دارت الحمد لله ( عمل ايه ده ) بس العربيه كانت حرارتها نزلت شويه

وقتها البطاريه كانت تعبانه شويه بس كنت لسه شاحنها المهم وديتها الجراج يدوب رجعتها ف مكانها ولسه برجع لقيتها هووب فصلت تانى وادور مفيش بس كانت سخنت شويه بردو

البطاريه كانت جابت اخرها من المارش اللى اديتهولها غيرتها وقلت بالمره ادور بعد ما ركبت ( غيرتها ف مكانها ) ادور لقيتها دارت صاحبى اللى ركبلى البطاريه بيقلى مش اى حد بيدور قلتله اتنيل هيه عيبها لما بتسخن

المهم طلعت عليها مشوار النهارده و ف وسط الزحمه لقيتها عايزه تعملها وعماله تقطع قولتلها استنى وروحت ساند بنزين مسبتوش وكنت بهدى ف الزحمه بالهاند لغايه ما جيت اركن وسندت شويه بنزين الاول وفصلت

عملت مشوارى وجيت دارت زى الفل

زودت الميه واتوكلت ع الله

بس الملخص المختشر بتاع الكلام ده كلو واسف ع الاطاله يعنى هيه لما بتسخن اوى بتقطع ولول بطلت مبتدورش دا من ايه بقا

ماشى العربيه بتسخن بسرعه علشان انا لاحظت ان الردياتير اتخرم وبينقط من تحت لما بدور بس هيه بتقف خالص ليه لما بتسخن زياده ؟؟؟؟؟؟؟؟؟؟؟؟؟؟؟؟

سااااعدونى عايز اعمل بيها مشوار العريش وخايف منها

وشكراً

[احمد على 1999]

اولا لازم تعالج سبب ارتفاع الحرارة لو الرادياتير السبب لازم تغيره لو منفعش يتلحم
و بعدين غلط تمشى بيها لو الحرارة رفعت
و احتمال الموبينة ضعيفة فلما تسخن تخرف

[خالد الجوكر]

المشاركة الأصلية كتبت بواسطة احمد على 1999 اولا لازم تعالج سبب ارتفاع الحرارة لو الرادياتير السبب لازم تغيره لو منفعش يتلحم و بعدين غلط تمشى بيها لو الحرارة رفعت و احتمال الموبينة ضعيفة فلما تسخن تخرف

هيه مبتعلاش معايا اوى كده الا لما بكون ف زحمه والعربيه ماشيه تاتا تاتا ودايره وامبلايه ع الفاضى

لكن غير كده مبتوصلش معايا للنص بتكون واخده سرعه وتمام يعنى

وشكراً للرد استاذ احمد

[ahmed el gendy]

المشاركة الأصلية كتبت بواسطة خالد الجوكر هيه مبتعلاش معايا اوى كده الا لما بكون ف زحمه والعربيه ماشيه تاتا تاتا ودايره وامبلايه ع الفاضى لكن غير كده مبتوصلش معايا للنص بتكون واخده سرعه وتمام يعنى وشكراً للرد استاذ احمد

بص هو طبيعي جدااا ان مستخنش وهي ماشيه علي السريع او تسخن شويه وهي ع السريع بس بتكمل برده عشان الهواء بيبرد العربيه لكن ف الزحمه حمل التبريد كله بيكون علي الرادياتير فالمشكله كلها ف الرادياتير وانا كان عندي مشكله زيك كده كانت علي السريع تمام وادورها بالنص ساعه واسيبها واقفه برده حرارتها تمام امشي ف الزحمه تعلي الحراره وف الاخر طلع الرادياتير مسدود وغيرته فانت اول حاجه شوف الرادياتير هيتلحم ولا عاوز يتغير وبعدين لقيتها بتخرف ف الزحمه ولما بتطفي مش بتدور يبقي فيه مشكله تانيه
وحكايه انها لما بتسخن خالص بتفصل ومش بتدور ده ممكن يبقي طبيعي عشان الحراره عليت قوووي انا مره العربيه سخنت مني وانا مش واخد بالي وطفت وهي كانت ماشيه علي 100 لولا ستر ربنا كنت لبست ف النقل
اول حاجه صلح اتلرادياتير وبعدين نشوف

[خالد الجوكر]

المشاركة الأصلية كتبت بواسطة ahmed el gendy بص هو طبيعي جدااا ان مستخنش وهي ماشيه علي السريع او تسخن شويه وهي ع السريع بس بتكمل برده عشان الهواء بيبرد العربيه لكن ف الزحمه حمل التبريد كله بيكون علي الرادياتير فالمشكله كلها ف الرادياتير وانا كان عندي مشكله زيك كده كانت علي السريع تمام وادورها بالنص ساعه واسيبها واقفه برده حرارتها تمام امشي ف الزحمه تعلي الحراره وف الاخر طلع الرادياتير مسدود وغيرته فانت اول حاجه شوف الرادياتير هيتلحم ولا عاوز يتغير وبعدين لقيتها بتخرف ف الزحمه ولما بتطفي مش بتدور يبقي فيه مشكله تانيه وحكايه انها لما بتسخن خالص بتفصل ومش بتدور ده ممكن يبقي طبيعي عشان الحراره عليت قوووي انا مره العربيه سخنت مني وانا مش واخد بالي وطفت وهي كانت ماشيه علي 100 لولا ستر ربنا كنت لبست ف النقل اول حاجه صلح اتلرادياتير وبعدين نشوف

شكراً جداً استاذ احمد الجندى وجارى البحث عن حد يكون كويس مش يقولى غير وخلاص واول ما اعمله هقولكم النتايج