أ/ امير حسن سؤال لو سمحت ؟

[honda RB]

بالنسبه للأكسنت RB ممكن اعرف لو حبيت اجيب جنوطها الأصليه مقاس 16 من الوكيل فى امكانيه انها تبقى متوفره ولا لأ ولو امكن ممكن سعرها بالكفرات (الكاوتش) او من غير الكفرات

[Amir Hassan]

المشاركة الأصلية كتبت بواسطة honda RB بالنسبه للأكسنت RB ممكن اعرف لو حبيت اجيب جنوطها الأصليه مقاس 16 من الوكيل فى امكانيه انها تبقى متوفره ولا لأ ولو امكن ممكن سعرها بالكفرات (الكاوتش) او من غير الكفرات

الجنط 16 اصلى لسه منزلش
بس ادينى فرصه ادعبسلك عليه
وموضوع الجنط 16
العربية اساسا كان المفروض ليها 15
وليها درجة تحت ودرجه فوق
وحتى لو اصلها 14
انت ممكن تخليها درجتين لفوق
طالما العفشة مصممه لذلك

[honda RB]

اولا شكرا جزيلا على ردك على سؤالى
يعنى افهم من كدا ان العفشه مصممه ومهيئه للجنط ال 16 الأصلى الخاص بها

[matars]

الفاصل يا باشا في الموضوع ده قايم العربية الي جنب باب السواق من تحت تفتحو وتبص على المنيو كتلوج هتلاقي فيه جميع المقاسات المسموحة للعربية
طايب في نظرية كان قال عليها احد الاخوة وهوelbrof_2006 علشان الامانة وانا جربتها مع صحابي طلعت من الاخر
بتجيب المقاس الاصلي للجنط والكوتش وتدخلو في معدلة كالاتي
مثلا
185 * 0.65 / ( 25 ) ده رقم ثابت
* ( 2 ) ده رقم ثابت + مقاس الجنط 14
احسب يطلع الناتج
23.62
عايزين نشوف مقاس ال 15 كوتش 195 / 55
195 * 0.55 / 25 *2 + 15
احسب الناتج يطلع
23.58
نعمل ايه بقى نقوم بطرح الناتج الثاني من الناتج الاول
23.62 -23.58 = 0.4
طول ما الفرق بيساوي كده انت في امان طايب لو زاد الفرق عن كده انا مش في امان لاء بس التاثير على العفشة بيزيد والتاثير على سحب المتور بيزيد هتقولي في ناس مركبة للنيو اكسنت جنط 17 والعربية بتجري اخر حاجة هقولك مزبوط بس تعالى بقى لحساب العمر الافتراضي على المدى البعيد للعفشة هتلاقي فرق كبير مبين ابو جنط 17 لانو عجبو وابو جنط مناسب
والمتور مقدور عليها طيب ازاي هتعمل صيانة بدري عن المفروض يعني هتغير فلاتر كل 10 او 15 سير كتينة وخلافو من السيور كل 30 ل 40 علشان تحافظ على رشاقة المكنة

موضوع معادلة الجنط و مقاس الكوتش منقول عن الاخ العزيز الغالي elbrof_2006

[honda RB]

تسلم يا باشا على المعلمومات القيمه دى
وهو فعلا عند باب السائق من تحت فى زى تكت بيوضح مقاس الجنط والكاوتش بتاعه وكان مكتوب عليه R16
والحمد لله على كل شئ