الصنايعيه وايامها معايا

[3bdo]

يا سلام يا خالد فكرتنى بايام زمان ايام ميكروباص خالى الفولكس بتاع حلوان لما كنا نروح عند الميكانيكي الساعة 6 المغرب ونمشى الساعة 2 بليل كان بنفطر ونتغدا هناك
واحلى حاجة فعلا انك تتعلم الميكانيكيا ومتحطش نفسك تحت رحمة اى ميكانيكى كلب
وانا لما حد يجى يعمل معايا شغل التثبيت فى العربية القديمة فيات 131 كنت بحرجه واقله فكك من الشغل ده والشغل ده مش معايا وحركات التثبيت دى سيبك منها
وفى كلام كتير ممكن تحرجه بيه فى المواقف دى
وبعدين حوار ان العربية تتاخد ويتعمل عليها حفلة انا مش عارف انت سكت عليه ازاى
مش هوا صاحب ابوك؟؟
طب خد العربية ليه؟؟
يبقى ده راجل مش كويس
انا لو حد عملها فى عربيتى ممكن ارتكب فيه جناية
ومصر مليانة محلات افران
على العموم حصل الخير
بس انا عايز اعرف عندك كام سنة

تحياتى اخى الكريم

[خالد الجوكر]

اذا كان على الصنايعى نفسو يا عبدو باشا فهو اصلاً مبيبقاش موجود ديماً وده اللى انا متفق معاه بس هيه العربيه اصلاً متعوده على كده منى انا دخلت ف ابنو لأنه هو اللى بيركن العربيات ويحركها وكده وجاى ف الاخر بيحك ف البقشيش صدرتلو الوش الخشب واتساقعت عليه بعد ما خلصت بأسبوع رحتلو خليتو يلمعها تانى زياده وبردو مخدش منى حاجه
ومصر مليانه محلات افران اه ماشى بس عندنا ف البلد الصنايعيه الكويسه قليل والراجل الحمد لله طلعلى العربيه فبريكه وتمام التمام
ده اللى انا عايزه
وشكرا ليك يا غالى ع الرد

بالنسبه للعمر انا عندى 20 سنه بالتمام والكمال

أجمل التحيه اخى الفاضل

[zing0]

كنت بأعمر فى رمضان اللى فات ده و نفس رخامة الصنايعية
طمع: كان أى حاجه عاجباه فى العربية بيأخدها, رغم إنى كنت مفضيها خالص بس برضه لطش طقم بوجيهات يابانى و أكيد فضالى نص التانك و بعدين عاوز حق 10 لتر كان بيغسل بيهم الموتور, ليه يا عم؟ يا كده يا تبقى أنت اللى معطل الشغل.

و طبعاً المواعيد: أجدع شغل عمرة لو لأتوبيس حتى مش هيأخد أكتر من أسبوع , أنا بقى واخد معايا 15 يوم و كمان كنت على دماغه, كل يوم أروحله مرتين تلاته, و جيت فى يوم قلت أرخم علية و أخنقه فضلت قاعد جنبه طول اليوم (و أنا صايم), و برضه فضل يرغى مع جيرانة و زباينه و سايبنى و اليوم راح زى إخواته.
فى الآخرنصحنى واحد ربنا يكرمه قاللى مفيش حاجه توجع الصنايعى غير الفلوس, قوله هآخد العربيه لواحد غيرك و ملكش حاجه عندى لو مخلصتش,و فعلاً قام و نام عليها. بس بعد ما أعصابى فلتت.
للأسف مفيش غيرهم

[خالد الجوكر]

المشاركة الأصلية كتبت بواسطة zing0 كنت بأعمر فى رمضان اللى فات ده و نفس رخامة الصنايعية طمع: كان أى حاجه عاجباه فى العربية بيأخدها, رغم إنى كنت مفضيها خالص بس برضه لطش طقم بوجيهات يابانى و أكيد فضالى نص التانك و بعدين عاوز حق 10 لتر كان بيغسل بيهم الموتور, ليه يا عم؟ يا كده يا تبقى أنت اللى معطل الشغل. و طبعاً المواعيد: أجدع شغل عمرة لو لأتوبيس حتى مش هيأخد أكتر من أسبوع , أنا بقى واخد معايا 15 يوم و كمان كنت على دماغه, كل يوم أروحله مرتين تلاته, و جيت فى يوم قلت أرخم علية و أخنقه فضلت قاعد جنبه طول اليوم (و أنا صايم), و برضه فضل يرغى مع جيرانة و زباينه و سايبنى و اليوم راح زى إخواته. فى الآخرنصحنى واحد ربنا يكرمه قاللى مفيش حاجه توجع الصنايعى غير الفلوس, قوله هآخد العربيه لواحد غيرك و ملكش حاجه عندى لو مخلصتش,و فعلاً قام و نام عليها. بس بعد ما أعصابى فلتت. للأسف مفيش غيرهم

للأسف فيه صنايعيه كتير ف بلدنا بالرخامه دى وعدم التزام بالمواعيد

بس بردو فى ناس محترمه بصراحه

منهم الميكانيكى اللى بتعامل معاه بصراحه احترام مشوفتش بعد كده والعربيه تروحله يبص عليها ومفيش حاجه يشتغل فيها وتاخد العربيه منو ولا فيها الهوا من غير ما اقولو فيها ايه بيشيك على كل حاجه فيها

بيقلى من كام يوم هاتلى الموتور نصين وملكش دعوه

قولتله ابعد عنى لتكبر ف دماغى هههههههههههههههههه

[أدهم صبرى]

المشاركة الأصلية كتبت بواسطة خالد الجوكر للأسف فيه صنايعيه كتير ف بلدنا بالرخامه دى وعدم التزام بالمواعيد بس بردو فى ناس محترمه بصراحه منهم الميكانيكى اللى بتعامل معاه بصراحه احترام مشوفتش بعد كده والعربيه تروحله يبص عليها ومفيش حاجه يشتغل فيها وتاخد العربيه منو ولا فيها الهوا من غير ما اقولو فيها ايه بيشيك على كل حاجه فيها بيقلى من كام يوم هاتلى الموتور نصين وملكش دعوه قولتله ابعد عنى لتكبر ف دماغى هههههههههههههههههه

ما تكتب لنا إسم الميكانيكى ده وعنوانه.
ويبقى جزاك الله كل خير.