#6
|
||||
|
||||
رد: البلد رايحة على فين؟؟؟ حد عنده اجابة؟
توجه مبارك الى منتجعه في شرم الشيخ يهنأ و ينعم في اموال الشعب و لا يزال مع زوجه و اولاده!!
المجلس العسكري يبقي شفيق و جميع وزراء الحزب الوطني!!! يتم التوجه الى نفس اسلوب مبارك تجميد الاوضاع حتى يصيب الناس الخمول و اليأس و الاحباط كما نجح مبارك في تنفيذه لمدة 30 عاما كانت مصر خلالها في الفريزر مجمدة بينما جميع الدول الاخرى تقدمت و تطورت حاول المجلس اتباع نفس السياسه بنظام كل اسبوع نحبس مجرم او متهم و بعد حبسه و عرضه على المحكمة تؤجل القضية بالشهر تلو الشهر تلو الشهر!!!!!! مماطلة بشعة لم يشهدها التاريخ على مر عصوره!!! مماطله تدفع بالضحية الى الاحباط و الياس و بالثائر الى القنوط و الانهيار و بالمواطن العادي الى نسيان الموضوع من اساسه و التوجه الى الاكل و الشرب الغير متوفرين في اكبر بلد في الشرق الاوسط في مهزله كان مبارك مولدها و لا يزال المجلس العسكري اكبر مؤديا فيها!!! |
#7
|
||||
|
||||
رد: البلد رايحة على فين؟؟؟ حد عنده اجابة؟
انا من اوائل الداعين الى الهدوء و بدء البناء
توالي الاحداث: - اقتحام المستشفيات و التعدي على الاطباء و المصابين و قتلهم على الملأ في غياب كامل للجيش و مشاهدة من الشرطة - بلطجة و ارهاب و جرائم تحدث على الملأ امام رجال الشرطة مع تجاهلهم لدورهم!! - عودة جميع المتهمين السابقين من رجال الشرطة في جرائم تعذيب قديمة او قتل متظاهرين حديثة الى مناصبهم - بل على العكس ترقيتهم!!!!!!!!!!!!!!!!!! !!!!!!!!!! - عودة 70% من عناصر امن الدولة ( محترفي التعذيب و القتل و الاغتصاب و اهانة انسانية المصريين ) الى مواقعهم و تسليمهم جميع سلطاتهم القديمة تحت مسمى الامن الوطني!!! (و هو الاقتراح الذي تقدم به عناصر امن الدولة من الاساس لقياداتهم في الداخلية بتغيير تسميتهم من امن الدولة الى الامن الوطني كما تم كشفه من مستندات مسربة!!!) - ظهور حالات جديدة من عناصر الشرطة التي تطالب بفتح جديدة - بدءا من خطف اخت ناشط سياسي اسلامي مطلوب للتحقيق للضغط عليه و تسليم نفسه ( نفس منهج امن الدولة السابق ) - الى اعتداء من ظباط الشرطة على مواطنين امام الملأ - الى تعذيب بعض المعتقلين ثم تلفيق قضايا مخدرات لهم!!! ( كما بالسابق ) للهروب من المساءلة! -الى احضار بلطجية و مسجلين و تجار مخدرات في مواكب احتفالية مفبركة للاحتفال بعودة بعض جزاري الداخلية الى نفس مناصبهم و مواقعهم السابقة!! -و اخيرا احتفالية ( بنحتفل بخيبيتنا) في مكتبة الاسكندرية تشمل مراسم تكريم لعناصر من ظباط امن الدولة السابق و بعض المتهمين من الداخلية لحفظ الامن قبل و خلال و بعد الثورة ( عن طريق قتل الشعب و المتظاهرين) !!! في حركة استفزازية علنية سافرة!!! وسط حياد من الجيش من جديد!! المعتصمين و متظاهري السفارة الاسرائيلية يتم محاكمتهم عسكريا امام محاكم عسكرية! البلطجية و مسجلي الخطر و مغتصبي البنات و الاطفال امام محاكم جنائية مدنية!!! |
#8
|
||||
|
||||
رد: البلد رايحة على فين؟؟؟ حد عنده اجابة؟
حل الائتلاف العام لضباط الشرطة وسط حالة غموض شديدة!! و المعلوم انهم شباب من صغار ضباط الشرطة ايدوا مبادئ الثورة و طالبوا بتطهير الداخلية من الداخل من القيادات الفاسدة
- اعلانهم قبلها ان هناك تعليمات من قيادات كبيرة في الداخلية لصغار الضباط بعدم النزول الى الشوارع او القيام بمهامهم!! بمعنى اخر السلبية التامة ضد المجرمين و تركهم يرتعوا و يسرقوا و ينهبوا و يحرقوا براحتهم!!! و تم ذكر اسماء! و لكن! لا مجيب اخيرا بدأت تظهر اصوات تطالب بثورة جديدة الجمعة القادمة!!!!! و كلنا عارفين ان الثورة دي حتبقى في مواجهة الجيش المرة دي!!! حد يقدر يقوللي البلد رايحة على فين؟ و بلاش مطالبات ملهاش معنى لان كلنا عايزين الداخلية تقوم بدورها و عايزين كل حاجة حلوة للبلد لكن محدش بيسمع انا عايز حد يقدر يحلل الوضع القائم و يقوللي اي اللي حيحصل بكرة البلد رايحة على فين؟؟؟؟؟؟؟؟؟؟؟؟؟؟؟؟ |
