ماهى اسوء انجح عربية فى مصر

[krim71]

الافيو و اللانوس هي العربيات الفاشلة الناجحة
الفيرنا مش وحشة اوي بس مش حلوة اوي برده
ال128 حلوة جداً لو قارنتها بوقتها في السبعينات و اكبر دليل على كده انها منتشرتش بس في مصر لا دي كانت على ايامها منتشرة في اوروبا بعدين ال128 كانت من 8 سنين كده في كل حتة دلوقتي انتشارها قل اوي عن زمان و دخل مكانها عربيات تانية صغير زي بيكانتو و باندا و سبارك و كلها عربيات كويسة يعني مشفناش منها وحش
الصيني انواعه كتير و احنا هنا بنقي عربية معينة مش بلد نشأة يعني لو مسكنا عربية معينا من الصيني مش هتلاقيها منتشرة اوي زي عربيات الجيلي كده لكن مش كل العربيات الصيني ضايعة فيه شوية قليلة كويسين زي التيجو 2000 سي سي و اسبرانزا A516 و جميع عربيات مركة جاك اللي هي متمتش بحاجة بالصين غير مقر الشركة و السعر !! (الجاك ميبنش عليها صيني خالص واللي مش مصدقني يروح يشوفها بنفسه او يسأل اي حد معاه !!) غير ان عربيات جاك مش بتتجمع في مصر بتيجي العربية زي ما هي كده من المصنع الرئيسي في شانجاهاي على هنا و طبعاً اي تقفيلل برة مصر يفرق جامد عن التقفيل المصري زي تقفيل اسبرانزا كده تقفيل ربنا ما يوريك انت بتشتري العربية انت و حظك

[krim71]

المشاركة الأصلية كتبت بواسطة miam0502788391 أسوأ عربية نجحت فى مصر هى 128 عربية بتسخن اداء متواضع اعتمادية قليلة كماليات مفيش الا لو حضرتك زودتها ومع ذلك كان بينطلب فيها ارقام غريبة يعنى عربية موديل السبعينات اكل عليها الزمان وشرب وشافت اللى محدش شافه تقوم ينطلب فيها 15 و 16 و 17 الف ليه يعنى

روح شوف بتوع اللادا العربية عمرها 40 سنة و بيشتروها ب50 الف جنيه !!!!

[krim71]

العربيات المظلومة الاوروبي و الامريكي بأنواعه و اللي ظالمه التوكيلات و الجمرك اللي اجبر العربيات كلها متعلاش عن 1600 !! عجيبة الدنيا

[Doudy]

المشاركة الأصلية كتبت بواسطة عمرو كمال سلامو عليكو اولا ثانيه انا بتفق تماما مع كل اللي قال الفيرنا والصيني عربيات زباله..لان للاسف في مصر احنا بنسطرخص غير كمان معظم اللي بيشتري بهتم بالكامليات (الباور - الكاسيت - التكيف تاتش ولا بكر-في سنتر و ازاز كهربا ؟ ولا لأ) قليل اللي بيبص علي متانه العفشه و الصاج و المكنه.... ثالثا بقي ان مصر مفهاش عربيات دي كلها عربيات اطفال واللي يعرف كدا اللي سافر الخليج و شاف جوده و متانه العربيات اللي هناك حتي من نفس الفئه الواحده (زي الكورولا مثلا) .. هناك كمان التوكيلات محترمه مفيش حاجه اسمها عربيتك مش هتتصلح عندنا ولا الهجص دا + التوكيلات في مصر هي اللي مغلي اسعار العربيات بطريقه مبالغ فيها ويقولك اصل الجمارك مع ان هما مظبطين الجمارك. و من العربيات المظلومه البروتون و الفيات و الالفا روميو

لى تعليق على المظلل بالاحمر
للاسف العربيات فى الخليج عن تجربتى كورولا 2005 و2008
العربية الاولى فى حادث اتعجنت كلها البادي بتاعها كانه كارتون والتامين رفض يصلحها لان بتوع تويوتا قالوا تصلحها هيتكلف 3000 دينار بحرينى وتمنها فى الوقت دا كان 4000 دينار وانا كنت مامنه عليها ب 3800 بطبعا عوضونى المبلغ والعربية اتكنسلت وكانت عاملة 35000 كم
جبت كورولا 2008 لانى على دراية بالتوكيل واماكن تصليحها وقطع غيارها العربية طبعا جميلة وفاخمة وفيها تعديلات عن ال 2005 ولكن ظل نفس العيب العربية وهى جديدة كلت مطب البمبار الامامى انفصل من الجنب روحت التوكيل صلحته ومرجعش زى الاول وكنت احس ان بادى العربية بلاستيك.
ولكن قطع غيار وصيانة وبترول فهى اقتصادية جدا وعربية محترمة..اما الموضوع التامين فدا شيء بصراحة يشهد للخليج ان العربية لو عملت حادث لا تعول هم التوكيل بيصلحه سواء على حساب التامين بتاعك او اللى صدمك وكمان عربية بديلة 7 ايام فى حالة التامين الشامل.ودا شيء ممتاز بصراحة فى الخليج..

[miam0502788391]

المشاركة الأصلية كتبت بواسطة krim71 روح شوف بتوع اللادا العربية عمرها 40 سنة و بيشتروها ب50 الف جنيه !!!!

يا استاذ كريم براحة عليا شوية مش لازم نتعصب لعربية معينة انا بتكلم على 128 المستعمل منها مش الجديد زى اللادا اللى ب 50.000 واللى متفق مع حضرتك برضه ان سعرها غالى حتى لو زيرو