النقل التقيل (بلطجه , لا شعور , ثقه , استهتار ولا فهلوه) قول رأيك , وما هو الحل؟

[Marlborooo]

بص يا استاذ احمد انا هقولك علي حاجة مع احترامي لرأي كل الناس اللي اتكلمت

عايزك تراعي حاجة سواق النقل التقيل بيسوق مسفات كبيرة ولفترات طويلة ممكن يفضل سايق اسبوع من غير ما يروح بيته ، ولما يحب يريح تلاقيه راكن عند اي استراحة ونايم في العربية ، طبعا مع السواقة والاجهاد بالشكل ده لازم يعمل بعض الغلطات وهو سايق اكيد تركيزه بيقل مع التعب ، وطبعا اللوري مهما كان بور سواقته مش سهلة وبالاضافة معاه بضاعة لازم ينقلها في معاد معين يعني مسئولية عليه وده هيشكل علي السواق ضغط عصبي رهيب صعب ان اي حد يقدر يستحمله
فالمفروض ان احنا نلمسلهم العذر ، ونراعي ان الناس ديه شقيانة وطالع عينها عشان لقمة العيش

رأيي ان تصرف حضرتك تصرف خاطيء حضرتك ولا تزنق عليه ولا اي حاجة حضرتك لو هو ماشي علي الشمال عديه من اليمين بس خلي بالك وانت بتعدي ، و عايز اقلك حاجة السواق اللي بتزنق عليه وبيقفلك بيقف بمزاجه هو لو عايز يعديك هيعديك وهيخليك توسع غصب عنك عشان ميخبطكش ، بس معظمهم ناس محترمة وكبيرة في السن

معلش انا عارف ان كلامي شديد شوية بس اعذرني انا كمان ممكن اكون انا بحسبها من ناحية تانية

وعايز اقوول حاجة اخيرة اكيد مش كل سواقين النقل التقيل محترمين وكويسين اكيد فيهم ناس مش كويسة بس نسبتهم قليلة ، انا ليا ابن عمي عمل حدثة مع عربية نقل كان ماشي عكس الاتجاه والاتنين اللي راكبين مع ابن عمي توفوا وابن عمي اتعجز
وانا عن نفسي اللي بخاف منهم اكتر سواقين الربع نقل عشان فعلا غالبيتهم مستهترين وبيسوقوا برعونة

وربنا يستر علي كل الناس ويحفظهم : CONGRA~238:

[ahmed el gendy]

المشاركة الأصلية كتبت بواسطة ابو الشوق كاديلك بص يا استاذ احمد انا هقولك علي حاجة مع احترامي لرأي كل الناس اللي اتكلمت عايزك تراعي حاجة سواق النقل التقيل بيسوق مسفات كبيرة ولفترات طويلة ممكن يفضل سايق اسبوع من غير ما يروح بيته ، ولما يحب يريح تلاقيه راكن عند اي استراحة ونايم في العربية ، طبعا مع السواقة والاجهاد بالشكل ده لازم يعمل بعض الغلطات وهو سايق اكيد تركيزه بيقل مع التعب ، وطبعا اللوري مهما كان بور سواقته مش سهلة وبالاضافة معاه بضاعة لازم ينقلها في معاد معين يعني مسئولية عليه وده هيشكل علي السواق ضغط عصبي رهيب صعب ان اي حد يقدر يستحمله فالمفروض ان احنا نلمسلهم العذر ، ونراعي ان الناس ديه شقيانة وطالع عينها عشان لقمة العيش رأيي ان تصرف حضرتك تصرف خاطيء حضرتك ولا تزنق عليه ولا اي حاجة حضرتك لو هو ماشي علي الشمال عديه من اليمين بس خلي بالك وانت بتعدي ، و عايز اقلك حاجة السواق اللي بتزنق عليه وبيقفلك بيقف بمزاجه هو لو عايز يعديك هيعديك وهيخليك توسع غصب عنك عشان ميخبطكش ، بس معظمهم ناس محترمة وكبيرة في السن معلش انا عارف ان كلامي شديد شوية بس اعذرني انا كمان ممكن اكون انا بحسبها من ناحية تانية وعايز اقوول حاجة اخيرة اكيد مش كل سواقين النقل التقيل محترمين وكويسين اكيد فيهم ناس مش كويسة بس نسبتهم قليلة ، انا ليا ابن عمي عمل حدثة مع عربية نقل كان ماشي عكس الاتجاه والاتنين اللي راكبين مع ابن عمي توفوا وابن عمي اتعجز وانا عن نفسي اللي بخاف منهم اكتر سواقين الربع نقل عشان فعلا غالبيتهم مستهترين وبيسوقوا برعونة وربنا يستر علي كل الناس ويحفظهم : CONGRA~238:

