الناس اللي حاطة صورة شفيق في التوقيع، ممكن تقنعوني مأيدينه ليه؟؟؟؟؟

[aymanlaw]

المشاركة الأصلية كتبت بواسطة temoking 1- شفيق لو مشي زي النظام القديم من السهل خلعه لأن الشعب خلع الأقوى منه . 2- مرسي بقى هيتخلع إزاي ووراه مليون إخواني ومليون سلفي بيحموه ولو الجيش إتدخل هتبقى حرب أهليه مع الإخوان والسلفيين 3- شفيق يعني الدولة المدنية أما مرسي يعني الدولة الدينية وشوفوا الجمعية التأسيسية للدستور ليه الإخوان بيماطلوا فيها وبعد تهديد المجلس العسكري بوضع إعلان دستوري مكمل أبلغه الإخوان بأنه يعمل اللي يعمله بس هما عاوزين أغلبية لا تقل عن 57 % في اللجنة لوضع دستور إسلامي وتطبيق الشريعة طيب من الأول قولوا كده هم كده طوووول عمرهم وإسألوا حسن عبد الرحمن وعمر سليمان الإخوان كانوا بيعملوا إية قبل 28 يناير والثوار بيموتوا في ميدان التحرير ؟؟؟؟

وهى دى اخرتها نأخذ برأى هؤلاء الأغبياء اللذين اوصلوا مصر وشعبها لما نحن فيه الأن ,الله وحده قادر ان يخلصنا من هاذين النظامين إذا كان أخوان او النظام المضمحل الخاص بعمر سليمان وحسنى مبارك واحمد شفيق ربنا ينتفم منهم جميعاً ---

[amr elsisi 1]

والله يا اصدقائي انا واحد قالي كلمة عجبتني اوي
شبة شفيق بفرعون طول عمرة يعصي الله ولما جة يموت قال امنت بما امن بة موسي
وشفيق طول خدمة كان في نظام فاسد والي سافر برة يعرف يعني اية طيران
مصري ومدي سوءة وجاي دلوقتي عاوز يصلح بعد ماعمرة 72 عاما
احنا حتي لو كرهين الاخوان لازم نتحد ضد الفلول وكلها اربع سنوات

[حواش]

الا مستغربو الاخ الابيقول في ناس عايزه تضرب بالجزمه وده كلام فين حريه الراي والديمقراطيه ولو حسبتها حسبه بسيطه الا انتخب شفيق ناس مقتنعه بيه فعلا ومش عايزه تفكيك البلد من جهاد وتكفير وهجره واخوان وسلف وشيعه اذا كان الاخوان منقسمون اصلا كيف يحكمون البلد وردا علي كلام الاخ انت مضروب بالجزمه انت واهلك 30 سنه واكثر اتكلمت النهارده ليه والله ياجماعه ساعه الاخوان ماكامنو واخدين راحتهم في البلد والله كنا بنصلي العيد الصغير مرتين جماعه مع السعوديه وجماعه مع مصر حاجه تكسف والايام هتسبت الكلام وعلي فكره علشان محدش يتكلم انا اكثر واحد اضرر من نظام حسني

[Hisham.Elgazzar]

كل واحد من حقة يتنخب اللى هو عاوزه
وحط اى صورة فى التوقيع أهم حاجة
ماتبقاش صورة 6

[frdnwr]

هو الكلام مبني للمجهول ليه؟ هو الانتخابات هتخلص ونروح؟ ما هي دي المصيبة اللي خلت مبارك يحكم 30 سنة، لأ ، أيا كان الرئيس ، أولا : محاسبته ووضع هيئة مسئولة عن الرقابة في مصر أهم شيء، انو الانتخابات تتعمل كمان اربع سنين اهم شيء، انو ما يبقاش في تمديد ورا تمديد للرئيس اهم شيء ، هو ليه كل الناس شايفة دورها انها تنتخب، والرئيس بقى يعمل ما بداله وربنا يستر؟؟!!
نقطة واحدة لفتت نظري في المبررات المبررة للمؤيدين : الاستقرار ..... انتو بتضحكو على نفسكم ولا علينا؟ يعني هو اللي قبل كدة كان استقرار وامان فعلا؟ والله؟ ما كانش واسطات ورشوات ومحسوبية ودا جيش ودا شرطة ودا صاحبي ودا شريكي وهلم جرا؟؟ هو دا الوضع المستقر اللي عاجبكم؟ ما كانش ضرايب وجمارك بدون بنية تحتية محترمة؟ لا طرق عدلة ولا اتصالات زي العالم ولا مية نظيفة حتى؟
استقرار ايه اذا كان الناس طلعت بمليونية على شفيق وهو رئيس وزراء مش عايزينه؟ هم اللي طلعوا دول ايه؟ ولا معمول حسابهم في السجون يعني؟
سواء جه شفيق، جه مرسي، جه العفريت الازرق، البلد مش تكية ابوه، دي تكية ابونا احنا بقى ، ومن حقنا نشوف مصر حرة فعلا ومستقلة فعلا .. وأم الدنيا فعلا فعلا فعلا ......
حاجة أخيرة ، الحساب يا باشا بيبقى بالنتايج .. في فقر ، في مرض ، في جهل ، في عنف مين اللي هيقدر يغير؟ وهنقدر نحاسبه؟؟ شفيق والجيش اللي في صفه رسمي، والفلوس اللي هتتهرب والقضايا اللي هتتقفل؟

يا ناس اتقوا الله، الناس بتتذل في اقسام الشرطة، ليل نهار بدون ذنب،
ماحدش يرضى بنظام قديم زي ده يرجع إلا واحد من النظام نفسه، ومعدوم الضمير فعلا، أو واحد عامل مصيبة ومش عايز حد يحاسبه . لازم أول حاجة نخلص من النظام القديم ويتحاكم ويكون عبرة بسبب كل اللي عمله في مصر ..

وأنا ما بحبش الاخوان وحاسس انهم هيميلوا لمصالحهم ، بس بصراحة مش هيضيعوا حق حد، مش هيقدروا يبوظوا سمعتهم بأي عمل فيه ضياع حقوق، وإلا ما حدش هينتخبهم تاني ... والمهم انهم مش هيقفلوا باب الانتخابات على نفسهم ... زي ما هي متزورة دلوقت ...

ربنا يصلح الحال، ويولي اللي يجيب الخير لمصر والمصريين ...
ويشهد الله، يشهد الله، أنو الكلام ده من حرقة قلوبنا على مصر .. ونفسنا نعيش بعزة بقى .....