نظره اولى على عيوب اللوجان الاوتوماتيك

[mostafa.ghobara]

اولا مع احترامة لحضرتك انا مش متفق معاك فى الكلام اللى بتقوله واعتقد اللى حصلك مشكله فرديه العربيه معايا وداخل على 10 الف كيلو والعربيه زى الفل والتوكيل محترم جدا وبالنسبه لموضوع نتشه الفتيس انا مبحسش بالنتشه دى وعلى فكره نفس الفتيس موجود فى اللوجان mcv ودى سعرها فوق 100000 وعلى فكره انا مركبتش البروتون ساجا بس كفايه توكيلها

[mohamedsalahelden]

المشاركة الأصلية كتبت بواسطة khaabas هااا يا باشا طمنا اخبار شكوى حماية المستهلك أيه ويا باشا لا اتوماتيك ولا مانيوال والله ومن فاته الياباني والكوري موش هيرجع تاني بلا أوربي بلا بتنجان ولا ايه رايك يا عم تونسي يا فيرناوي الماني ايه بس اللى انا حشره وسط العمالقة

شغال فيها واتصلوا بيا وبيقولولى نحل الموضوع ودى الاول

[mohamedsalahelden]

المشاركة الأصلية كتبت بواسطة mostafa.ghobara اولا مع احترامة لحضرتك انا مش متفق معاك فى الكلام اللى بتقوله واعتقد اللى حصلك مشكله فرديه العربيه معايا وداخل على 10 الف كيلو والعربيه زى الفل والتوكيل محترم جدا وبالنسبه لموضوع نتشه الفتيس انا مبحسش بالنتشه دى وعلى فكره نفس الفتيس موجود فى اللوجان mcv ودى سعرها فوق 100000 وعلى فكره انا مركبتش البروتون ساجا بس كفايه توكيلها

ربنا يباركلك فى عربيتك بس المشكله مش فرديه

[phar,acology]

المشاركة الأصلية كتبت بواسطة akerima لا بتكون قطعة لباد حراري مش موكيت

طب معلش يا باشا سامحني لجهلي ... يعني ايه لباد ؟؟ معلش ياريت حضرت توصفلي العازل ده بالظبط عباره عن ايه وشكله عامل ازاي هكون شاكر جدا ليك ...

[ahmedashraf]

المشاركة الأصلية كتبت بواسطة mohamedsalahelden ربنا يباركلك فى عربيتك بس المشكله مش فرديه

مش عارف بصراحة يأستاذ محمد, بس لو المشكلة مش فردية, فين باقي الناس؟ يعنى ليه مش كل الناس بتشتكي من الموضوع ده؟ في نفس موضوعك إللى إحنا فيه ده في ثلاثة أو أكتر بيقولو إن معندهمش المشكلة دي في نفس العربية والباقى معندهوش العربية أصلا هههههه, وكمان فعلا نفس الفتيس موجود فى ال MCV من زمان محدش إشتكى منه!

إنت عارف؟ هي ممكن لو مش مشكلة فردية تكون مشكلة دفعة بس مش مشكلة عربية بوجه العموم, يعني يمكن (يمكنننننننن) تكون الدفعة إللى حضرتك إستلمت منها يكون فيها كام عربية معطوبين, بس والله أنا فعلا مشفتش حد غير حضرتك عنده مشكلة الفتيس دي لا في المنتدى ده ولا فى غيره.

أنا والله مقدر زعلك وعكننتك, بس مش عايزك تكبر وتعمم الأمور وتكره الناس فعربية أنت نفسك راكبها وتكره نفسك فيها إنت كمان, والعربية زي الفل والحمد لله. مش في رينو ولا لوجان بس, أي عربية وأي ماركة, كله وارد يطلع فيه عيوب فردية لكن مش معنى كده إن الكل هيطلع عنده نفس العيب. والله أنا شايف إنك قفلت نفسك من العربية بنفسك وغير كده الكارهين العربية (وما أكثرهم) شجعوك على كده, أصل العربيات فى بلدنا زي الكوره, تعصب.

أستاذ محمد إحنا من الإسكندرية زي بعض, لو تحب يوم أقابلك ونطلع بعربيتك وتوريني المشكلة وأقولك إن كنت بحسها عندي ولا لأ, أنا معنديش أي مانع.

تحياتي ياباشا ومتابع لموضوع الشكوى بتاعتك وخير إن شاء الله