#9
|
||||
|
||||
رد: البلد رايحة على فين؟؟؟ حد عنده اجابة؟
الجيش المصري دا هوا انا وانت واخويا واخوك ولا يمكن يبقي متواطئ او مشارك في خداع المصريين - لكن طبعا في اسس وقواعد عند الجيش دا بما لا يسمح لة المشاركة ايضا في اي شئ يزعزع السلطة في مصر والسلطة هي الدولة وان سقطت السلطة سقطت الدولة ولو انت فاهم سياسة كويس حتفهم كلامي زي بالظبط اللوغارتم الغريب اللي كل الناس دلوقت بتفكر فية هوا المفروض كانت الشرطة تعمل اية في المظاهرات تضرب وتسحل المتظاهرين ولا تسيب البلد وتمشي وان كان فية ناس ماتت من افراد الشرطة دول شهدا ولا لأ - دي ناس ماتت وهي بتدافع عن الدولة يعني وهي بتادي واجبها - ؟؟؟؟؟ - اه واجبها شغلتهم انهم يحموا الدولة - يدافعوا عنها ضد مين؟؟؟؟ - اي حد مهما كان طب دي الناس اللي عملت الثورة دول مصريين انا وانت حقنا ان احنا نثور وواجبهم انهم يقاومونا وفي الاخر للاسف لا يوجد فائز لان احنا حيروح منا ناس وهما كمان حيروح منهم ناس وهي دي الجيم يا مان - نفس الكلام دا البظبط كده يطبق علي الجيش بس الجيش طلع لعيب متدخلش في الظيطة دي فضل يتفرج علي الكلام من بره لا قتل ولا سحل - متشكرين يا عم الجيش انت كده عملت الواجب وزيادة وفي الاخر لما كفة الثوار طبت قالك انا معاكوا يلا يا عم مبارك كفاية عليك كده وهات الرموز القديمة ونتحاسب وانا السلطة دلوقت لغاية لما تشوفلكوا حد تاني - يعني فية سلطة؟؟ محنا قولنا لازم يبقي فية سلطة عشان يبقي فية دولة بس للاسف سلطة الجيش ضعيفة عشان مش عايز يزعل حد وهوا دا اللي بيحصلنا دلوقت عشان الناس معبية وبتضرب عاطل مع باطل السلطة مش عارفة تمسك البلد كويس واللي عايز يعمل حاجة بيعملها واللي في ايدة السلطة مش قادر يطبقها بحزافيرها عشان عايز الامور تهدي وعشان فية ناس زهقت من كتر الكبت وهوا مش عايز يزود الكبت عند الناس - فهمنا حاجة؟؟؟؟؟؟؟؟؟
عموما الموضوع دا محتاج كتب مش كلمتين في مشاركة واقعدوا بالعافية I'M
__________________
فى كل شارع فى بلادى صوت الحريه بينادى Ashraf Kerima
|
#10
|
||||
|
||||
رد: البلد رايحة على فين؟؟؟ حد عنده اجابة؟
كدة اظن نقدر نعلق:
اولا حضرتك اكيد تسمحلى اختلف معاك فى بعض او كل ما كتبته ثانيا ساجيب على السؤال اللى حضرتك طرحته فى النهاية و حسب استنتاجات شخصية 1: انا اتفق معاك ان الوضع الامنى مزرى للغاية و لكن من يتحمل نتيجة هذا هل هو الجيش ام الشرطة ام سلوكياتنا بعد الثورة التى وصلت للحضيض و كأننا قمنا بثورة ضد الاخلاق. 2: انا اتفق معك ان هناك مؤمرات كانت و مازات تحاك ضد الثورة و ضد مصر عامة و لكنى ارفض تحميل الجيش جزء منها فلو اراد الجيش التآمر على الشعب لكان هذا من اول لحظة و انا اعزو ما حدث فى بدايات الثورة من هرج و مرج وعدم كفائة الى قلة الخبرة فى مجال الحماية المدنية للجيش لان الجيش و حضرت ادرى بمهامه يعمل خارج المدن و فى ميادين اخرى و كا رأينا صور و افعال سلبية من الجيش فقد كان له اليد الطولى فى ضبط البلد بعد الانسحاب المشين للشرطة وتركها البلد نهبة لكل افاق 3: انا اتفق معك فى بطئ اجراءات التقاضى و لكنى ازعم و انا عندى خلفية قانونية واسعة انه عيب فى الاجراءات و نقص فى عدد المحققين الاكفاء حيث قضى النظام السابق على كل كفاءة و كان التعيينات على اساس صلة القرابة و وخفة الظل و لو حولنا الى هذه المحاكمات الى محاكمات لا اجرائية او عسكرية سنخسر اموالنا فى بنوك اوربا و امريكا حيث لا تعترف بالمحاكمات المنقوصة و العسكرية. و اخيراً فنا رأييى الشخصى الذى لا افرضه على احد اننا نسير بخطى بطيئة و لكن فى الاتجاه الصحيح و هناك الكثر و الكثير من الفرعيات التى قد نختلف عليها و لكننا نتفق اجمالاٍ ان مصر لن تعود للوراء و العجلة تتحرك للامام..و شاكر لحضرتك اثارة الموضوع |
|
|