عربية تعبانة جدا تجتاج لكام بظبط

[aallmix]

????????????????????????

[Devill Blood]

المشاركة الأصلية كتبت بواسطة aallmix لو باروما جزئية هل ينفع اشيلها و الحم بدلها صاج جديد و امعجن و ادي وش دوكو و كله يبقى تمام ؟ و لا في مشكلة ؟ و بالنسبة للتظبيط انت معترض على ال6 الاف جنيه امال يتصرف عليها كام عشان ترجع عربية بجد ؟؟؟؟؟؟؟؟؟؟؟؟؟؟

أنا بصراحة مش خبير لكن لو عايز العربية ترجع عروسة فده صعب ومحتاج تكاليف كبيرة

[مهند سالم]

بص يا أستاذي مفيش عربية اتلعب في الصاج بتاعها بترجع زي ما كانت ، أهم حاجة في العربية الفبريقة، يعني الصاج ما يكونش اتلعب فيه، أما عربية واكلها الصدا، يبقى تبعد عنها، لكن لو خلاص اشتريت يبقى طبعا ممكن تتظبط، السمكري هيشيل الصاج المصدي ويحط صاج جديد - طبعا مش زي الأصلي بتاعها- ويلحم ويسنفر ويديها دوكو، بس العملية دي هتتكلف، يعني عندك سمكرة في حدود 2000 جنيه، مع إنك ما قلتلناش الصدا واصل لحد فين، والماتور استيراد قول مثلا معدي ال3000 جنيه، وقول أجرة الميكانيكي في حدود 250 جنيه، طقم جنوت متوسط الجودة 1000 جنيه، بطارية 250 جنيه، عفشة بالمصنعية حوالي 2000 جنيه -طبعا استيراد مش جديد- فتيس جديد بصراحة مش عارف بكام بالظبط، بس قول في حدود 500 جنيه، تبقى الحسبة: هتوصل تقريب ل 10000 جنيه، وده اقل حاجة، عشان العربية تقوم على رجلها ، مش تبقى زيرو، لأن اي عربية زي ما قلت لحضرتك في الأول اتلعب في أساسيات الصاج بتاعها عمرها ما هترجع زيرو، وتقبل مروري

[aallmix]

بص يا أستاذي مفيش عربية اتلعب في الصاج بتاعها بترجع زي ما كانت ، أهم حاجة في العربية الفبريقة، يعني الصاج ما يكونش اتلعب فيه، أما عربية واكلها الصدا، يبقى تبعد عنها، لكن لو خلاص اشتريت يبقى طبعا ممكن تتظبط، السمكري هيشيل الصاج المصدي ويحط صاج جديد - طبعا مش زي الأصلي بتاعها- ويلحم ويسنفر ويديها دوكو، بس العملية دي هتتكلف، يعني عندك سمكرة في حدود 2000 جنيه، مع إنك ما قلتلناش الصدا واصل لحد فين، والماتور استيراد قول مثلا معدي ال3000 جنيه، وقول أجرة الميكانيكي في حدود 250 جنيه، طقم جنوت متوسط الجودة 1000 جنيه، بطارية 250 جنيه، عفشة بالمصنعية حوالي 2000 جنيه -طبعا استيراد مش جديد- فتيس جديد بصراحة مش عارف بكام بالظبط، بس قول في حدود 500 جنيه، تبقى الحسبة: هتوصل تقريب ل 10000 جنيه، وده اقل حاجة، عشان العربية تقوم على رجلها ، مش تبقى زيرو، لأن اي عربية زي ما قلت لحضرتك في الأول اتلعب في أساسيات الصاج بتاعها عمرها ما هترجع زيرو، وتقبل مروري

تحياتي ليك

طب بالنسبة لبعد ما اعمل كل ده العربية اقدر اعتمد عليها و تبقى فعلا عربية بجد و لا برده فيها حاجة هتتعبني بعد كل الصرف ده ؟

[مهند سالم]

المشاركة الأصلية كتبت بواسطة aallmix تحياتي ليك طب بالنسبة لبعد ما اعمل كل ده العربية اقدر اعتمد عليها و تبقى فعلا عربية بجد و لا برده فيها حاجة هتتعبني بعد كل الصرف ده ؟

بص بصراحة أنا عايزك تكون أوضح من كدة عشان نفيدك، لازم نعرف إنت اشتريت ولا لسة، واشتريت بكام، ولو ممكن ترجع في الشروة دي، وهي بالنسبة ليك لقطة يعني جايبها بسعر كويس بالنسبة لحالتها فبالتالي عندك استعداد تصرف. لازم نعرف كل ده عشان ما ندبسكش في عربية تصرف عليها على الفاضي.
وعموما يا سيدي أي عربية إنت مقتنع بيها ممكن تتظبط وكل حاجة وتقف على رجليها، بس إحنا بنتكلم في حجم الخسارة لما تيجي تبيع، أما لو إنت مش ناوي تبيع، ومقتنع بالعربية، وعندك استعداد تصرف وتخليها معاك، يبقى اصرف وإن شاء الله هتبقى كويسة وشكرا ليك وربنا يبارك ليك فيها.