افيدوني في السيراتو 2011 الخليجي افادكم الله

[zerocool9911]

بسم الله الرحمن الرحيم

ابدأ كلامي بحمد الله والصلاة والسلام علي رسول الله ( صلي الله عليه وسلم )
بأذن الله تعالي ناوي اشترى سيراتو 2011 خليجي وارجو الافادة من خبراتكم
ان شاء الله ناوي اجيبها مانيوال بس عاوز اعرف
1- اعلي فئة في المانيوال امكانياتها ايه؟
2- واي نوع من الخليجي سعودي او كويتي او اردني او .......
3- سعرها كام بالضبط ؟
4- افضل واحد اجيبها من عنده مين و يكون امين يعني ميغيرش الكاسيت و يحط كاست ردئ و يخاد الطفاية لو في.. كدة يعني؟ جابر عبد الشهيد ولا مين ؟
5- حكاية الضمان اتعامل مع مين ؟ امان الشرق ولا مين وبيدوا ضمان اد ايه وبكام ؟
6- الصيانة اعمل فيها ايه؟ اتعامل مع مركز صيانة زي امير وجوزيف ولا في حاجة افضل منه ؟ ولا اروح للتوكيل وانا سامع اني ممكن ادفع 4000 و ابقا ادخلها التوكيل ؟ وهل في مركز صيانة في الاقاليم مع العلم اني من محافظة بني سويف ( 120 كليو متر جنوب القاهرة ) فاقرب مركز صيانة مني ايه ؟
طبعا صعب انى اقطع حوالي 300 كيلو رايح جي و مشوار جوة البلد علشان الصيانة
7- قطع غيار الخليجي اخبارة ايه؟ في التوكيل بس ولا ممكن الاقي برة التوكيل؟
8- التامين...افضل شركة تامين ايه ونصيحتكوا ايه ليا أأمن علي العربية ضد الحوادث والسرقات ولا تامين شامل ولا ايه بالضبط؟

معلش اسئلتي كتيرة حبتين.. اصل دي اول مشاركة ليا في منتداكم الموقر ودي كمان اول مرة هشتري فيها عربية وبرضوا مبلغها مش قليل دول حوالي 100000 جنية يعني حرام اني احطهم في عربية و بعد كدة اندم وازعل و اعيط وادايق و اصرخ و.. و.. و.. و.. و.......... لو اتدبست فيها.

افيدوني افادكم الله

[zerocool9911]

يا شباب 50 مشاهدة ومفيش اي رد
حد يدلني وينصحني

[zikozoko]

وانا كمان نفس اسألتك بالظبط ونفس الموديل كمان

فياريت حد يجاوبنا

[elmohamedy]

أنصحك تبعد عن سيراتو الشعبية وانتقل الى كيا سول الروعه .. المصؤيين في الخليخ مخلصين على السياره الاكثر من رائعه واغلى من السول السيراتو فقط 1000 ريال توكل على الله في كسا سول ....

[elmohamedy]

اشتري كيا سول وابعد عن السيراتو ( نصيحة لوجه الله وهتدعيلي بعد سنه بالضبط)