كلامك صح يا باشا فعلا سواقين الربع نقل والنص نقل دول مستهترين جداااا وكان واحد منهم هيقلبني مره بس عدت علي خير

[hamada2222]

يمشو عربيات بكاميرات او يسمحوا يخدوا صور الموبيلات والنقل ماشى غلط او شمال والمخالفة فى نفس الوقت حبس شهر على الاقل وايقاف السيارة شهر لازم من موقف حاسم

[borio1704]

مع احترامي لكل اللي بيدافع عن سواقين النقل

إنتو ما شفتوش حوادث بيموت فيها عشرات عشان سواق نقل محشش ولا نايم ولا ما عندوش أي إحساس بالمسئولية عن الناس حواليه

والله العظيم... انا لما باشوف حادثة بيموت فيها سواق نقل ... بافرح واحمد ربنا إن ربنا ريحنا من واحد قاتل


اتقوا الله... البلد دي مش حتتصلح لو ما صلحناش من نفسنا


...

[Felefel Ahmed]

المشاركة الأصلية كتبت بواسطة طارق فولفو مساء الخير كل الانت بتقولة دة مش صح انت وغيرك المفرود تحترمة النقل لان انت وغيرك من غير النقل مكنتوش لقيتة الطريق البتسفرة علية وعيزين تتحكمة فية ومنغير النقل مكنتوش لقيتة مكان تسكونة فية ولا تشتغلة فيةمن الاخر النقل فضلة عليك وعلى كل مصر انت لو تعرف سوق النقل بيبقا على اعصبة بسبب كل واحد زيك انت لما هديت قدامة مش فضل ماشى وراق دة دليل على انهم بيخفو عليكم اكتر من نفسك حركة زى دة ممكن تنبورت الفرامل تتكسر وميبقاش فيها فرامل وبسببك تعمل كرسة وتازى الناس دول لو ناس همج كان تلع منك وزنق عليك وقلبق بس دول ناس محترمين وفضلهم عليك وعلى غيرك ونسيحة متفتكرش ان انت عشان راكب عربية ملاكى ممكن تعمل اى حاجة وتجرى ومش هيلحقق لالالا العربية النقل اسرع من العربية الملاكى بكتير يعنى ممكن يجيبك فى دقايق ادعى ربنا ان متسدفش واحد متهور خاف على نفسك وعلى عيلك وعلى اناس المحترمين بتوع النقل

السلام عليكم
حضرتك بدافع عن السلوك الخطأ؟
مهو زي ما فيه سواقين نقل محترمين فيه برضه زباله
واضح من كلام حضرتك انك مفهمتش الموضوع
فضل مين علي مين هو علشان حضرتك سواق نقل يبقى سواقين النقل دول هما ألي معيشنا ومن غيرهم نموت (كل انسان فى الدنيا ليه وظيفه ومن غيره الوظيفه ديه الدنيا تبوظ)
هو حضرتك او عيالك مين ألي بيعالجهم , ومين اللي بيجيبلك قطع الغيار ومين عاملك كهربه بيتك والصرف (سواقين نقل برضه؟)
انا شغلتى نصها مع سواقين نقل وبينا عيش وملح بس لما بتكلم معاهم بيفهمو الموضوع بعد كده يردو مش هجوم والسلام
ان يمشى عكسي علي طريق سريع ويرفع النور العالي ده صح وبتدافع عنه؟
انه لما يمشي بحموله (رمل , زلط أو ردم) من غير غطا ده صح؟
لما أغير زجاج عربيتى 4 مرات فى سنه واحده بسبب الطوب ألي بيقع منهم ده صح؟
لما 4 تريلات يمشو سدين الطريق علشان يونسو بعض ده صح؟

لو سمحت اقرأ الموضوع صح قبل ما ترد
ولو حضرتك مقتنع ان السلوك ده صح من بعض سواقين النقل (يبقى متردش عليا وخدنى علي قد عقلي)