إستفسار عن لينيا الجديدة

[sam ram]

البيرسونا جميله فعلا ...
لكن بروتون تقفيلها مش اد كده ..
اللينيا تقفيلها و خاماتها احسن بمراحل عن البيرسونا ...
و مواتير فيات برغم الهورس باور الصغير الا انها متجاوبه و معمره واقتصاديه جدا في تشغيلها ....
مشكله التوكيل انه كسول شويه على اساس انه بقاله سنتين و مش عارف يعمل دعايه كويسه .... وبطيء جدا في مراكز الصيانه ... لكن مسمعتش عن حد اشتكى من التعامل معاه او مشاكل في الصيانه ..
يمكن لأن نسبه المبيعات ضعيفه ... الله اعلم ...
عموما حضرتك اتفرج على اللينيا .. البيرسونا ... النيو سيراتو .... ( نفس الفئه في رينج ال 95 الف )
حتلاقي ان اللينيا احسنهم من حيث الخامات و الفخامه و الجوده
والسيراتو احسنهم هورس باور وتوكيل كويس و تصميم جديد .. لكن جوده الخامات متوسطه ...
و مفيش مواصفات امان خالص .... ptmnlo123per144
البيرسونا فيها مواصفات امان و موتور كويس وشكلها جميل .. لكن خامات ضعيفه و تقفيل مش اد كده .. وتوكيل مش مهتم

واللي تستريح لها توكل على الله فيها ...
ومبروك مقدما ...

[Dr. Bolbolan]

والسيراتو احسنهم هورس باور وتوكيل كويس و تصميم جديد .. لكن جوده الخامات متوسطه ...
و مفيش مواصفات امان خالص .... ptmnlo123per144

يا أخ سامح ممكن توضح كيف أن النيو سيراتو بدون مواصفات أمان خالص !

دا نا كنت ناوى أشتريها ! ptmnlo123per144 بس يعنى عاوز أعرف حاجه ! اليس الايرباجز والفرامل ايه بى اس و معاملات
اتزان السياره مش دول من واصفات الآمان ؟ ولا انت قصدك على السيراتو بتاعة ال 95000 ؟

Please جاوبنى !


Dr. Bolbolan ptmnlo123per1127

[MORE83]

مش عارف و الله يا جماعة ... السيراتو فعلا عربية جميلة و بدأت تنتشر لكن أنا ماحبيتهاش خالص و المسألة فى الأول و الآخر أذواق زى ما انتوا عارفين .... أما بقى البيرسونا فأفتكر انها هتدخل حيز المقارنة بالنسبة لى لأنى لسة قارى موضوع عنها إمبارح و أفتكر إنها عربية متميزة

شكرا ليكم جميعا مرة تانية

[hazem_khidr]

- سعر العربية متذبذب جدا و كل شوية بسمع رقم مع العلم انى عايز الفول أوبشن مانيوال

سعرها مش متذبذب و لا حاجه هيا العربيه
سعرها موحد من يوم ما طلعت ورقه بوسطه
الفول اوبشن مانيوال ب 95 الف 1400 سي سي 77 حصان
و الفول اوبشن و زياده مثبت سرعه و شويه حاجات كده ب 103 الف بس مش فاكر كماليتها ايه الصراحه.
فول اوبشن 1400 و 120 حصان تيربو ب 120 الف .

- ناس كتيييييييير جدا خوفتنى من التوكيل .. و التقفيل اللى سمعت انه صينى

التوكيل زي ما سامح باشا قال كسول و بيستخسري عمل دعايه انما اللي اعرفهم بيتعاملوا في الصيانه
مع التوكيل ما بيقولوش غير انه توكيل كويس .
و بالنسبه لتقفيل العربيه فهو تقفيل تركي و ليس صيني
مافيش فيات صيني حاليا غير الباليو فقط ما عدا ذلك اللينيا مصنع فيات في تركيا
و البرافو و ال500 و الجراند بونتو و البونتو كلاسيك ايطالي.

- هل الموتور الـ 1400 مناسب لحجم جسم العربية ؟

اللينيا مصنوعه علي قاعده عجلات الجراند بونتو و حجمها مش كبير اوي
بالنسبه للموتور كويس لكن لا تتوقع منه اداء رياضي بحت
فيات من الشركات اللي تتميز كل مواتيرها انها عصبيه و مرنه و معمره
و لما تكتب علي عربيه انها 77 حصان يبقي فعلا 77 حصان مش زي الشركات التي تبالغ في
وصف سياراتها .
غير كده شكره فيات شاطره اوي في انها تقلل اي حمل علي الموتور بحيث انك تستفيد من قوه العربيه كمجمل.
يعني سير الدينامو و سير التكييف و زوايا الصبابات ...الخ الخ الخ
كل دي حاجات بتاكل من قدره العربيه و فيات بتقدر انها تقلل من الفقد دا الي اقصي قيمه.

- فى حالة ان فى حد رافض للعربية .. ممكن يدلنى على بدائل لعربية فى نفس الفئة

في الحاله دي يبقي قدامك اختيارين
تويوتا ياريس و كيا سيراتو فقط
دول العربيتين اللي ممكن ارشحهم لحضرتك بخلاف اللينيا
و ارشح السيراتو عن الياريس كمان نظرا لحداثتها و كمان عاوز مانيوال يبقي الكوري مش حيبقي فيه مشكله.
انما البيرسونا مع احترامي للجميع فهي تقفيلها قريب من الجين 2 السئ اساسا.
يعني مش معقول اجيب عربيه جديده الاقي شهر ولااتنين ايد الفتيس بتاعتها قشرت!!
او الاقي اكره بتلخلخ او زجاج مش عاوز يترفع !!!
دي حاجات تحرق الدم بصراحه في عربيه المفروض انا شاريها جديده مش مستعمله

[Nour_peugeot]

كلاك حازم عين العقل تقفيل و خامات البروتون عموما علي اد حالها اقل من خامات الاوربي و اعلي من خامات الصيني

و بالمناسبه البيرسونا بتاكل بنزين كتير انا واحد صحبي معاه العربيه و بتعمل 170 في الصفيحه


في عربيه انجكشن مودي جديد و انا العربيتي موديل 90 كلبرتير بتعمل 180 في الصفيحه داخل البلد فا الفرق واضح