#11
|
|||
|
|||
رد: مطلوب سيارة ستيشن
هى فعلا عربيه كويسه وانا معجب بيها .. بالرغم انى بحب 125 اكتر منها لانى معجب بشكلها |
#12
|
|||
|
|||
رد: مطلوب سيارة ستيشن
الحمد لله اشتريت عربية ستيشن 1200 لادا موديل 80
بس محتاجه شويت سمكره ودوكو .. ومحتاج اغير كبوت وشنطه .. بس اسعارهم ايه ؟؟ لو فى حد يعرف يدينى سعر فيهم استعمال خارج .. ربنا يباركله |
#13
|
|||
|
|||
رد: مطلوب سيارة ستيشن
ربنا يباركلك فيها اخي ربنا يوفقك ويرزقك خيرها جبتها بكام اخي؟؟؟ وياريت لو تصورهالنا انا عايز واحدة زيها لو سعرها مناسب انا كنت بدور علي حاجة زيها من زمان فلو تساعدني يبئ جزاك الله خيرا |
#14
|
|||
|
|||
رد: مطلوب سيارة ستيشن
ومعاكمبلغ يجيب عربية محترمه .. ازاى لسه مجبتش عربية ؟؟ على العموم انا اتبهدلت لف ودوران على العربيات لنفس الغرض اللى انت بتدور عليه .. وطبعا لاننا من اسكندريه فا مش هاينفع معانا غير اللاده .. وطبعا هتختار حاجه من دول من الاخر : 1- 1200 (اللى اسمها الاصلى 2102 - زى اللى انا لسه جايبها ) سعرها رخيص وتستحمل وكويسه جدا بالنسبه لى على الاقل .. بس ربنا يكرمكبواحده حالتها كويسه ودى موديلتها اللى انا قابلتها من اول 74 حتى 84 اخرها والله اعلم .. ودى بتلعب من اول 8000 جنيه حتى 18 الف جنيه حسب الحالة. 2- 2104 - ودى هاتلاقيها من اول 84 حتى 98 بس مش هاتتكعبل فى 98 اخرك95 مش عارف ليه .. ودى بتلعب من اول 10 الاف حتى 22 الف حسب الموديل والحالة 3- 125 ستيشن .. ودى بتلعب من اول 5 الاف حتى 15 الف حسب الحالة .. وبتبتدى من اول 72 حتى 84 بس اجمد من اللاده وال 124 وصاجها شديد بس قطع غيارها غالية شويه ومش هاتلاقيها الا فى شارع 30 او صلاح الدين البلد ( انا بحبها اكتر من الباقى ) 4- بيجو 504 ( طبعا انت عارفها وهتلاقيها مرمية فى الموقف الجديد اللى هى ال 7 راكب ) ودى سعرها بيلعب من 20 الف - 70 الف ) حسب الحالة وخلافه ( اجرة او ملاكى ) بس شوفلك بتوع الغيار الاول .. لان قطع غيارها غالية جدا بالنسبه للاده والفيات ومش متوفره ... بس عفشتها اقل وموتورها شديد وبتاعت سفر مش داخل البلد فى قدامى عربية : 1- 2104 موديل 95 صاحبها بيتكلم فى 20 الف ( لسه طلعه من عمره شامله حسبكلامصاحبها ) 2- عربية تاكسى خليع 2102 معاها جوابها صاحبها بيتكلم فى 7000 الاف جنيه وعايزه 4 باب ( حسب كلام صاحبها ) وطبعا انت هاتظبطها 3- تاكسى خليع 2102 صاحبها بيتكلم فى 8000 الاف مش محتاجه ابواب 4- 125 ستيشن صاحبها بيتكلم فى 6 الاف جنيه ( بطرية جديده + موتور بيلين ياعنى لسه طالع من عمرة ) بس صاج زباله وعايزه شغل سروجى وصاج ودوكو 5- 2104 موديل 83 او 85 مش فاكر .. متظبطه ومشمحتاجه حاجه .. صاحبتها بتتكلم فى 15-16 الف مش فاكركام وعلى العموم كل ده فى الاسكندرية .. ممكن تكلمنى على الموبايل لوتحب وانا اجى معاكاو ابعتك للناس وانت اتصرف معاهم . ولومحتاج منى مساعده انا ممكن اعرفك اللى انا عرفته من خلال لفى الكتير .. لانى بدور من شهر 4 السنه اللى فاتت ( ساعنى اتمرمط فى كل العربيات من اول موديل 65 حتى موديل 90 - طبعا لان المبلغ اللى كان معاى كان حاكمنى بسعر معين) وممكن تكلمنى لو تحب على : 01002025826 |
|
|