متوسط اسعار المستعمل هذا الاسبوع

[rrzzkk]

ممكن ريجاتا 85 /1600سىسى الحالة فوق المتوسط

[khaled202020]

السيد الدكتور الفاضل/ تامر
فى البداية يجب تقديم جزيل الشكر لسيادتكم على هذا المجهود الفائق والخدمة المتميزة التى تقدمونها لأعضاء الموقع، اسمح لى يا دكتور فى استفسار بسيط عن أسعار قطع غيار نيسان صنى واعلم ان سيادتكم تفضلونها لقد قرأت فى أحد المنتديات عن الارتفاع الشديد فى أسعار قطع غيار نيسان صنى والتى وصل سعر الفانوس الأمامى فيها إلى 1800 جنية ، أنا أسال لانى ناوى اشترى صنى بس لما عرفت تلك الاسعار لقطع الغيار اكيد غيرت رأيى، سؤالى لسيادتك هل هذه الأسعار فعلا حقيقية يعنى هل مرتفعه لهذا الحد وشكرا لكريم إسهامكم
ولكم جزيل الشكر والتقدير

[gohaelmasry]

لو سمحت يا دكتور
فيات اونو 98 تعمل كام تقريبا؟

[Peugeot 206]

المشاركة الأصلية كتبت بواسطة khaled202020 السيد الدكتور الفاضل/ تامر فى البداية يجب تقديم جزيل الشكر لسيادتكم على هذا المجهود الفائق والخدمة المتميزة التى تقدمونها لأعضاء الموقع، اسمح لى يا دكتور فى استفسار بسيط عن أسعار قطع غيار نيسان صنى واعلم ان سيادتكم تفضلونها لقد قرأت فى أحد المنتديات عن الارتفاع الشديد فى أسعار قطع غيار نيسان صنى والتى وصل سعر الفانوس الأمامى فيها إلى 1800 جنية ، أنا أسال لانى ناوى اشترى صنى بس لما عرفت تلك الاسعار لقطع الغيار اكيد غيرت رأيى، سؤالى لسيادتك هل هذه الأسعار فعلا حقيقية يعنى هل مرتفعه لهذا الحد وشكرا لكريم إسهامكم ولكم جزيل الشكر والتقدير

والدى عنده عربية لانسر موديل 2006 معاه من الزيرو الفانوس الخلفي اتكسر ( طبعاً دي اقل حاجة من حرفوش صغير جاب نبلة جديدة )

الفانوس الأصلي ثمنه 1300 جنيه .. ده الخلفي و أكرر الخلفي .. الأمامي لا يقل بأي حال من الأحوال عن 1900 جنيه ... بصراحة والدي مجابش الأصلي ( جاب واحد تايواني تقريباً - المهم انه مش الاصلي - ب 450/500 جنيه و ركبه لان الفانوس شئ مش اساسي و حرام يندفع فيه المبلغ ده علشان حاجة هبلة و هتشتغل بنفس الكفاءة !!!

انما بصراحة الحجات التانية بنروح للتوكيل عدل و هي قليلة جداً في العربيات الياباني ... يعني غير شوية حجات هبلة ( فلتر او اثنين مش فاكر و زيت و سير تقريباً -- الي هيا الحجات الدورية ) مغيرش غير اسطوانة و ديسك اول امبارح و جابهم ب 1800 جنيه لان واحد قريبي عنده نفس الموديل جاب الي مش اصلي بـ 450 جنيه مكملتش شهرين و بدأت تعلق سعات و بقالها سنة اهو شغالة !!!!
للعلم والدي ماشي بيها 85 الف كيلو ... طبعاً لو حضرتك دفعت مثلاً نفس المبلغ في اسطوانة و ديسك في عربية مستعملة اكيد اكيد مش هتمشي بيها 85 الف كيلو .. يعني بصراحة بيبقى تمنها الي حد ما فيها !!!

و النيسان و اللانسر عربيات ممتازة من حيث الميكانيكا بتاعتها اي قطعة غيار بتحطها جواها بتعيش كويس و لو مش اصلية ( واحد قريبي تاني -لانسر برضه نفس الموديل - اشترالها اسطوانة و ديسك بس كانو اغلى 100 جنيه و بقالها معاه سنة و نص و معلقتش خاااااااالص و زي الفل ...

لو الأسعار دي تناسبك مع العلم ان الي بيتغير بتنساه يبقى توكل على الله ( النيسان ممتاااااااااازة ) ..

و بالمناسبة النيسان دي موديل كام ؟؟؟؟

[h0pa]

فيات 127 بانواعها تعمل في حدود كام اليومين دول علشان لما الواحد يفكر ينزل يجيبها يبقي عارف هو بيتكلم في ايه
الموضوع هايكبر في دماغي بالاخص لما اطلع رخصة ان شاء الله
بس كنت حابب اخد فكرة