مقارنة بين الكورولا الجنوب أفريقي والخليجي (الجديدة)

[Semsem999999]

مع كامل الحترام لرأي صاحب الموضوع أنا ليا بعض نقاط الاعتراض :

1- حضرتك جبت منين إن الخليجي مفيهاش ABS ؟؟؟؟؟؟؟؟؟؟؟؟؟؟؟؟؟؟؟؟ ما أنا راكب خليجي وفيها ال ABS طبعا ؟؟؟؟؟؟؟؟؟

2- موضوع الوسع الداخلي ده كلام حضرتك فيه متناقض منين قولت في الأول إن الاثنين من حيث الشكل الخارجي متفقتين في أدثق التفاصيل يعني بالأصح شاسية واحد وبعدين تقول إن الجنوب أفريقي أوسع طب تيجي إزاي ؟؟؟؟؟؟؟ أنا ركبت الجنوب أفريقي ومشفتش الاختلاف ده أبدا .

3- موضوع تيل الفرامل ده أنا مش مقتنع باختلافه في الاثنين إلا لما أشوف بنفسي .

4- أتفق معاك في موضوع الموتور مع احتفاظي إن لو الاثنين شدوا مع بعض بالفتيس المتخلف بتاع الجنوب أفريقي الحليجي هتطلع منها .

5- كل اللي أعرفهم راكبين الجنوب أفريقي اشتكوا منه بلا جدال وتوكيل وسوفت وير وشغلانات يطول شرحها .

سؤال على جنب بس عايز إجابة مقنعة :
هيا ليه الجنوب أفريقي منزلتش غير في مصر بس دونن عن باقي دول العالم ؟؟؟

[Semsem999999]

المشاركة الأصلية كتبت بواسطة asabry انا عايز اعرف ثمن عربية كورولا خلبجي 2008 xli عاملة 5000 كم اوتاماتيك و جنوط سبور و تكييف بكر و فتحة سقف و زجاج و مرايات منطوية كهرباء و موتور 1600 و سي دي و كاسيت بدون فوج لايت ولا سبويلر تبقي بكام في مصر علشان اعرف انزلها من قطرفي شهر 11 ولا ما لوش لزمة انا شاريها بحوالي 95000 جنيه و اعتقد حادفع جمارك حوالي 60000 الرجاء الرد للاهمية aysabry@hotmail.com

أولا : إنت فين في قطر ؟؟؟؟؟؟؟؟؟

ثانيا : أنا أقترح عليك تنزلها أحسن لأن مبلغ ال 60 ألف ده هيقل لأنك بتقول موديل 2008 وبالتالي هيكون ليك خصم في الجمرك لمرور سنة أو أكثر ، وبعدين إنت المالك الأول ليها ولو جبت من مصر يبقى بتكلم في مستعمل لأنك بتقول موديال 2008 ، أنا أرشح تنزلها أحسن .

[vortec]

أ.سمسم المحترم أولا أنا اسف للتأخر في الرد علي ملاحظات حضرتك
1-بالنسبة للabs السيارة الخليجية مع ابن خالتي وكم واحد من صحابي والجميع أكد ان مفيهاش أي نظام من أنظمة الفرامل سواء abs-ebd .....وده كان سبب في حادث حصل لواحد صاحبي في الشرقية لما جه يمسك فرامل شديدة علي ملف العربية عومت واتزحلقت ونزلت في الأرض الزراعية علي جمبها.
2-ثانيا موضوع الوسع الداخلي لايعتمد بالمرة علي أبعاد ومقاسات السيارة وأكبر دليل مثلا جرب اركب شيفروليه أوبترا ومازدا 3 هتلاقي صالون الأوبترا أوسع بكتيييييييييييييييييير من المازدا ونصيحة مني اركب الجنوب أفريقي وبعدين أول رأيك . أنا طويل شوية لما بركب سيارة ابن خالتي راسي بتكون لازقة في السقف والدريكسيون بين رجلي .
3-بالنسبة موضوع تيل الفرامل اللي حضرتك مش مقتنع بيه روح أقرب موزع قطع غيار تويوتا معتمد وخليه يفرجك علي تيل الخليجي وتيل الجنوب أفريقي وهو هيعرفك ان التنين مختلفين تماما وهستني ردك .
4-مش هعلق علي موضوع الفتيس اللي حضرتك وصفته بالمتخلف لأني اتكلمت كتير في الموضوع ده أنا في سنة واحدة عامل بالعربية 60000كم بالعربية ومالاحظتش أي مشاكل أو عيوب للفتيس.
5-بتأول أصحاب الجنوب أفريقي بيشتكوا من انهم بيروحو التوكيل......؟؟مش فاهم أنا ركبت أبل الكورولا لانسر ومن يوم ما بدأت أركب عربيات طول عمري بروح التوكيل حتي لما بغير زيت أو لأتفه الأسباب بالنسبة لموضوع السوفت وير فهي حاجة الناس عملتها من زمان وخلصنا وهو خاص بالفتيس فقط لما الو في versionجديد نزل للجير الناس كلها راحت عملته ومجاني لأن العربية في فترة الضمان حتي لو اتحرق الجير هم هيغيروه علي حسابهم ودي طبعا ميزة لاتتمتع بها السيارة الخليجية.

وأخيرا اجابة السؤال اللي علي جنب:لو حضرتك قرأت الموضوع كويس هتلاقيني حاطط رابط تحت بتاع أخبار اليوم بتاع زيارة أ. خالد أباظة لمصنع جنوب أفريقيا هتعرف ان العربية دي بتتصدر ل 39 دولة في العالم منهم 11 دولة أوروبية أتمني تقرأ التقرير.http://www.akhbarelyom.org.eg/sayara.../122/0111.html

وبعدين بأة معلومة أخيرة كورولا الخليجية لما نزلوها عارفين ان الخليجيين مستواهم الاقتصادي كويس يدوب عليهم لكزس ولا انفينيتي وأحيانا مابتكونش عجباهم والكورولا عندهم هيكون اخرها تاكسي ولا عربية لقضاء طلبات البيوت عشان كدة نزلوها تقليدية جدا ومجردة من جميع الكماليات أو بها القليل من الكماليات التافهة بينما تعدالكورولا في الشارع المصري من السيارات الفارهة لارتفاع الرسوم الجمركية وانخفاض مستوي الدخل العام وبالتالي لو نزلوا كورولا بمواصفات السيارة الجنوب أفريقي في الخليج هيكون سعرها مرتفع وسوقها ضعييييييييييف جدا لأنها هتكون بسعر نيسان ألتيما مثلا أو التويوتا الأفالون لتعدد الكماليات ومستوي الرفاهية بها ولك أن تتخيل..............

وعموما شكرا علي المشاركة ,,,,,,,,,

مبارك عليكم الشهر وكل عام وأنتم بخير

[shamama]

لو سمحتم انا محتار بين الاثنين الكورولا الجنوب افريقي المانيوال الكامله 137000le
او الاماراتي اوتوماتيك abs and ebd 155000le او as before and sunroof and spoiler 163000le