حمله الغضب على جميع وكلاء السيارات بمصر

[AbOnOrA]

يا باشا انا بعتلك قبل كده للتنسيق مع بعض بس حضرتك مرديتش ويظهر انك حابب تنفرد بالقرار لوحدك وطبعاً انت حر
بس الرسالة ومضمونها غير عملى لحد كبير
حتى ان فى الرسالة ركزت كلامك كله على السعر فى حين ان السعر او الموصفات اللى بتتحدد بناء على السعر برضو مش مشكلة الشركة الام ولا التوكيل لانها مشكلة قرار سياسى برفع الجمارك والضرائب وساعتها كل التوكيلات هتغير الاسعار وكل ده بدون ادنى تدخل من الشركة الكورية او غيرها

يا جماعة الاسعار اللى كلنا نفسنا تبقى طبيعية سواء فى الجديد المستورد او المجمع محلياً وقيود الاستيراد على المستعمل كل ديه امال نفسنا نحققها طبعاً بس لازم نبقى فاهمين المشكلة فين وحلها فى ايد مين والا مش هنوصل لحاجة

[Egy News]

انا انضميت للجروب الجميل ده
و هطبع الفلاير بتاع الجروب
و هحاول انشره بقدر الامكان

[silentman84]

المشاركة الأصلية كتبت بواسطة AboNoRa يا باشا انا بعتلك قبل كده للتنسيق مع بعض بس حضرتك مرديتش ويظهر انك حابب تنفرد بالقرار لوحدك وطبعاً انت حر بس الرسالة ومضمونها غير عملى لحد كبير حتى ان فى الرسالة ركزت كلامك كله على السعر فى حين ان السعر او الموصفات اللى بتتحدد بناء على السعر برضو مش مشكلة الشركة الام ولا التوكيل لانها مشكلة قرار سياسى برفع الجمارك والضرائب وساعتها كل التوكيلات هتغير الاسعار وكل ده بدون ادنى تدخل من الشركة الكورية او غيرها يا جماعة الاسعار اللى كلنا نفسنا تبقى طبيعية سواء فى الجديد المستورد او المجمع محلياً وقيود الاستيراد على المستعمل كل ديه امال نفسنا نحققها طبعاً بس لازم نبقى فاهمين المشكلة فين وحلها فى ايد مين والا مش هنوصل لحاجة

والله ياباشا ماخدت بالى .....انك بعتلى.....وانا لا استطيع ان انفرد بإى قرار بدونكم.....بالعكس انا بحب اننا نشارك بعضنا ونتعاون مع بعضنا البعض.....ده حتى الخير والبركه بالجماعه.......لاتعتب على اخى واستاذى ابو نورا.... ربما لم التفت لرسالتك او دعوتك لى بالتنسيق معى....اما عن وجهه نظرك فى الرساله....فارحب بها......ولكننى اعلم من قبل انه كان يوجد ضغوط من قبل البلاد الاوروبيه والاسيويه بخصوص اتفاقيه الجات والغاء الجمارك....اى انه مثلا من الممكن التاثير من خلال الشركه الكوريه الام ثم يتصعد الامر من الشركه الام الى البلد الكوريه ذات نفسها ثم تؤثر هذه الشركه على مصر وحدوث هذا ايضا مع الشركات الام الاخرى فى نفس الوقت لكى يكون له ضغط وتاثير فعلى .....واعلم ايضا انه قد قامت شركه صينيه لا اتذكر اسمها ....قامت برفع دعوى قضائيه على وكيل لها هنا فى مصر وذلك لانه اتبع سياسه اسعار غير متفق عليها من قبل هذه الشركه الصينيه.....وبناء على هذا قد كتبت هذه الرساله........وارجوا منك التنسيق معى...........واعتذر لك لعدم رؤيتى دعوتك لى بخصوص امر التنسيق.......وتقبل تحياتى

[drcobra]

واللة يا جماعة انا كان نفسى اشترى عربية جديدة (أول مرة) وبعد ما جمعت فلوسها بعد ست سنوات شغل .
قررت انى انتظر ولن اشترى الان ودا اول رد فعل لى بعد الثورة .
المشكلة مش مشكلة فلوس المشكلة هى انك يتنصب عليك قدام عينك وانت ترضى بحجة الفشخرة (بالرغم من احتياجى للسيارة بسبب الاسرة وعمل الزوجة)
لكن هانت والله ومصر بتمشى دلوقتى فى الطريق الصحيح بينا احنا وبميدان التحرير ورجالتة. بعد ما كانت بتزحف ودا نتيجة ضغط الرجالة على المجلس الحاكم.
نصيحتى لكل الناس (...لو مانزلتش التحرير .. ما تزعلش ... دلوقتى ابدأ) وقاطع كل الحرامية وانت دلوقتى زى اللى نزل التحرير رسالتنا دلوقتى تعديل سلوكياتنا علشان نتقدم.
وربنا يقدم اللى فية الخير لينا ولمصر.

[تيتو55555]

يا باشا كلنا معاك , كفايه نصب علينا وكفايه استغلال
يا جدعان ال بي ام دبليو في السعوديه ب 35000 ريال زيرو حرااااااااااااااااام اللي بيحصل فينا ده
وانا لسه متابع الموضوع ده من فتره بسيطه واتمني ان الاعداد الرافضه للاستغلال تزيد ونطهر بلدنا من الفاسدين اللي فيها