ابويا الحاج هينفخنى (مراية الصالون وقعت ) - نوبيرا 2008

[zing0]

فيه مليون نوع لاصق, صورة زى ما قال الأستاذ سيد و نحاول نفيدك.

[ahany]

المشاركة الأصلية كتبت بواسطة Kemo Kono شكرا للمرور .. بس اكيد مش هيحط سليكون ؟؟ لو حد يعرف المادة اللى هتتلزق بيها يقولها و انا اجيبها و اتعامل .. شكرا للافادة

لاء مش سيليكون . بيلصق بمادة ( اعتقد ايبوكسى ) شفافة
كنت من فترة اشتريت شاشة بتركب على مراية الصالون وبتتوصل بكاميرا خلفية . المهم كانت تقيلة على المراية ووقعت ومعاها مراية الصالون
رحت لمحل ز جاج سيارات ولصقها بمادة شفافة قوامها قريب من العسل الابيض وحط عليها مادة ثانية وقلبهم على بعض قبل اللصق
ولم تترك اى اثر
وتقبل مرورى

[Kemo Kono]

المشاركة الأصلية كتبت بواسطة ahany لاء مش سيليكون . بيلصق بمادة ( اعتقد ايبوكسى ) شفافة كنت من فترة اشتريت شاشة بتركب على مراية الصالون وبتتوصل بكاميرا خلفية . المهم كانت تقيلة على المراية ووقعت ومعاها مراية الصالون رحت لمحل ز جاج سيارات ولصقها بمادة شفافة قوامها قريب من العسل الابيض وحط عليها مادة ثانية وقلبهم على بعض قبل اللصق ولم تترك اى اثر وتقبل مرورى

كدا تمام اوى .. شكرا جدا لمتابعتك .. اروح بكرة و ربنا يسهل تطلع كويسة لان بجد ندمت انى حطيت ايدى فـ العربية و مسحت المراية بذمة ... يلا نصيبها .. شكرا ليك جدا

[sayed2077]

ده لاصق بيتباع كدا فى المحلات اعتقد اسمه ايبوكسى
بيبقى انبوبتين بيجوا مع بعض فى علبه واحده وتجيب حته ورق وتحط حبه من الانبوبه ديه وحبه من الانبوبه ديه على بعض و تقلب بسرعه وقدامك دقيقة واحده تحطهم على المكان بتاع المرايه ده وتلزق بسرعه علشان بينشف بسرعه جداااا يأما تروح اى محل تصليح زجاج وكدا وهو هيعملهالك فى دققة زى ما استاذ هانى قال وربنا يوفقك وتعملها ان شاء الله

[Kemo Kono]

ألف شكر تم اعادتها زى ما كانت ..
خد 5 جنيه و ظبطها كويس ..
قشّر الطبقة اللى فـ قاعده المراية خالص لحد ما جاب الحديد بتاعها بـ سلاح كاتر .. و حط المادتين و قلّبهم .. و ساواهم عليها و لزقها .. خلال 3 دقايق كانت المراية فـ العربية ثابتة .. مسكها شوية عشان تعضّم .. و بس
ألف شكر و آسف للتأخير