الدركسيون سوجر واحنا مشيين على الصحرواى

[Hisham.Elgazzar]

الف حمدا لله على سلامتكم
بس انا كنت عاوز اعرف اه السبب فى الموضوع ده
وهل صاحبك مثلا مور العربية وبطل وخلع المفتاح من الدركسيون
واه حالة قطمة الدركسيون والكونتاكت
سليم ولا مفكك

ياريت نتناقش علشان نحذر الناس من أعراض الموضوع ده قبل ماتحصل لاقدر الله مع احد تانى

يعنى عاوزين نعمل الإجراءات الوقائية للموضوع ده

[محمد حسن عبد الرحمن]

الله يسلمك يا باشا واهلا وسهلا بحضرتك يا باشا هو اللى حصل معنا بالظبط كنا بنأخد غرزة واحنا على الصحرواى يدوب أخدنا يمين جى يرد شمال الدركسيون سوجر والحمد لله ربنا ستر ودخلنا فى الرمله المهم نبطل وندور العربية مفيش هز الطارة يمين وشمال مفيش خبط عليه براحه مفيش المهم نقعنا المفتاح بتاع الكونتك داخل علبة زيت الفرامل وجربنا معملش حاجة جبنا علبة زيت الفرامل ذات نفسها وقعدنا نقطر بيها جوة المكان اللى بيدخل فيه المفتاح لغاية ما أشتغل تانى وأول موصلنا إسكندرية غيرنا الطبلة (العربية فيات ريجاتا) ودية مش أول مرة يحصل معايا الموضوع ده قبل كده حصلت قدامى لسيارة مرسيدس زلموكة فى شارع أبو قير وكان واقف فى إشارة جى يطلع لقيته مرة واحده فرمل حسيت انو عنده مشكلة فى العربية رحت اعرض عليه المساعدة قالى الدركسيون سوجر وكان الموتور داير جربنه برده عملية زيت الفرامل بس للأسف منفعتش مع الزلموكة وأضطر صاحبة يقفلها ويسبها فى نص شارع أبو قير ويروح يجيب ونش علشان يشيلها.
وهى ديه الحكاية يا باشا ومش عارف لغاية دلوقتى كانت بسبب أية.(قطمة الدركسيون بحالة ممتازة والحالة العامة للسيارة فوق فوق الممتازة وكانت مرفوعة قبل ما يشتريها.

[محمد حسن عبد الرحمن]

هو أكيد زى ما قال أحد الأعضاء المحترمين علشان نتلفى تلك المشكلة نزيت دائما وبموعيد منتظمة مثل هذه الأشياء لنحاول تجنب تلك المشاكل.

[Hisham.Elgazzar]

المشاركة الأصلية كتبت بواسطة محمد حسن عبد الرحمن هو أكيد زى ما قال أحد الأعضاء المحترمين علشان نتلفى تلك المشكلة نزيت دائما وبموعيد منتظمة مثل هذه الأشياء لنحاول تجنب تلك المشاكل.

ماهوا برضو كترة الزيت فى الكونتاكت مش صح برضو
الدبليو دى فورتى ممكن يكون هو الحل انك تحافظ
بس برضو ده حل مؤقت لأنها ممكن تحصل فى اى وقت لا قدر الله
وبعدين قفل الدركسيون مهم اوى علشان السرقة

[محمد حسن عبد الرحمن]

المشاركة الأصلية كتبت بواسطة Hisham.Elgazzar ماهوا برضو كترة الزيت فى الكونتاكت مش صح برضو الدبليو دى فورتى ممكن يكون هو الحل انك تحافظ بس برضو ده حل مؤقت لأنها ممكن تحصل فى اى وقت لا قدر الله وبعدين قفل الدركسيون مهم اوى علشان السرقة

الف شكر لحضرتك يا باشا انا اسف لآنى كنت مشغول جدا فى الوقت الحالى واسف انى مرديتش على حضرتك حيث انى امر بظروف خاصة هو كلام حضرتك مضبوط بنسبة 100% بس احنا غيرنا الطبلة واعتقد ان محدش هيعرف ايه العطل فركبنا وحده استعمال خارج واعتذر جدا لشخصيتكم الكريمة مرة آخرى وتقبل اعتذارى ومرورى وانا شاء الله بعد حوالى اسبوعين من الأن ان شاء الله اخش على المنتدى تانى واسف انى مرديتش على حضرتك.
اخوك محمد

:GR OWIN~12:

: balloons71: